Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Exode 22:1-31

LI TI ATËNË NI

  • Ambela ndali ti Israël (1-31)

    • Tënë ti nzi (1-4)

    • Bubango akobe ti yaka (5, 6)

    • Futango ye nga na wa ti ye (7-15)

    • Handango mbeni maseka (16, 17)

    • Vorongo Nzapa nga fango ngbanga na popo ti azo (18-31)

22  “Tongana mbeni zo anzi bagara wala taba si lo fâ ni wala lo kä ni, a lingbi lo futa bagara oku na place ti bagara ni na lo futa taba osio na place ti taba ni.+  (“Tongana a wara mbeni zo ti nzi+ na kungbingo yanga-da na a pika lo si lo kui, ngbanga ti mênë ti lo ayeke pëpe na li ti zo so apika lo si lo kui so.  Tongana ye ni asi na peko ti so lâ asigi awe, ngbanga ti mênë ti lo ayeke na li ti zo so apika lo si lo kui so.) “A lingbi zo ti nzi afuta ye alingbi na ngere ti ye so lo nzi so. Tongana lo yeke na ye oko pëpe, a lingbi a kä lo ndali ti aye so lo nzi.  Tongana a wara nyama ni so lo nzi so na maboko ti lo, si nyama ni angbâ na fini, atâa a yeke bagara, wala kororo wala taba, a lingbi lo futa ngere ni fani use na place ni.  “Tongana mbeni zo ague na anyama ti lo ti te pere na mbeni ndo wala na yaka ti vigne, na lo zia si ala te pere na yâ ti yaka ti mba ti lo, a lingbi lo mû anzoni ye ti yaka ti lo wala ti yaka ti vigne ti lo na place ni.  “Tongana mbeni wâ alondo atï na terê ti akeke ti sisi na agbi gbâ ti lê ti kobe wala alê ti kobe so angbâ na ndö ti keke ni wala mbeni yaka, a lingbi zo so abi wâ ni so afuta mbeni ye na place ti aye so agbi so.  “Tongana mbeni zo amû nginza wala ambeni ye na mba ti lo ti bata, si a nzi ni na yâ ti da ti mba ti lo ni, tongana a wara zo ti nzi ni, a lingbi lo futa ni fani use na place ni.+  Tongana a wara zo ti nzi ni pëpe, a lingbi a ga na zo ni na gbele tâ Nzapa+ ti bâ wala lo la lo mû akungba ti mba ti lo ni.  Tongana tënë alondo ndali ti mbeni ye so mbeni zo amû ni me a yeke ti lo pëpe, atâa a yeke bagara, wala kororo, wala taba, wala bongo wala ye kue so agirisa si mbeni zo atene: ‘Ti mbi la!’, a lingbi azo ni kue ague afa tënë ni na gbele tâ Nzapa.+ Na pekoni, zo so Nzapa atene ande atene lo la si lo mû ye ti mba ti lo ni, a lingbi lo futa ye fani use na place ni na mba ti lo.+ 10  “Tongana mbeni zo amû kororo wala bagara wala taba wala mbeni nyama na mba ti lo ti tene mba ti lo ni abata ni, si nyama ni akui wala mbeni mbage ti terê ti nyama ni abuba wala a mû lo a hon na lo si témoin ni ayeke dä pëpe, 11  a lingbi zo so abata nyama ni adeba na gbele Jéhovah so lo mû ye ti mba ti lo pëpe. Fade wa ti nyama ni ayeda na ni, na mba ti lo ni afuta mbeni ye na place ni pëpe.+ 12  Me tongana a nzi nyama ni nzingo na maboko ti lo, lo yeke futa mbeni ye na place ni na wa ti nyama ni. 13  Tongana mbeni nyama ti ngonda la si asuru yâ ti nyama ni, lo yeke ga na tanga ti nyama ni ti tene azo abâ. Lo yeke futa ye pëpe na place ti nyama so mbeni nyama ti ngonda la si asuru yâ ti lo so. 14  “Me tongana mbeni zo ahunda mbeni nyama na maboko ti mba ti lo, si mbeni mbage ti terê ti nyama ni abuba wala nyama ni akui na ngoi so wa ti nyama ni ayeke na terê ni pëpe, zo so ahunda nyama ni so ayeke futa mbeni ye na place ni. 15  Tongana wa ti nyama ni ayeke na terê ni, zo so ahunda nyama ni so ayeke futa ye na place ni pëpe. Tongana a loué nyama ni louengo, nginza ti louengo na nyama ni akanga lê ni awe. 16  “Tongana mbeni koli ahanda mbeni maseka so ade ti hinga koli pëpe na so ade mbeni zo aga na peko ti lo pëpe, si lo lango na lo, lo yeke futa nginza ti peko ti lo ti tene lo ga wali ti lo.+ 17  Tongana babâ ti maseka ni ake na kuru go ti tene lo mû maseka ni, koli ni ayeke futa nginza ni alingbi na wungo ti nginza ti peko ti wali. 18  “Wali so ayeke zo ti yorö mo zia lo ngbâ na fini pëpe.+ 19  “Zo so alango na nyama, a lingbi a fâ lo.+ 20  “Zo so amû sandaga na ambeni nzapa, ahon ti mû ni gï na Jéhovah, a lingbi a fâ lo.+ 21  “Mo sara pasi pëpe na wande so asara kodro na ndo ti mo wala mo sara ye ti ngangu na lo pëpe,+ ndali ti so ala kue ala yeke lani awande na sese ti Égypte.+ 22  “Ala sara pasi pëpe na wali-mua wala na molenge so babâ ti lo ayeke dä pëpe.*+ 23  Tongana mo sara pasi na lo si lo toto na mbi, nyen na nyen kue mbi yeke mä toto ti lo.+ 24  Fade ngonzo ti mbi alondo ngangu, si mbi yeke fâ ala na épée, na awali ti ala ayeke ga awali-mua na amolenge ti ala nga ayeke ga amolenge so babâ ti ala ayeke dä pëpe. 25  “Tongana mo sara bon ti nginza na mbeni wayere* na popo ti azo ti mbi, mo ga pëpe zo so kua ti lo ayeke gï ti hunda intérêt na ndö ti bon. Mo zia intérêt na ndö ni na lo pëpe.+ 26  “Tongana mo gbu bongo ti mba ti mo na place ti bon,*+ a lingbi mo kiri na ni na lo kozo si ndo avuko, 27  ndali ti so a yeke gï ye so lo yeke bi na terê ti lo la, bongo ti lo so lo yeke bi na terê* ti lo la; lo yeke lango na nyen?+ Tongana lo toto na mbi, mbi yeke mä toto ti lo, ndali ti so mbi yeke bâ mawa ti zo.*+ 28  “A lingbi mo deba* Nzapa pëpe,+ mo deba mbeni mokonzi* na popo ti mara ti mo pëpe.+ 29  “Ku pëpe ti mû na mbi gbâ ti alengo ti kobe ti mo, angu ti lê ti keke so ayeke sigi na yâ ti dû ti sarango na vin* ti mo.+ Kozo molenge na popo ti amolenge ti mo ti koli, mo mû lo na mbi.+ 30  Bâ ye so mo yeke sara na kozo bagara ti mo nga na taba ti mo la:+ Tongana a dü lo, lo yeke ngbâ na terê ti mama ti lo juska lango mbasambala. Me na lango miombe ni, mo yeke mû lo na mbi.+ 31  “A lingbi ala duti azo so ayeke nzoni-kue na lê ti mbi.+ Ala te pëpe mbeni nyama so nyama ti gonda asuru yâ ti lo.+ Ala bi ni na ambo.

Kete tënë

Wala “nyindu.”
Wala “zo so ayeke bâ pasi.”
Wala “mbeni ye so lo zia ni na lê ti bon.”
Na Hébreu: “poro ti terê.”
Wala “sara nzoni bê na zo.”
Wala “zonga.”
Wala “zo so akomande.”
So ti tene dû ti sarango na mafuta nga na vin.