Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aProverbe 9:1-18

LI TI ATËNË NI

  • Tâ ndara atisa ndo (1-12)

    • “Grâce na mbi, mo yeke ngbâ na fini aninga” (11)

  • Wali ti buba ayeke tisa ndo (13-18)

    • “Ngu so a nzi ni nzingo anzere” (17)

9  Tâ ndara aleke da ti lo;lo leke apilier ni mbasambala na kode.   Lo leke nyama ti tengo ni kue awe,*lo mélangé yâ ti vin ti lo;lo leke nga table ti lo.   Lo tokua azo ti kua ti lo ti waliti gue na ambage ti gbata ni so ayeke na nduzu, si kâ ala iri azo, ala tene:+   “Zo so ahinga ndo mingi pëpe, zia lo ga ge.” Ndara atene na zo so li ti lo ayeke dä pëpe, lo tene:   “Ga mo te mapa ti mbi. Ga mo nyon vin so mbi mélangé yâ ni awe.   Zia ti sara ye tongana zo so ahinga ndo mingi pëpe,* na ngbâ na fini;+Tambela na ndö ti lege ti hingango ndo.”+   Zo so agi ti kiri na zo ti hengo ndo na nzoni lege agi ti tene nengo ti lo atï;+nga zo so asuku na zo ti sioni ayeke sara sioni na terê ti lo wani.   Suku pëpe na zo ti hengo ndo, ndali ti lo ke mo.+ Suku na zo ti ndara, na lo yeke ye mo.+   Fa ye so mo hinga na zo ti ndara, na lo yeke wara ndara+ ahon ti kozo. Fa ye na zo ti mbilimbili, na lo yeke hinga ye ahon ti kozo. 10  Kpengo mbeto ti Jéhovah ayeke tongo nda ti ndara,+nga ti hinga Nzapa so ayeke nzoni-kue ahon aye kue ayeke lege ti hingango ndo,+ 11  ndali ti so grâce na mbi, mo yeke ngbâ na fini aninga,+nga ngu ti mo ayeke ga mingi. 12  Tongana mo ga zo ti ndara, mo wani la mo yeke bâ nzoni na pekoni;me tongana mo yeke zo ti hengo ndo, mo oko la mo yeke yô kpale ti pekoni. 13  Wali ti buba ayeke sara tënë gï na dekongo.+ Ye oko ayeke na yâ ti li ti lo pëpe nga lo hinga ye oko pëpe. 14  Lo duti tâ na yanga ti da ti lona ndö ti mbeni ye na yâ ti gbata ni na mbage so ayeke na nduzu,+ 15  lo yeke dekongo na azo so ayeke hon hongo,azo so ayeke hon na lege ti gue na ndo so ala ye ti gue dä, lo tene: 16  “Zo so ahinga ndo mingi pëpe, zia lo ga ge.” Lo tene na azo so li ti ala ayeke dä pëpe, lo tene:+ 17  “Ngu so a nzi ni nzingo anzere,nga kobe so a te ni na hondengo ni anzere.”+ 18  Me zo ni ahinga pëpe so azo so akui awe na so ayeke na ngangu pëpe ayeke kâ,nga so azo kue so ague na da ti wali so ayeke na yâ ti Dû ti kuâ.*+

Kete tënë

Na Hébreu: “Lo fâ nyama ni fango.”
Wala “Zia lege ti azo so ahinga ndo mingi pëpe.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.