Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Exode 11:1-10

LI TI ATËNË NI

  • 11 A sara tënë ti ye ti ngangu bale-oko ni (1-10)

    • A tene na azo ti Israël ti hunda ti tene a mû na ala ye (2)

11  Jéhovah atene na Moïse: “Mbi yeke ga na mbeni ye ti ngangu na ndö ti Pharaon nga na ndö ti Égypte. Na pekoni lo yeke zia ala ti gue.+ Na ngoi so lo yeke zia ala ti gue, lo yeke tomba ala biani ti sigi na ndo so.+  Tongaso, mo tene na azo ni ti tene koli kue wala wali kue ahunda na zo so ayeke nduru na da ti lo aye ti argent na ti lor.”+  Jéhovah asara si azo ni aga nzoni na lê ti azo ti Égypte. Nga, a ne Moïse mingi na kodro ti Égypte, azo ti kua ti Pharaon nga na azo ti kodro ni ane Moïse mingi.  Moïse akiri atene: “Jéhovah atene: ‘Nduru na bê ti bï, mbi yeke hon na yâ ti kodro ti Égypte,+  akozo molenge kue ti kodro ti Égypte ayeke kui ande,+ ti londo na kozo molenge ti Pharaon so aduti na ndö ti trône ti lo ti si na kozo molenge ti wali so ayeke ngbâa, lo so ayeke sara kua na tênë ti nekango na ye, nga na akozo molenge ti anyama kue.+  A yeke mä ande kota toto na yâ ti kodro ti Égypte kue, mara ti toto tongaso ade ti si lâ oko pëpe na ayeke kiri ti si mbeni lâ pëpe.+  Même mbo ayeke dekongo* na li ti azo ti Israël pëpe, na li ti azo wala na li ti anyama, tongaso si ala hinga so Jéhovah alingbi ti sara kangbi na popo ti azo ti Égypte na azo ti Israël.’+  Azo ti kua ti mo kue ayeke ga na gbe ti mbi, ala yeke kpo li ti ala na sese na gbe ti mbi, ala tene: ‘Mo na azo kue so amû peko ti mo, ala gue.’+ Na pekoni mbi yeke sigi ande.” Na ndö ti tënë so, lo sigi na da ti Pharaon na kota ngonzo.  Jéhovah atene na Moïse: “Pharaon ayeke mä ala ande pëpe+ tongaso si a bâ amiracle ti mbi mingi na kodro ti Égypte.”+ 10  Moïse na Aaron asara lani amiracle so kue na gbele Pharaon.+ Me Jéhovah azia si li ti Pharaon akiri akpengba, tongaso lo zia lege pëpe na azo ti Israël ti sigi na yâ ti kodro ti lo.+

Kete tënë

Na Hébreu: “sara si langue ti lo aza.”