Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Exode 32:1-35

LI TI ATËNË NI

  • Vorongo molenge ti bagara ti lor (1-35)

    • Moïse amä go ti mbeni bia nde (17, 18)

    • Moïse afâ yâ ti akete tableau ni (19)

    • Azo ti mara ti Lévi amû mbage ti Jéhovah (26-29)

32  Na ngoi so azo ni abâ so Moïse angbâ na li ti hoto ni aninga, lo kiri hio pëpe,+ ala bungbi na terê ti Aaron na ala tene na lo: “Mo sara mbeni nzapa na e, so ayeke tambela na devant ti e,+ ngbanga ti so Moïse ni so asigi na e na kodro ti Égypte so, e hinga ye so asi na lo pëpe.”  Tongaso, Aaron atene: “Ala zi aye ti mê ti lor+ so ayeke na mê ti awali ti ala, ti amolenge ti ala ti koli na ti amolenge ti ala ti wali, ala ga na ni na mbi.”  Azo ni kue akomanse ti zi aye ti mê ti lor so ayeke na mê ti ala ti ga na ni na Aaron.  Lo mû lor ni na maboko ti ala, lo leke ni na burin si aga mbeni statue ti kete bagara.*+ Azo ni atene: “Israël, bâ Nzapa ti mo la, lo so asigi na mo na kodro ti Égypte.”+  Tongana Aaron abâ ye so, lo leke mbeni gbalaka na devant ni. Na pekoni, lo dekongo, lo tene: “Kekereke e yeke sara mbeni matanga ndali ti Jéhovah.”  Tongaso, na ndade ni, ala londo na kota ndapre, ala komanse ti yâa asandaga so a zö ni agbi kue nga ti yâa asandaga ti beoko. Na pekoni, azo ni aduti ti te na ti nyon, na ala londo ti sara ngia.+  Jéhovah atene na Moïse: “Mo descend, ngbanga ti so azo ti mo so mo sigi na ala na kodro ti Égypte so abuba lege ti ala awe.+  Hio, ala hon nde na lege so mbi fa na ala ti mû so.+ Ala leke mbeni statue ti kete bagara,* na ala ngbâ ti kuku na gbe ni ti voro ni nga ti mû asandaga na ni, na ala yeke tene: ‘Israël, bâ Nzapa ti mo la, lo so asigi na mo na kodro ti Égypte.’”  Jéhovah atene na Moïse: “Mbi bâ so azo ni ayeke azo so li ti ala akpengba mingi.*+ 10  Tongaso zia mbi, si ngonzo ti mbi alondo na terê ti ala tongana wâ na mbi hunzi ala kue, na zia mbi sara si mo ga mbeni kota mara.”+ 11  Me Moïse avoro terê na* Jéhovah Nzapa ti lo,+ lo tene: “Jéhovah, ngbanga ti nyen mo ye ti zia si ngonzo ti mo alondo na terê ti azo ti mo so mo sigi na ala na kodro ti Égypte? azo ti mo so mo sigi na ala na kota ngangu ti mo nga na ngangu ti maboko ti mo so?+ 12  Ngbanga ti nyen mo ye ti zia si azo ti Égypte atene ande, atene: ‘A yeke na sioni bê si lo sigi na ala na kodro ni. Lo ye fade ti fâ ala na yâ ti ahoto na ti hunzi ala kue na lê ti sese.’+ Zia lege ti ngonzo ti mo na mo kiri mo bâ yâ ti desizion ti mo na ndö ti sioni so mo ye ti sara na azo ti mo so. 13  Dabe ti mo na awakua ti mo Abraham, Isaac na Israël, ala so mo deba yanga ti mo na ala, mo tene: ‘Mbi yeke sara ande si ahale* ti ala awu mingi tongana atongoro ti yayu;+ sese ni kue so mbi sara tënë ni awe so, mbi yeke mû ni na ahale* ti ala si ala mû ni ti ga ti ala biani biani.’”+ 14  Tongaso, Jéhovah akiri abâ yâ ti desizion ti lo na ndö ti ye ti sioni so lo ye ti sara fade na azo ti lo so.+ 15  Na pekoni, Moïse alondo na ndö ti hoto ni lo descend na akete tableau use ti Témoin+ na maboko ti lo.+ A sû mbeti na ndö ti akete tableau ni use kue, a sû na lê ni nga na pekoni. 16  Akete tableau ni so ayeke atableau so Nzapa asara ni na kode, na Nzapa si akpaka mbeti so ayeke na lê ni.+ 17  Tongana Josué amä wuluwulu so azo ni ayeke sara, ngbanga ti so ala yeke dekongo, lo tene na Moïse: “Wuluwulu ti bira ayeke na yâ ti camp ni.” 18  Me Moïse atene: “So go ti bia ti songo benda* la pëpe, a yeke nga pëpe toto ti vundu ti azo so atï na bira; so go ti mbeni bia nde la si mbi yeke mä so.” 19  Gï so Moïse aga nduru na camp ni na lo bâ kete bagara ni+ nga na adodo ni, ngonzo ti lo alondo, na lo bi akete tableau ti tênë so ayeke na maboko ti lo so na sese na gere ti hoto ni, na yâ ni afâ.+ 20  Lo mû kete bagara so ala sara ni so, lo gbi ni na lo neka ni a ga fuku;+ na pekoni lo tuku ni na lê ti ngu na lo mû yanga si azo ti Israël anyon ngu ni so.+ 21  Moïse atene na Aaron: “Nyen la azo so asara na mo nyen si mo ga na kota siokpari na ndö ti ala so?” 22  Aaron akiri tënë na lo: “Seigneur ti mbi, mo sara ngonzo pëpe. Mo hinga azo so nzoni, ala yeke gï nduru ti sara sioni.+ 23  Ni la, ala tene na mbi: ‘Mo sara mbeni nzapa na e, so ayeke tambela na devant ti e, ngbanga ti so Moïse ni so asigi na e na kodro ti Égypte so, e hinga ye so asi na lo pëpe.’+ 24  Tongaso mbi tene na ala: ‘Zo so ayeke na lor amû ni aga na ni na mbi.’ Na mbi bi ni na wâ na kete bagara so asigi na yâ ni.” 25  Moïse abâ so azo ni ayeke sara ye kirikiri, ngbanga ti so Aaron azia si ala sara ye kirikiri, ni la si ala ga ye ti kamene na lê ti awato ti ala. 26  Na pekoni Moïse aluti na yanga ti gbagba ti camp ni na lo tene: “Zo wa la aye ti mû peko ti Jéhovah zo wa? Zia lo ga na mbi!”+ Azo ti mara ti Lévi kue aga abungbi na terê ti lo. 27  Lo tene na ala: “Jéhovah Nzapa ti Israël atene: ‘Ala oko oko kue akanga épée ti ala na terê ti ala. Ala hon na yâ ti camp ni kue, na yanga ti gbagba oko na oko, na zia si zo oko oko afâ ita ti lo, lo fâ voizin ti lo nga lo fâ zo kue so ayeke kota kamarade ti lo.’”+ 28  Azo ti mara ti Lévi asara tongana ti so Moïse atene na ala. Na lango ni so, ala fâ akoli 3 000 tongaso. 29  Moïse atene: “Laso, ala zi terê ti ala ti duti nde ndali ti Jéhovah, ngbanga ti so zo oko oko na popo ti ala ake molenge ti lo na ita ti lo;+ laso lo yeke sara tufa na ndö ti ala.”+ 30  Na ndade ni Moïse atene na azo ni: “Ala sara kota siokpari awe, fade mbi yeke monté na mbage ti Jéhovah ti bâ wala mbi lingbi ti sara mbeni ye ti tene a pardonné siokpari ti ala.”+ 31  Tongaso, Moïse akiri na mbage ti Jéhovah na lo tene: “Azo ni asara kota siokpari; ala sara tâ mbeni nzapa ti lor ndali ti ala wani!+ 32  Tongana mo ye, mo pardonné siokpari ti ala,+ me tongana mo ye pëpe, pardon, mo zi iri ti mbi na yâ ti mbeti ti mo so mo sû ni awe.”+ 33  Me Jéhovah atene na Moïse: “Zo so asara siokpari na terê ti mbi, fade mbi zi iri ti lo na yâ ti mbeti ti mbi. 34  Fadeso, gue mo fa lege na azo ni ti gue na ndo so mbi sara tënë ni lani na mo. Bâ, fade ange ti mbi ague na devant ti mo;+ na lango so mbi yeke ga ti bâ tënë ni, fade mbi yeke punir ala ndali ti siokpari ti ala.” 35  Na pekoni, Jéhovah akomanse ti sara ye ti sioni na azo ni ndali ti so ala sara lani mbeni kete bagara, kete bagara so Aaron si asara ni.

Kete tënë

Wala “statue so a tö wen aga ngu si a leke na ni.”
Wala “statue so a tö wen aga ngu si a leke na ni.”
Na Hébreu: “azo so akpengba go ti ala.”
Wala “adë bê ti.”
Na Hébreu: “ngongoa.”
Na Hébreu: “ngongoa.”
Wala “bia so a he na peko ti mbeni ngangu ye so zo asara.”