Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Esdras 6:1-22

LI TI ATËNË NI

  • Darius agi nda ti tënë ni nga lo lu mbeni ndia (1-12)

  • A hunzi ti leke temple ni nga a mû ni na Nzapa (13-18)

  • Azo ni asara Pâque (19-22) (19-22)

6  A yeke tongaso si Gbia Darius amû yanga, na a gi nda ti tënë ni na yâ ti ambeti so ayeke na da ti batango angbene mbeti na ndo so a yeke bata amosoro ti gbia dä na Babylone.  Tongaso a wara mbeni mbeti na yâ ti kota da so ayeke na yâ ti mbeni ngangu gbagba na Ecbatane, na kodro-komanda ti Médie, na a sû na yâ ti mbeti ni, a tene:  “Na yâ ti kozo ngu ti komandema ti Gbia Cyrus, lo mû mbeni mbela so andu tënë ti da ti Nzapa so ayeke na Jérusalem,+ mbela ni atene: ‘Zia a kiri a leke da ni, si a ga ndo so ala yeke zö asandaga dä, na zia a leke agere ti da ni. Yongo ni na nduzu ayeke duti coudée 60* nga largeur ni coudée 60,+  ala roulé akota tênë na ala gue ala dö atênë ni na ndö ti terê molongo ni ota, na pekoni ala zia ayongoro keke na ndö ni molongo oko.+ Zia ala mû nginza na da ti gbia ti futa na kua ni.+  Nga, asembe ti lor na ti argent ti da ti Nzapa so Nébucadnezzar amû na yâ ti temple so ayeke na Jérusalem si lo gue na ni ândö na Babylone so,+ a lingbi a kiri na ni na place ni so ayeke dä lani na yâ ti da ti Nzapa.’+  “Tongaso, mo Tattenaï gouverneur ti ndo so ayeke na Mbage ti ngu ni, na mo Shéthar-Bozenaï nga na amba ti ala ti kua so ayeke akete gouverneur ti Mbage ti ngu ni,+ ala si kâ pëpe.  Ala kanga lege na kua ti da ti Nzapa pëpe. Gouverneur ti aJuif na a-ancien ti aJuif la ayeke leke da ti Nzapa so na ngbene ndo ni.  Nga, mbi mû mbeni mbela na ndö ti ye so ala yeke sara na a-ancien ti aJuif so, ti tene a leke da ti Nzapa so: Ala mû nginza na yâ ti da ti batango mosoro ti gbia,+ so ti tene nginza ti impôt so azo afuta na ndo so ayeke na Mbage ti ngu ni, ala mû ni hio na a-ancien ni ti sara na kua ni si kua ni aluti pëpe.+  Aye kue so ala yeke na bezoin ni ndali ti kua ti ala, a lingbi a mû ni na ala; atâa a yeke akete koli-bagara,+ akoli-taba+ nga na akete taba+ ti zö ni na sandaga na Nzapa ti yayu, wala blé,+ ingo,+ vin+ nga na mafuta;+ tongana aprêtre so ayeke na Jérusalem ahunda ni, a lingbi a mû ni lakue na ala, lango oko oko, na a manke pëpe, 10  tongaso si ala lingbi lakue ti yâa asandaga so ayeke nzere na Nzapa ti yayu na ala sambela ndali ti fini ti gbia na ti amolenge ti lo.+ 11  Mbi kiri mbi mû yanga, tongana mbeni zo asara ye ague nde na mbela so, fade a gboto mbeni yongoro keke ti li ti da ti lo, a lu keke ni si a kanga lo na ndö ni, na a yeke sara si da ti lo aga ndo so azo ayeke sara kabinë* dä, ndali ti so lo ke ndia. 12  Zia Nzapa so asoro ndo so ti tene iri ti lo aduti dä+ akinda agbia nga na azo kue so ayeke londo ti ke ndia so na ti futi da ti Nzapa so ayeke na Jérusalem. Mbi Darius la mbi mû mbela so. Zia a sara ye hio alingbi na ni.” 13  Tongaso, Tattenaï gouverneur ti ndo so ayeke na Mbage ti ngu ni, Shéthar-Bozenaï+ na amba ti ala ti kua asara aye kue hio alingbi na yanga so Gbia Darius amû. 14  A-ancien ti aJuif angbâ ti sara kua ti da ni nga kua ni ayeke maï nzoni+ ndali ti atënë ti prophétie so prophète Aggée+ na Zacharie,+  âta ti Iddo, atene ti kpengba ala. Ala hunzi ti leke da ni alingbi na yanga so Nzapa ti Israël+ amû, a lingbi nga na mbela so Cyrus,+ na Darius+ nga na Artaxerxès+ gbia ti Perse amû. 15  Kua ti da ni ahunzi na lango ota ti nze ti Adar,* na yâ ti omene ngu ni so Gbia Darius ayeke komande. 16  Na pekoni azo ti Israël, aprêtre, azo ti mara ti Lévi+ nga na tanga ti azo so a gbu ala a gue na ala ândö na ngbâa si ala kiri so asara matanga ti zingo yanga ti da ti Nzapa* so na ngia. 17  Na lango ti zingo yanga ti Da ti Nzapa, ala mû akoli-bagara 100, akoli-taba 200, akete taba 400. Ala mû akoli-ngasa 12 na sandaga ndali ti siokpari ti azo ti Israël kue alingbi na wungo ti amara ti Israël.+ 18  Ala soro aprêtre ala zia ala na ndö ti agroupe ti ala nde nde, azo ti mara ti Lévi na ndö ti agroupe ti ala nde nde ndali ti kua ti Nzapa na Jérusalem,+ ala sara ye alingbi na tënë so a sû na yâ ti mbeti ti Moïse.+ 19  Azo so a gbu ala a gue na ala ândö na ngbâa si ala kiri so, ala sara Matanga ti Pâque na lango 14 ti kozo nze ni.+ 20  So aprêtre nga na azo ti mara ti Lévi, ala kue zo oko angbâ na peko pëpe, ala zi sioni ye na terê ti ala awe,+ ala kue ayeke nzoni. Ala fâ nyama ti Pâque ni ndali ti azo kue so a gbu ala a gue na ala ândö na ngbâa si ala kiri so. Ala fâ nyama ni nga ndali ti amba ti ala aprêtre nga ndali ti ala wani. 21  Na pekoni, azo ti Israël so alondo lani na ngbâa si akiri so ate nyama ti Pâque ni. Ala te ni legeoko na azo kue so amû peko ti ala, ala so azi terê ti ala na yâ ti aye ti sioni ti azo ti ambeni mara nde ti sese ni so si ala ga ti voro* Jéhovah Nzapa ti Israël.+ 22  Na pekoni, na yâ ti ngia, ala sara na yâ ti lango mbasambala Matanga ti mapa so a sara na levure pëpe,+ ndali ti so Jéhovah asara si ala yeke na ngia na lo sara si bê ti gbia ti Assyrie avuru na mbage ti ala.*+ Tongaso, gbia ni amû maboko lani na ala na yâ ti kua ti da ti tâ Nzapa, Nzapa ti Israël.

Kete tënë

Mètre 26,7 tongaso. Bâ na B14.
A lingbi nga ti tene “ndo ti tukungo azende dä.”
Bâ na B15.
Wala “matanga ti mungo da so na Nzapa.”
Na Araméen: “ti gi.”
Na Hébreu: “lo sara si maboko ti ala awara ngangu.”