Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aProverbe 28:1-28

LI TI ATËNË NI

  • Sambela ti zo so ake ti mä ndia ayeke sioni mingi (9)

  • A yeke sara nzoni bê na zo so afa afaute ti lo na gigi (13)

  • Tënë ayeke duti lakue na li ti zo so adö terê ti wara mosoro (20)

  • Sukungo na zo ayeke nzoni ahon gondango zo gï na yanga (23)

  • Zo so amû ye mingi na zo, ye ayeke manke lo ape (27)

28  Azo ti sioni akpe na ngoi so zo oko atomba ala pëpe,me azo ti mbilimbili ayeke na confiance tongana bamara.*+   Tongana azo ti mbeni kodro ake ndia,* gbâ ti amokonzi ayeke komande na peko ti terê,+me grâce na zo so ayeke bâ yâ ti aye nzoni nga so ahinga ye, mbeni mokonzi ayeke* ninga.+   Wayere so amû ye ti azo ti mawa na likisi+ayeke tongana ngu-nzapa so amû akobe kue ahon na ni.   Azo so ake ndia agonda zo ti sioni,me azo so akpe ndia asara ngonzo na terê ti azo ti sioni.+   Azo ti sioni alingbi pëpe ti mä yâ ti fango ngbanga ti mbilimbili,me azo so agi Jéhovah alingbi ti mä yâ ti aye kue.+   Wayere so asara ye lakue mbilimbili ayeke nzoniahon zo ti mosoro so alege ti lo ayeke sioni.+   Molenge so ahinga ndo akpe ndia,me zo so ayeke kamarade ti azo ti tengo ye ahon ndö ni azia kamene na lê ti babâ ti lo.+   Zo so ahunda intérêt na ndö ti bon+ si mosoro ti lo amaïayeke bungbi mosoro ni ndali ti zo so asara nzoni bê na awayere.+   Zo so ake ti mä tënë ti ndia,même sambela ti lo ayeke sioni mingi.+ 10  Zo so ahanda azo ti mbilimbili si ala mû sioni lege ayeke tï na yâ ti dû so lo wani lo zi ni;+me azo so tënë ayeke na li ti ala pëpe ayeke wara ye so ayeke nzoni tongana héritage.+ 11  Zo ti mosoro abâ terê ti lo wani tongana zo ti ndara,+me wayere so ayeke bâ yâ ti aye nzoni ayeke hinga nda ti lo.+ 12  Tongana azo ti mbilimbili asö benda, a yeke ye ti gloire mingi,me tongana azo ti sioni awara komandema, azo ague ahonde terê ti ala.+ 13  Zo so ahonde afaute ti lo ayeke bâ nzoni pëpe,+me zo so afa ni na gigi na lo zia lege ni, a yeke sara nzoni bê na lo.+ 14  Ngia ayeke na zo so asara hange lakue,*me zo kue so akpengba bê ti lo ayeke tï na yâ ti ye ti ngangu.+ 15  Zo ti sioni so akomande na ndö ti azo so zo ti mungo maboko na ala ayeke dä pëpe,lo yeke tongana bamara so asuku nga ours so amû loro ti ga ti sara sioni na zo.+ 16  Mokonzi so ayeke bâ yâ ti aye nzoni pëpe amû komandema ti lo ti sara sioni na zo,+me zo so ake ti gi ti wara go na ndö ti azo, gigi ti lo ayeke yo.+ 17  Zo so mênë ti zo* ayeke na li ti lo, lo yeke kpe juska lo tï na yâ ti dû ti kuâ.*+ Zia zo oko amû maboko na lo pëpe. 18  A yeke sö zo so sarango ye ti lo alingbi kue,+me zo so alege ti lo aba bango ayeke tï gï hio tongaso.+ 19  Zo so asara kua ti yaka ti lo ayeke wara gbâ ti mapa,me zo so ayeke tomba peko ti asenge ye, yere ayeke hon ndö ti lo.+ 20  Zo so ayeke be-ta-zo ayeke wara gbâ ti aye ti nzoni,+me zo so adö terê ti wara gbâ ti mosoro, tënë ayeke duti ande na li ti lo.+ 21  A yeke nzoni pëpe ti mû mbage ti mbeni zo;+me mbeni zo apeut ti yeda ti sara sioni ti wara nduru mapa. 22  Zo ti sarango bê ti ye aye mingi ti wara mosoro,me lo hinga pëpe so yere ayeke hon ndö ti lo. 23  Zo so asuku na mbeni zo,+ a yeke bâ lo na nzoni lê mingi+ahon zo so agonda zo gï na yanga ti lo. 24  Zo so anzi babâ na mama ti lo na lo tene: “A yeke sioni pëpe,”+lo yeke kamarade ti zo so asara si ye abuba.+ 25  Zo ti kota bê* abi tënë na popo ti azo,me zo so azia bê ti lo na ndö ti Jéhovah, aye ti lo ayeke maï.*+ 26  Zo so azia bê ti lo gï na ndö ti lo wani ayeke zo ti buba,+me zo so asara ye na ndara, a yeke sö lo.+ 27  Zo so amû ye na awayere, ye ayeke manke lo pëpe,+me zo so asara sanka ti ala, deba ayeke ga na ndö ti lo mingi. 28  Tongana azo ti sioni awara komandema, zo ayeke honde terê ti lo;me tongana ala kui, azo ti mbilimbili aga gbani.+

Kete tënë

Wala “kete bamara.”
Wala “asara kpengba-li.”
Na Hébreu: “lo yeke.”
Wala “so asara mbeto lakue.”
Wala “mênë ti mbeni âme.”
Wala “dû.”
A lingbi nga ti tene “Âme so asara baba.”
Na Hébreu: “a yeke sara si lo si singo na mafuta.”