Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Bia ti Salomon 3:1-11

LI TI ATËNË NI

  • Maseka-wali ni (1-5)

    • ‘Na bï, mbi gi koli so mbi ye lo mingi so’ (1)

  • Amolenge-wali ti Sion (6-11)

    • Salomon na gbâ ti azo ti lo so atambela na terê ti lo

3  “Na bï, na ndö ti gbogbo ti mbi, mbi gi koli so mbi ye lo mingi so.*+ Mbi gi lo, me mbi wara lo pëpe.+   Mbi yeke londo ti fono na yâ ti gbata ni; na ndö ti alege nga na ndo so azo ayeke gue ka dä mingi, zia mbi gi koli so mbi ye lo mingi so.* Mbi gi lo, me mbi wara lo pëpe.   Asinziri so ayeke fono ti bembe ndo na yâ ti gbata ni awara mbi.+ Mbi hunda ala, mbi tene: ‘Ala bâ lo so mbi ye lo mingi so?’*   Gï so mbi zia ala mbi hon, mbi wara lo so mbi ye lo mingi so.* Mbi gbu lo, mbi zia lo, lo hon pëpe, juska mbi gue na lo na da ti mama ti mbi,+ na yâ ti chambre ti mama ti dungo mbi.   Amolenge-wali ti Jérusalem, ala deba yanga ti ala na mbi na iri ti agazelle nga na awali-lekpa: Ala gi ti zia nzara ti koli na yâ ti mbi pëpe juska bê ti mbi la aye zo ni si.”+   “Nyen la alondo na yâ ti benyama kâ si ayeke ga tongana gbâ ti guru la ayeke monté so? A tuku yombo ti myrrhe na vuru dukane na terê ni, nga na akugbe kue so afun pendere, so azo ti dengo buze akä ni.”+   “Bâ, a yeke ye ti yongo na Gbia Salomon! Angangu koli 60 angoro ni; a yeke angangu koli ti Israël.+   Ala kue ayeke na épée, a fa lege ti sarango bira na ala kue. Zo oko oko ayeke na épée ti lo na terê ti lo ala yeke nduru ti tiri na ye so amû mbeto mingi na zo na bï.”   “A yeke ye ti yongo na* Gbia Salomon la, so lo leke ni ndali ti lo wani na akeke ti Liban.+ 10  Agere ni ayeke na argent, amaboko ni nga na peko ni ayeke na lor. A sara place ti duti ni na laine ti violet; amolenge-wali ti Jérusalem so aye lo mingi la aleke yâ ni pendere.” 11  “Amolenge-wali ti Sion, ala sigi, ala bâ Gbia Salomon so ayü couronne ti mariage so mama ti lo+ asara ni na lo na lango ti mariage ti lo, na lango so bê ti lo ayeke na ngia.”

Kete tënë

Wala “so âme ti mbi aye lo mingi so.”
Wala “so âme ti mbi aye lo mingi so.”
Wala “so âme ti mbi aye lo mingi so.”
Wala “so âme ti mbi aye lo mingi so.”
Wala “tipoy ti.”