Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jean 2:1-25

LI TI ATËNË NI

  • Matanga ti mariage na Cana; ngu aga vin (1-12)

  • Jésus atomba azo ti kango ye na yâ ti temple (13-22)

  • Jésus ahinga ye so ayeke na yâ ti bê ti zo (23-25)

2  Lango use na pekoni, a sara mbeni matanga ti mariage na kodro ti Cana na sese ti Galilée, na mama ti Jésus kue ayeke kâ.  A tisa nga Jésus na adisciple ti lo na matanga ti mariage so.  Tongana vin ahunzi, mama ti Jésus atene na lo: “Ala yeke na vin pëpe.”  Me Jésus atene na lo: “Wali, ti mbi na mo nyen na yâ ni?* L’heure ti mbi ade ti lingbi pëpe.”  Mama ti lo atene na azo ti kua ni: “Ye kue so lo tene na ala, ala sara ni.”  Na ngoi ni so, ambeni kota ta ti tênë omene ayeke na ndo so, tongana ti so andia ti zingo sioni ye na terê ti aJuif ahunda.+ Ta oko alingbi ti mû litre 44 wala 66 tongaso.*  Jésus atene na ala: “Ala tuku ngu asi yâ ti akota ta so.” Ala tuku ngu asi akota ta ni juska na yanga ni.  Na pekoni, Jésus atene na ala: “Ala tö mbeni fadeso ala gue na ni na zo ti bango ndo na ndö ti matanga ni.” Tongaso, ala tö ni ala gue na ni na lo.  Zo ti bango ndo na ndö ti matanga ni atara ngu so a sara ni fade si aga vin so, me lo hinga ti lo ndo so a londo dä pëpe, (andâ azo ti kua ni so atö ngu ni so ahinga ni), ni la lo iri koli ni so amû wali fini fini so, 10  lo tene na lo: “Azo ayeke kangbi ka nzoni vin kozoni, na tongana azo asoulé awe si a yeke kangbi na ala vin so ayeke nzoni mingi pëpe. Me ti mo, mo bata nzoni vin ni juska fadeso.” 11  Jésus asara ye so na kodro ti Cana na sese ti Galilée, tongana tongo nda ti afä so lo yeke sara, na lo fa gloire ti lo na gigi,+ na adisciple ti lo amä na bê na lo. 12  Na peko ti ye so, Jésus na mama ti lo, aita ti lo+ nga na adisciple ti lo adescend na Capernaüm,+ me ala ngbâ kâ lango mingi pëpe. 13  Matanga ti Pâque+ ti aJuif aga nduru, na Jésus amonté na Jérusalem. 14  Lo wara na yâ ti temple azo so ayeke kä abagara, ataba, akolokoto+ nga azo ti changengo nginza so aduti na ndö ti angende ti ala. 15  Tongaso, lo mû akamba si lo leke na zaza, na pekoni lo tomba na yâ ti temple ni ala kue so ayeke na ataba nga na abagara. Lo tuku na sese alê ti nginza ti azo ti changengo nginza ni na lo kinda atable ti ala.+ 16  Lo tene na ala so ayeke kä akolokoto: “Ala mû aye so na ndo so ala hon na ni! Ala zia ti sara si da ti Babâ ti mbi aga da ti kango ye!”*+ 17  Adisciple ti lo adabe ti ala na ye so a sû na yâ ti Mbeti ti Nzapa, a tene: “Nzara ti da ti mo ayeke gbi mbi gbingo tongana wâ.”+ 18  Tongaso, aJuif atene na lo: “So mo yeke sara aye so, fä wa la mo lingbi ti fa na e?”+ 19  Jésus akiri tënë na ala, lo tene: “Ala kungbi temple so na sese, na mbi yeke kiri ti leke ni ande na nduzu na yâ ti lango ota.”+ 20  Tongaso aJuif atene: “A leke temple so na yâ ti ngu 46, me mo, mo yeke leke ni na nduzu na yâ ti lango ota?” 21  Me temple so lo yeke sara tënë ni ayeke terê ti lo.+ 22  Na peko ti so a zingo Jésus na kuâ awe, adisciple ti lo adabe ti ala so lo yeke tene ka tënë so lani.+ Tongaso, ala mä na bê na ye so Mbeti ti Nzapa atene nga na tënë so Jésus atene. 23  Tongana lo yeke na Jérusalem ndali ti Pâque, na ngoi ti matanga ni, azo mingi ato nda ti mä na bê na iri ti lo, ndali ti so ala bâ afä so lo yeke sara. 24  Me Jésus azia bê ti lo na ndö ti ala pëpe ngbanga ti so lo hinga nda ti ala kue 25  nga ngbanga ti so lo yeke pëpe na bezoin ti zo ti sara tënë ti mbeni zo na lo, ndali ti so lo hinga ye so ayeke na yâ ti bê ti zo.+

Kete tënë

So mbeni fason ti sarango tënë ti yanga ti Grec so afa so zo ni ake ye ni. Tënë “wali” aye pëpe ti fa so lo kpe mama ti lo pëpe.
Kota ta oko alingbi ti mû bath use wala ota. Bath oko alingbi na litre 22. Bâ na B14.
Wala “gara; ndo ti dengo buze.”