Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aProverbe 5:1-23

LI TI ATËNË NI

  • Tënë ti sarango hange na wali-ndumba (1-14)

  • Duti na ngia na wali ti mo (15-23)

5  Molenge ti mbi, dengi mê ti mo ti mä ndara ti mbi. Dengi mê ti mo nzoni na ye so mbi yeke fa na ndö ti bango yâ ti aye nzoni,+   tongaso si lakue mo hinga ti gbu li nzoni,nga atënë ti yanga ti mo ague lakue oko na tâ hingango ye,+   ndali ti so tënë ti yanga ti wali ti kirikiri* ayeke tongana mafuta ti otoro so ayeke yuru,+nga tënë ti yanga ti lo awoko zo ahon mafuta.+   Me na nda ni, lo se tongana absinthe,+nga lo yeke tongana épée so yanga ni ayeke use so aza mingi.+   Gere ti lo adescend ti gue na lo na kuâ. Lege so lo mû ague droit na Dû ti kuâ.*   Lo pensé na lege ti fini pëpe. Lo fono kirikiri, lo hinga ndo so lo ye ti gue dä pëpe.   Tongaso, amolenge ti mbi, ala mä mbi,ala hon yongoro na tënë so mbi yeke tene so pëpe.   Duti yongoro na wali ti kirikiri so,gue nduru na yanga-da ti lo pëpe,+   tongaso si ambeni zo amû nengo ti mo pëpe+na si mo bâ gï pasi na yâ ti angu so ayeke ga pëpe,+ 10  tongaso si azo so mo hinga ala pëpe ahunzi aye ti mo kue* pëpe,+na aye so mo sara kua ngangu ti wara ni ague na yâ ti da ti mbeni wande pëpe. 11  Tongaso pëpe, mo yeke dema na ngoi so fini ti mo ayeke gue ti hunzi,na ngoi so nyama ti terê ti mo ayeke dä encore ape nga terê ti mo awoko kue.+ 12  Na mo yeke tene: “Lani mbi ke ti tene a fa lege na mbi. Na yâ ti bê ti mbi, mbi ye ti tene a suku na mbi pëpe. 13  Mbi ke ti mä azo so afa ye na mbinga mbi dengi mê ti mä amaître ti mbi pëpe. 14  A ngbâ kete gigi ti mbi abuba kuena yâ ti congrégation ni kue.”*+ 15  Nyon ngu ti yâ ti dû ti ngu ti mo,ngu so alondo na yâ ti dû ti ngu ti mo si ayeke sua.*+ 16  A yeke nzoni ngu ti mo asua ahon kirikiri? A yeke nzoni ngu ti mo asua ague na ando so azo ayeke gue ka dä mingi?+ 17  Zia ngu ni angbâ gï ti mo, mo oko,me a ga ti mo na ambeni zo nde pëpe.+ 18  Zia a iri tufa na ndö ti dû ti ngu* ti mo,na zia mo duti na ngia na wali ti lâ ti maseka ti mo.+ 19  Lo yeke tongana pendere lekpa so lo ye zo mingi, pendere ngasa ti hoto;+zia si me ti lo azia ngia na bê ti mo* lakue. Zia si yengo so lo ye na mo asara si mo sara nzara ti lo lakue.+ 20  Tongaso, molenge ti mbi, ndani nyen ti sara nzara ti wali ti kirikiri?* Ndani nyen ti gbu na kate ti mo wali so ayeke sara lango-sioni?*+ 21  Alege kue ti zo ayeke na gbele Jéhovah;lo yeke bâ alege kue so zo ni ayeke mû.+ 22  Afaute so zo ti sioni asara agbu lo tongana kûkû. Siokpari ti lo wani ayeke kanga lo tongana kamba.+ 23  Lo yeke kui ndali ti so lo ke ti tene a fa lege na lo,nga lo yeke gue yongoro ndali ti so buba ti lo ahon ndö ni.

Kete tënë

Na Hébreu: “wande.” Bâ aPr 2:16.
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Wala “ngangu ti mo.”
Na Hébreu: “na popo ti azo so abungbi nga na yâ ti congrégation.”
Wala “ngu so a tö ni aninga pëpe.”
Wala “li ti ngu.”
Wala “asoulé mo.”
Na Hébreu: “wande?” Bâ aPr 2:16.
Na Hébreu: “wande?” Bâ aPr 2:16.