Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Bia ti Salomon 1:1-17

LI TI ATËNË NI

  • Bia so ayeke pendere ahon atanga ni kue (1)

  • Maseka-wali ni (2-7)

  • Amolenge-wali ti Jérusalem (8)

  • Gbia ni (9-11)

    • “E yeke sara aye ti baba na lor ndali ti mo” (11)

  • Maseka-wali ni (12-14)

    • ‘Zo ti bê ti mbi ayeke tongana bozo ti myrrhe so afun pendere’ (13)

  • Berger ni (15)

    • “Mo so mbi ye mo mingi so, mo yeke pendere mingi”

  • Maseka-wali ni (16, 17)

    • ‘Mo so mo gbu bê ti mbi mingi so, mo yeke pendere mingi!’ (16)

1  Bia so ayeke pendere ahon atanga ni kue, so ayeke bia ti Salomon:+   “Mbi ye mo su yanga ti mbi, ndali ti so aye so mo sara ti fa so mo ye mbi ayeke nzoni ahon vin.+   Fion ti amafuta ti mo ayeke pendere mingi.+ Iri ti mo ayeke tongana mafuta so a tuku ni, so afun pendere.+ Ni la amaseka-wali aye mo so.   Mû mbi na terê ti mo,* e kpe e hon. Gbia aga na mbi na yâ ti mbeni chambre ti lo. Zia mbi na mo e duti na ngia nga terê ti e anzere ndali ti mo. Zia e gonda* aye so mo sara ti fa so mo ye mbi mingi, so ayeke nzoni ahon vin. Ala* yeke na raison ti ye mo.   Amolenge-wali ti Jérusalem, mbi lvuko me mbi yeke pendere; mbi yeke tongana atente ti Kédar,+ tongana abongo ti tente ti Salomon.+   Ala zia ti bâ mbi ndali ti so mbi vuko so, ndali ti so lâ asu mbi mingi. Ngonzo asara amolenge ti mama ti mbi ti koli na terê ti mbi; ala zia mbi ti bata ayaka ti vigne, me ti mbi yaka ti vigne ni, mbi bata ni pëpe.   Mo so mbi ye mo mingi* so, tene na mbi si: Ndo wa la mo gue na anyama ti mo dä ti tene ala te pere?+ Ndo wa la anyama ti mo ayeke wu terê dä na midi? Ndani nyen ti tene mbi duti tongana wali so abi voile* na ndö ti lo na popo ti anyama ti amba ti mo?”   “Mo wali so mo yeke pendere mingi ahon atanga ni so, tongana mo hinga pëpe, mû gï place ti gere ti anyama ni, gue na akete ngasa ti mo ti tene ala te pere nduru na atente ti aberger.”   “Mo so mbi ye mo mingi so, mbi bâ mo tongana mbeni wali-mbarata* na popo ti apuse ti mbarata ti Pharaon.+ 10  Ngbangba ti mo ayeke pendere na aye ti baba,* go ti mo ayeke pendere na aye ti go. 11  E yeke sara aye ti baba na lor ndali ti mo, na e yeke zia argent na terê ni.” 12  “Na ngoi so gbia aduti na terê ti table ti lo so ayeke ronde ronde, fion ti yombo ti mbi+ amû ndo. 13  Lo so agbu bê ti mbi mingi ayeke tongana bozo ti myrrhe+ so fion ni afun pendere so alango na popo ti me ti mbi na bï. 14  Lo so agbu bê ti mbi mingi ayeke tongana gbâ ti alengo ti keke ti lêlë+ na yâ ti ayaka ti vigne ti En-Guédi.”+ 15  “Mo so mbi ye mo mingi so, mo yeke pendere mingi! Mo yeke pendere mingi! Lê ti mo ayeke tongana ti akolokoto.”+ 16  “Mo so mo gbu bê ti mbi mingi so, mo kue mo yeke pendere* mingi, nga mo zia ngia na bê ti mbi mingi.+ Gbogbo ti e ayeke apere. 17  Akeke ti da* ti e ayeke akeke ti cèdre, nga akeke ti li ti da ti e ayeke akeke ti genévrier.

Kete tënë

Na Hébreu: “Gboto mbi na peko ti mo.”
Wala “sara tënë ti.”
So ti tene amaseka-wali.
Wala “âme ti mbi aye mo mingi.”
Wala “voile ti azo so ayeke na vundu.”
Wala “wali-mbarata ti mbi.”
A lingbi nga ti tene “na popo ti kuä ti li ti mo so a sara na pete.”
Wala “pendere koli.”
Wala “ti kota da.”