Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Habakuk 3:1-19

LI TI ATËNË NI

  • Prophète ni asambela ti tene Jéhovah alondo asara ye (1-19)

    • Nzapa ayeke sö ande azo ti lo so lo soro ala (13)

    • Atâa ye ti vundu, lo yeke dekongo na ngia ndali ti Jéhovah (17, 18)

3  Sambela ti prophète Habakuk, na yâ ti abia ti vundu:*   Jéhovah, mbi mä atënë so a tene na ndö ti mo. Jéhovah, kusala ti mo asara si li ti mbi akpe kue. Na yâ ti angu ni,* sara si ye ni akiri abâ gigi. Na yâ ti angu ni,* sara si azo ahinga ni. Zia mo girisa pëpe ti bâ mawa ti zo na ngoi ti wusuwusu.+   Nzapa alondo na Téman la lo ga so,Lo so ayeke nzoni-kue alondo na Hoto ti Paran+ si aga. (Sélah)* Gloire ti lo amû yâ ti yayu kue,+sese asi singo na tënë ti gondango lo.   Lo za tongana lumière.+ Azango ye tongana lumière asigi na yâ ti maboko ti lo,ndo so lo honde ngangu ti lo dä.   Sioni kobela ayeke tambela na devant ti lo,+kobela so asara si terê ti zo amû wâ mingi amû peko ti lo.   Lo luti na lo yengi sese.+ Gï bango ndo ti lo asara si amara ahuru na nduzu.+ Ahoto so ayeke kpu na kpu so, yâ ni asuru,ahoto so ayeke ândö giriri so akuku na sese.+ Alege so aninga mingi awe so ayeke ti lo.   Mbi bâ aye ti kirikiri na yâ ti atente ti Cushan. Abongo ti tente ti kodro ti Madian adö.+   Jéhovah, bê ti mo ason na terê ti angu so ayeke sua? Eskê ngonzo ti mo alondo na terê ti angu so ayeke sua? Wala mo sara kota ngonzo ni na terê ti ngu-ingo?+ Mo yeke kpe na ambarata ti mo,+apuse ti mbarata ti mo asö benda.*+   Mo sigi na kokora ti mo, na mo leke terê ti mo ti pika ni. Akeke* ni ayeke nduru ti sara kua ti ala alingbi na tënë ti dengo bä.* (Sélah) Mo sara si angu so asua asuru yâ ti sese. 10  So ahoto abâ mo, yâ ti terê ti ala ason.+ Kota ngu-nzapa apika amû ndo kue. A mä totongo ti ngu so alï mingi.+ Ngu ni ayô amaboko ti lo na nduzu. 11  Lâ na nze aluti kpô na lê ti nduzu kâ.+ Alê ti kokora ti mo akpe tongana lumière.+ Zango ti likongo ti mo ayeke tongana ti wâ ti bekpa. 12  Mo tambela na ndö ti sese na ngonzo. Mo dö* amara na gbe ti gere na yâ ti ngonzo ti mo. 13  Mo sigi ndali ti salut ti azo ti mo, ti sö zo ti mo so mo soro lo. Mo neka mokonzi* ti da ti zo ti sioni. A londo na fondation ni ti si na li* ni, a zi ni kue. (Sélah) 14  Mo kôro li ti mokonzi ti aturugu ti lo na aye ti bira* ti lo wani,na ngoi so ala londo na loro tongana kota pupu ti ngu ti ga ti tomba mbi. Terê ti ala anzere mingi ti futi na hondengo ni zo so abâ pasi. 15  Mo hon na ambarata ti mo na yâ ti ngu-ingo,mo hon na ala na yâ ti kota ngu so asua ngangu ngangu. 16  So mbi mä ni, terê ti mbi adö,*so mbi mä tënë ni, aporo ti yanga ti mbi apika terê. Abio ti mbi awoko;+gere ti mbi ayeke dö dongo. Me mbi yeke duti kpô ti ku lango ti ye ti vundu,+ndali ti so ye ti vundu ni ayeke ga na ndö ti azo so aga ti sara bira na e. 17  Atâa so peut-être keke ti figue asara fleur pëpe,na peut-être alê ti vigne ade ti sigi pëpe;atâa so alê ti olive ayeke dä pëpe,nga so ayaka alë alê ti kobe pëpe;atâa so ataba ayeke na yâ ti gbagba ti ala pëpe,na abagara ayeke dä pëpe na yâ ti gbagba so a bata ala dä; 18  me ti mbi, mbi yeke dekongo na ngia ande ndali ti Jéhovah;mbi yeke duti ande na ngia ndali ti Nzapa ti salut ti mbi.+ 19  Jéhovah, Seigneur ti dunia kue, ayeke ngangu ti mbi,+lo yeke sara si gere ti mbi ayapu tongana gere ti lekpa,na lo yeke sara si mbi tambela na ndö ti ando so ayeke na nduzu.+

Kete tënë

Wala “abia ti totongo kuâ.”
A lingbi nga ti tene “Na ngoi ti e.”
A lingbi nga ti tene “Na ngoi ti e.”
Wala “aga na salut.”
A lingbi nga ti tene “Akokora.”
A lingbi nga ti tene “dengo bä ti yanga so amara adë.”
Na Hébreu: “pika ala tongana ti so a pika na alê ti kobe.”
Na Hébreu: “li.”
Na Hébreu: “go.”
Na Hébreu: “akeke.”
Na Hébreu: “yâ ti mbi adö.”