Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Esdras 10:1-44

LI TI ATËNË NI

  • Yanga so azo ni amû ti tomba awali ti ala so ayeke awande (1-14)

  • A tomba awali-wande ni (15-44)

10  Na ngoi so Esdras angbâ ti sambela+ nga ti fa asiokpari ti ala na gigi, lo yeke toto nga lo yeke lango na yâ ti sese na devant ti da ti tâ Nzapa, gbâ ti akoli, awali na amolenge abungbi na terê ti lo na azo ni kue ayeke toto ngangu.  Tongaso, Shécaniah molenge ti Jéhiel,+ mbeni zo ti ahale ti Élam,+ atene na Esdras: “E sara ye na lege ni oko pëpe na mbage ti Nzapa ti e ngbanga ti so e sara mariage na awali-wande* na popo ti azo ti kodro ni.+ Atâa ye so e sara so, mbeni ye ti sarango ni ndali ti Israël ayeke dä.  Ti fadeso zia e te mbele na Nzapa ti e+ ti tene e tomba awali ni kue nga na amolenge so e dü na ala, tongaso si e sara ye alingbi na lege so Jéhovah afa na e, nga na lege so azo kue so asara mbeto* ti acommandement ti Nzapa ti e so afa na e.+ A yeke nzoni e sara ye so Ndia afa.  Mo londo, mo la mo yeke bâ lege ti tënë so, na e yeke na terê ti mo. Mo luti tongana koli na mo sara mbeni ye.”  Na peko ti tënë so, Esdras alondo, lo sara si amokonzi ti aprêtre, azo ti mara ti Lévi nga na azo ti Israël kue adeba yanga ti ala ti sara ye alingbi na tënë so.+ Tongaso ala deba yanga ti ala.  Esdras ague na da ti tâ Nzapa, lo lï na yâ ti kubu ti Jéhohanan molenge ti Éliashib. Tongana lo gue kâ, lo te kobe pëpe na lo nyon ngu pëpe, ngbanga ti so lo yeke na vundu ndali ti so azo so a gbu ala ândö a gue na ala na ngbâa so asara ye so ayeke na lege ni pëpe.+  Na pekoni, ala to mbela na yâ ti Juda nga na Jérusalem kue ti tene azo kue so a gbu ala ândö a gue na ala na ngbâa si ala kiri so aga abungbi ndo oko na Jérusalem;  nga amokonzi ni na a-ancien ni amû desizion atene so na yâ ti lango ota, zo so aga pëpe fade a yeke gbu akungba ti lo kue, na a yeke tomba lo na yâ ti congrégation ti azo so a gbu ala ândö a gue na ala na ngbâa so.+  Tongaso, akoli kue ti mara ti Juda na ti mara ti Benjamin abungbi ndo oko na Jérusalem na yâ ti lango ota, so ti tene na lango 20 ti nze gumbaya ni. Azo ni kue aduti na yâ ti gbagba ti da ti tâ Nzapa, terê ti ala ayeke dö ndali ti tënë ni so me nga ndali ti so ngu-nzapa apika mingi. 10  Na pekoni, prêtre Esdras alondo na lo tene na ala: “Ala sara ye na lege ni pëpe ngbanga ti so ala sara mariage na awali-wande,+ tongaso ala kiri azia mbeni siokpari na ndö ti siokpari ti azo ti Israël. 11  Me fadeso zia ala fa siokpari ti ala na gigi na Jéhovah Nzapa ti akotara ti ala na ala sara ye so bê ti lo aye. Ala zi terê ti ala, ala duti nde na azo ti akodro so angoro ala nga na awali-wande so.”+ 12  Na ndö ti tënë so, congrégation ni kue akiri tënë na kota go, atene: “A yeke ti e ti sara gï tongana ti so mo tene so. 13  Me azo ni ayeke gbani nga a yeke ngoi ti ngu-nzapa la. E lingbi pëpe ti luti na gigi, na tënë ni ayeke mbeni tënë so a lingbi ti leke ni na yâ ti lango oko wala lango use pëpe, ngbanga ti so sioni ti e ayeke mingi na ndö ti tënë ni so. 14  Tongaso, a yeke nzoni a iri gï amokonzi ti e ti ga na iri ti congrégation ni kue.+ Nga, zia ala so ayeke na yâ ti agbata so azo ni asara mariage na awali-wande aga na ngoi so a fa na ala, ala na a-ancien nga na azo ti fango ngbanga ti agbata oko oko kue, juska e sara si kota ngonzo so asara Nzapa ti e na ndö ti tënë so adë awe si.” 15  Me Jonathan molenge ti Asahel na Jahzéïah molenge ti Ticvah ake tënë ni so, na azo ti mara ti Lévi tongana Méshullam na Shabbéthaï+ amû peko ti ala nga. 16  Ye oko, azo so a gbu ala ândö a gue na ala na ngbâa si ala kiri so, ala yeda na tënë ni. Prêtre Esdras nga na amokonzi ti ahale ti akotara ti ala, ala kue so a fa iri ti ala awe, abungbi terê ti ala nde ti mä terê na kozo lango ti nze bale-oko ni ti gi ti bâ yâ ti tënë ni so. 17  A si na kozo lango ti kozo nze ni, ala hunzi ti gi ti bâ yâ ti tënë ti akoli kue so asara mariage na awali-wande so. 18  A ga ti bâ so ambeni hale ti aprêtre asara mariage na awali-wande.+ A yeke Maaséïah, Éliézer, Jarib nga na Guédaliah so ayeke na popo ti ahale ti Jéshua,+ molenge ti Jéhozadac na aita ti lo. 19  Me ala mû yanga* ti tomba awali ni so, nga ndali ti so ala sara siokpari awe ala mû yanga ti mû mbeni koli-taba ti yâa na sandaga ndali ti siokpari ti ala.+ 20  Na popo ti ahale ti Immer,+ a yeke wara Hanani na Zébadiah; 21  na popo ti ahale ti Harim,+ a yeke wara Maaséïah, Élie, Shémaïah, Jéhiel na Ozias; 22  na popo ti ahale ti Pashhur,+ a yeke wara Élioénaï, Maaséïah, Ishmaël, Néthanel, Jozabad na Éléasah. 23  Na popo ti azo ti mara ti Lévi, a yeke wara Jozabad, Shiméï, Kélaïah (so a iri lo nga Kélita), Péthahiah, Juda na Éliézer; 24  na popo ti azo ti hengo bia, a yeke wara Éliashib; na popo ti azo ti batango yanga ti gbagba, a yeke wara Shallum, Télem na Uri. 25  Ti azo ti Israël, na popo ti ahale ti Parosh,+ a yeke wara Ramiah, Izziah, Malkijah, Mijamin, Éléazar, Malkijah na Bénaïah; 26  na popo ti ahale ti Élam,+ a yeke wara Mattaniah, Zacharie, Jéhiel,+ Abdi, Jérémoth na Élie; 27  na popo ti ahale ti Zattu,+ a yeke wara Élio-Énaï, Éliashib, Mattaniah, Jérémoth, Zabad na Aziza; 28  na popo ti ahale ti Bébaï,+ a yeke wara Jéhohanan, Hananiah, Zabbaï na Athlaï; 29  na popo ti ahale ti Bani, a yeke wara Méshullam, Malluk, Adaïah, Jashub, Shéal na Jérémoth; 30  na popo ti ahale ti Pahath-Moab,+ a yeke wara Adna, Kélal, Bénaïah, Maaséïah, Mattaniah, Bézalel, Binnui na Manassé; 31  na popo ti ahale ti Harim,+ a yeke wara Éliézer, Isshijah, Malkijah,+ Shémaïah, Shiméon, 32  Benjamin, Malluk na Shémariah; 33  na popo ti ahale ti Hashum,+ a yeke wara Matténaï, Mattattah, Zabad, Éliphélet, Jérémaï, Manassé na Shiméï; 34  na popo ti ahale ti Bani, a yeke wara Maadaï, Amram, Uel 35  Bénaïah, Bédaïah, Kéluhi, 36  Vaniah, Mérémoth, Éliashib, 37  Mattaniah, Matténaï na Jaasu; 38  na popo ti ahale ti Binnui, a yeke wara Shiméï 39  Shélémiah, Nathan, Adaïah, 40  Macnadebaï, Shashaï, Sharaï, 41  Azarel, Shélémiah, Shémariah, 42  Shallum, Amariah na Joseph; 43  na popo ti ahale ti Nébo, a yeke wara Jéïel, Mattithiah, Zabad, Zébina, Jaddaï, Joël na Bénaïah. 44  Ala so kue la amû awali-wande,+ me ala tomba awali ni na amolenge so ala dü na ala.+

Kete tënë

Wala “e ga na awali-wande na yâ ti da ti e.”
Na Hébreu: “adö na gbele.”
Na Hébreu: “ala bungbi maboko ti ala.”