Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Esdras 1:1-11

LI TI ATËNË NI

  • Mbela so Cyrus amû ti kiri ti leke temple ni (1-4)

  • Lekengo terê ti sigi na Babylone ti hon (5-11)

1  Na yâ ti kozo ngu ti Cyrus,+ gbia ti Perse, ti tene tënë so Jéhovah afa lani na yanga ti Jérémie aga tâ tënë,+ Jéhovah azia na bê ti Cyrus, gbia ti Perse, ti to mbela na yâ ti royaume ti lo kue. Lo sû nga mbela ni na mbeti,+ lo tene:  “Cyrus, gbia ti Perse, atene: ‘Jéhovah Nzapa ti yayu amû na mbi aroyaume ti sese kue,+ na lo mû yanga na mbi ti sara na lo mbeni da na Jérusalem,+ na sese ti Juda.  Azo kue so ayeke azo ti lo, zia Nzapa ti ala aduti na ala, zia ala kiri na Jérusalem so ayeke na sese ti Juda, na ala kiri asara da ti Jéhovah Nzapa ti Israël, (lo yeke tâ Nzapa), da ti lo ayeke na Jérusalem.*  Zo kue so ayeke sara kodro tongana wande,+ atâa lo yeke na ndo wa, zia avoizin ti lo amû maboko na lo, ala mû na lo argent, lor, akungba, anyama nga na amatabisi so ala mû na bê ti ala wani ndali ti da ti tâ Nzapa,+ so ayeke na Jérusalem.’”  Tongaso, amokonzi ti ahale ti Juda na ti Benjamin, aprêtre nga na azo ti mara ti Lévi (azo kue so tâ Nzapa azia nzara ti kua ni na yâ ti bê* ti ala) aleke terê ti ala ti monté na Jérusalem ti kiri ti leke da ti Jéhovah.  Azo kue so ayeke nduru na ala amû maboko na ala na lege ti akungba so a sara na argent, na lor, ambeni kungba, anyama, aye ti ngangu ngere. Ala mû nga amatabisi kue so ala mû na bê ti ala wani ndali ti da ti Nzapa.  Akungba ti da ti Jéhovah so Nébucadnezzar amû lani na Jérusalem si lo ga na ni lo zia na yâ ti da ti nzapa ti lo, Gbia Cyrus asigi nga na ni.+  Cyrus, gbia ti Perse, amû yanga na Mithrédath so ayeke wabatango nginza ti sigi na akungba so, na lo diko ni na devant ti Sheshbazzar,*+ mokonzi ti azo ti sese ti Juda.  Wungo ti aye so a diko ni ayeke tongaso: asembe 30 so a sara na lor na so akpa asakpa, asembe 1 000 so a sara na argent na so akpa asakpa, ambeni sembe ni 29, 10  akete dû ti sembe 30 so a sara na lor, akete dû ti sembe 410 so a sara na argent nga na ambeni sembe ni 1 000. 11  Wungo ti akungba kue so a sara ni na lor nga na argent ayeke 5 400. Na ngoi so Sheshbazzar na azo so a gbu ala lani ague na ala na Babylone alondo ti kiri na Jérusalem,+ lo mû aye so kue lo gue na ni.

Kete tënë

A lingbi nga ti tene “lo so lo yeke na Jérusalem.”
Na Hébreu: “yingo.”
Peut-être a yeke Zorobabel so a sara tënë ti lo na Esd 2:2 nga na 3:8.