Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aProverbe 27:1-27

LI TI ATËNË NI

  • Sukungo so mbeni kamarade asuku na mba ti lo ayeke tâ nzoni (5, 6)

  • Molenge ti mbi, zia ngia na bê ti mbi (11)

  • Wen ayeke sara si yanga ti mbeni wen aza (17)

  • Hinga dutingo ti ataba ti mo (23)

  • Mosoro ayeke ngbâ lakue ape (24)

27  Pika kate ti mo ndali ti kekereke pëpe, ndali ti so mo hinga pëpe ye so mbeni lango ayeke ga na ni.*+   Zia mbeni zo nde* agonda mo, me yanga ti mo wani pëpe; Zia a duti ambeni zo nde,* me yanga ti mo wani pëpe.+   Tênë ane mingi, nga mbutu ane nengo, me ngonzo so zo ti buba azia na bê ti zo ane ahon aye so use kue.+   Kota ngonzo ayeke sioni mingi; nga ngonzo ayeke tongana ngu so asuku si amû ndo, me zo wa la apeut ti luti na devant ti zo so asara mbanda?+   Ti suku na zo polele ayeke nzoni ahon ti ye zo me ti fa ni pëpe.+   Kamarade so ayeke be-ta-zo ayeke suku na mba ti lo atâa so alingbi ti son,+ me wato ayeke su ngbangba ti zo gbani gbani.   Zo so* yâ ti lo asi awe, lo ke ti su* mafuta ti otoro so ade ti pete ni pëpe, me ti azo so nzara asara ala,* même kobe so ase anzere nzerengo na yanga ti ala.   Zo so azia da ti lo si lo hon na mbeni ndo nde ayeke tongana ndeke so azia da ti lo si lo hon* na mbeni ndo nde.   Tongana ti so mafuta na dukane azia ngia na bê ti zo, pendere songo ti kamarade so abâ gigi na peko ti wango so a mû na bê kue amû ngia na zo.+ 10  Zia pëpe kamarade ti mo wala kamarade ti babâ ti mo; na ngoi so ye ti ngangu awara mo, gue na yâ ti da ti ita ti mo wani pëpe; zo so alango nduru na mo ayeke nzoni ahon ita so lege ti lo ayo.+ 11  Molenge ti mbi, sara ye na ndara, na mo zia ngia na bê ti mbi,+ si mbi kiri tënë na zo so ayeke gi yanga ti mbi.+ 12  Zo so lê ti lo ahan abâ kpale, na lo honde terê ti lo,+ me azo so ahinga ndo mingi pëpe ague gï guengo na lê ni, na ala wara ye ti peko ni.* 13  Tongana mbeni zo amû zendo ti futa bon na place ti mbeni wande, mû bongo ti lo na place ni; mû mbeni ye ti lo tongana lo mû zendo ti sara ni na place ti wali-wande.*+ 14  Tongana mbeni zo airi tufa na ndö ti mba ti lo na kota go na kota ndapre, a yeke bâ ni tongana deba na li ti lo. 15  Wali so aye papa mingi* ayeke tongana da so li ni ayeke yuru na ngoi so ngu ayeke pika.+ 16  Zo so alingbi ti kanga lege na wali so alingbi ti kanga lege na pupu, nga lo lingbi ti gbu mafuta na yâ ti maboko ti lo ti koli. 17  Tongana ti so wen asara si yanga ti mbeni wen aza, zo alingbi ti sara si lê ti kamarade ti lo azi.*+ 18  Zo so abâ lege ti keke ti figue nzoni ayeke te lengo ni,+ nga zo so abâ lege ti wa ti lo nzoni, a yeke ne lo.+ 19  Legeoko tongana ti so zo ayeke bâ lê ti lo na yâ ti ngu, tongana zo ahinga ye so ayeke na yâ ti bê ti mba ti lo, lo yeke hinga ye so ayeke na yâ ti bê ti lo wani. 20  Dû ti kuâ nga na ndo so ye afuti dä,* yâ ni ayeke si lâ oko pëpe;+ tongaso nga, lê ti zo ayeke si lâ oko pëpe. 21  Tongana ti so ta ti tongo na wen ayeke ti zi saleté ti argent, nga four ayeke ndali ti lor,+ tongaso nga, gonda so mbeni zo awara amû lege ti hinga ye so ayeke na yâ ti bê ti lo.* 22  Même tongana mo gu zo ti buba na keke ti kpu, tongana ti so a yeke gu lê ti kobe na yâ ti kpu, buba ti lo ayeke hon na terê ti lo pëpe. 23  A yeke nzoni mo hinga dutingo ti ataba ti mo nzoni. Bâ lege ti* ataba ti mo nzoni,+ 24  ndali ti so mosoro ayeke ngbâ lakue pëpe,+ nga couronne* ayeke ngbâ pëpe ndali ti azo ti angoi nde nde kue. 25  Pere ayeke kui, na afini ni ayeke sigi, na a bungbi ndo oko gbâ ti apere ti ndö ti ahoto. 26  Akete taba asara si mo wara bongo, nga akoli-ngasa asara si mo wara nginza ti vo yaka. 27  Nga, lait ti angasa ayeke duti dä ndali ti mo, azo ti da ti mo nga na azo ti kua ti mo ti wali ti tene ala nyon ni alingbi na ala.

Kete tënë

Na Hébreu: “ayeke dü.”
Na Hébreu: “wande.”
Na Hébreu: “wande so alondo na kodro so mo hinga ni pëpe.”
Wala “Âme so.”
Na Hébreu: “dö na gere.”
Wala “âme so nzara asara lo.”
Wala “lo yeke kpe ti hon.”
Wala “na ye awara ala.”
Wala “mbeni wande.”
Wala “agi tënë lakue.”
Na Hébreu: “face ti kamarade ti lo aza.”
Wala “Shéol na Abaddon.”
Wala “tongaso, a yeke hinga mbeni zo na lege ti gonda so lo wara.”
Wala “Zia bê ti mo na ndö ti; Bi bê na ndö ti.”
Wala “kpoto ti gbia.”