Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aProverbe 29:1-27

LI TI ATËNË NI

  • Molenge so a zia lo gï tongaso aga na ye ti kamene (15)

  • Sân vision, azo ayeke gue kirikiri (18)

  • Azo so aye ngonzo asara si papa alondo (22)

  • Zo so asara terê ti lo kete ayeke wara gloire (23)

  • Sarango mbeto ti zo ayeke mbeni kûkû (25)

29  Zo so a suku na lo fani mingi me lo ngbâ ti sara kpengba-li,+ gï hio tongaso, a yeke kungbi yâ ti lo, na lo yeke sava pëpe.+   Tongana azo ti mbilimbili ayeke mingi, azo aduti na ngia; me tongana azo ti sioni la akomande, azo adema.+   Zo so aye ndara asara si babâ ti lo aduti na ngia,+ me zo so asara kamarade na awali-ndumba abuba mosoro ti lo.+   Grâce na fango ngbanga ti mbilimbili, gbia asara si kodro aluti nzoni,+ me zo so aye goro abuba kodro ni.   Zo so agonda mba ti lo gï na yanga, lo gbara yâ ti gbanda ti tene agbu gere ti mba ti lo ni.+   Kengo ndia ti zo ti sioni agbu lo tongana kûkû,+ me zo ti mbilimbili adekongo na ngia nga terê ti lo anzere.+   Tënë ti adroit ti awayere agbu bê ti zo ti mbilimbili,+ me ti zo ti sioni, tënë so agbu bê ti lo oko pëpe.+   Azo ti pikango kate abi wâ na yâ ti mbeni gbata,+ me azo ti ndara asara si ngonzo adë.+   Tongana zo ti ndara alondo na papa na zo ti buba, dekongo na hengo ndo ayeke duti dä, me mango terê ayeke dä pëpe.+ 10  Azo so aye tukungo mênë ake zo kue so tënë ayeke na li ti lo pëpe;+ nga ala gi ti mû fini* ti azo ti mbilimbili.* 11  Zo ti buba asigi na ngonzo ti lo kue,*+ me zo ti ndara akanga bê ti lo, lo duti kpô.+ 12  Tongana mbeni mokonzi adengi mê ti mä amvene, azo ti kua ti lo kue ayeke duti azo ti sioni.+ 13  Ye so asara si wayere na zo so ayeke sara pasi na zo ayeke oko* ayeke so: Jéhovah la asara si lê ti ala use kue abâ lumière.* 14  Tongana gbia afâ ngbanga ti awayere na lege ni,+ trône ti lo ayeke luti lakue nzoni.+ 15  Keke* nga na sukungo na zo asara si zo awara ndara;+ me molenge so a zia lo gï tongaso, lo zia kamene na lê ti mama ti lo. 16  Tongana azo ti sioni aga gbani, azo ayeke ke ndia mingi; me azo ti mbilimbili ayeke bâ tingo ti ala.+ 17  Fa lege na molenge ti mo, na lo yeke sara si mo wu terê ti mo, nga lo yeke zia ngia mingi na bê ti mo.*+ 18  Tongana vision* ayeke dä pëpe, azo ayeke gue gï kirikiri,+ me azo so akpe ndia ayeke na ngia.+ 19  Zo ti kua ayeke zia pëpe si tënë so a tene na lo akiri na lo na nzoni lege, ndali ti so, atâa so lo mä yâ ti tënë ni, lo yeke sara ye alingbi na ni pëpe.+ 20  Mo bâ zo so ayeke zi yanga hio hio mingi?+ Mo lingbi ti ku nzoni ye na mbage ti zo ti buba ahon lo.+ 21  Tongana a voro zo ti kua vorongo ngbene ye so lo de maseka, gbândä, lo yeke hinga ti mû merci pëpe. 22  Zo so ayeke nduru ti sara ngonzo asara si papa alondo;+ zo so aninga ti sungba na ngonzo pëpe ayeke sara faute mingi.+ 23  Fandara ti zo la ayeke sara si lo kiri kete,+ me zo so ayeke na bibe ti sarango terê kete ayeke wara gloire.+ 24  Zo so ayeke kamarade ti zo ti nzi ake terê ti lo wani.* Peut-être lo mä zo so ayeke to mbela ti tene zo so ayeke témoin asigi na mbeni tënë,* me lo fa peko ti ye oko pëpe.+ 25  Ti dö na mbeto na lê ti* azo ayeke mbeni kûkû,*+ me zo so azia bê ti lo na ndö ti Jéhovah, a yeke bata lo.+ 26  Azo mingi agi ti bâ* mokonzi, me Jéhovah la ayeke sara si a fâ ngbanga ti mbeni zo na lege ni.+ 27  Zo so ayeke sara ye mbilimbili pëpe ayeke sioni mingi na lê ti azo ti mbilimbili;+ me zo so lege ti lo ayeke mbilimbili ayeke sioni mingi na lê ti zo ti sioni.+

Kete tënë

Wala “âme.”
A lingbi nga ti tene “me zo ti mbilimbili agi ti bata fini ti lo.”
Wala “atënë ti bê ti lo kue.” Na Hébreu: “yingo ti lo kue.”
Na Hébreu: “abungbi oko.”
So ti tene lo mû fini na ala.
Wala “Fango lege; Punition.”
Wala “âme ti mo.”
Wala “vision so prophète abâ; mbeni tënë so Nzapa afa.”
Wala “âme ti lo wani.”
Wala “mbeni deba so na yâ ni zo atene so tongana lo sara ye alingbi na ni pëpe, mbeni ye ti sioni ayeke wara lo.”
Wala “Ti sara mbeto ti.”
Wala “ayeke kûkû so a zia na sese ti gbu zo.”
A lingbi nga ti tene “agi ti nzere na lê ti.” Na Hébreu: “agi ti bâ lê ti.”