Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aProverbe 23:1-35

LI TI ATËNË NI

  • Sara ye na nengo terê tongana a tisa mo na ndo ti mbeni zo (2)

  • Tomba peko ti mosoro ape (4)

  • Mosoro alingbi ti kpe yongoro na mo (5)

  • Ga pëpe oko ti azo so ayeke nyon sämba ahon ndö ni (20)

  • Sämba ayeke dë zo tongana ngbo (32)

23  Tongana mo duti ti te kobe na gbia, gbu li ti mo nzoni na ndö ti ye so ayeke na gbele mo;   zia zembe na go ti mo* tongana yanga ti mo anzere mingi.*   Sara nzara ti apendere kobe ti lo pëpe, ndali ti so a yeke kobe so ayeke handa zo.   Fâ terê ti mo ti gi mosoro pëpe.+ Luti kete na fa so mo hinga ndo.*   Na ngoi so mo bi lê ti mo na ndö ni, a yeke dä encore ape,+ ndali ti so kpangbi ti aigle ayeke sigi na terê ni na a yeke huru ahon na lê ti nduzu.+   Te pëpe kobe ti zo ti kion;* sara nzara ti apendere kobe ti lo pëpe,   ndali ti so lo yeke tongana zo so ayeke diko ye so lo mû na zo.* Lo tene na mo: “Te ye ma! Nyon ye ma!” Me ti bê ti lo kâ ayeke nde.*   Mo yeke dë ande na sese ye so mo te, andâ mo gonda lo gï senge senge.   Sara tënë na mê ti zo ti buba pëpe,+ ndali ti so lo yeke zere atënë ti ndara so mo tene.+ 10  Ye so a lu ândö ti fa yanga ti mbeni sese, zi ni pëpe,+ nga nzi pëpe yanga ti sese ti amolenge so babâ ti ala ayeke dä pëpe, 11  ndali ti so Zo ti gbungo koko ti ala* ayeke ngangu mingi; lo yeke gbu koko ti ala ti tiri na mo.+ 12  Zia bê ti mo na ndö ti ye so a sara ti fa lege na mo nga dengi mê mo mä atënë ti zo so ahinga ye. 13  Ke pëpe ti fa lege na molenge ti mo ti koli.*+ Tongana mo pika lo na keke, lo yeke kui pëpe. 14  A yeke nzoni mo pika lo na keke, si mo sö lo* na yâ ti Dû ti kuâ.* 15  Molenge ti mbi, tongana mo ga zo ti ndara, bê ti mbi ayeke duti na ngia.+ 16  Mbi yeke duti na ngia na gbe ti bê ti mbi* na ngoi so mo yeke tene atënë so ayeke na lege ni. 17  Sara bê na terê ti awasiokpari pëpe,+ me kpe mbeto ti Jéhovah na yâ ti lango ni kue,+ 18  tongaso si gigi ti mo ti kekereke aga nzoni,+ nga beku ti mo ayeke ngbâ senge pëpe. 19  Molenge ti mbi, mä tënë, si mo ga zo ti ndara nga sara si bê ti mo ague na mo na nzoni lege. 20  Ga pëpe oko ti azo so ayeke nyon vin ahon ndö ni,+ na azo so ayeke te nyama ahon ndö ni,+ 21  ndali ti so ngbâa ti sämba na zo ti tengo ye ahon ndö ni ayeke tï na yâ ti yere,+ nga zo so lê ti lo ayeke gï na lango ayeke yü gbagbara bongo. 22  Mä babâ ti dungo mo, nga zere mama ti mo pëpe gï ndali ti so lo ga mbakoro awe.+ 23  Vo* tâ tënë, na mo kä ni lâ oko pëpe;+ vo nga ndara, nzoni fango lege nga na hingango ndo.+ 24  Babâ ti zo ti mbilimbili ayeke duti ande biani na ngia; babâ ti dungo zo ti ndara ayeke duti na ngia ndali ti lo. 25  Babâ na mama ti mo ayeke duti na ngia; wali so adü mo ayeke duti na ngia. 26  Molenge ti mbi, bi bê ti mo na tënë ti mbi, nga zia si lê ti mo awara ngia na yâ ti alege ti mbi,+ 27  ndali ti so wali-ndumba ayeke tongana dû so alï mingi; wali so asara lango-sioni* ayeke tongana dû ti ngu so yanga ni ayeke gï kete.+ 28  Lo honde terê ti lo tongana zo ti nzi ti ku zo,+ lo sara si wungo ti akoli so ayeke be-ta-zo pëpe aga mingi. 29  Zo wa la ayeke na mawa? Zo wa la ayeke gi bê ti lo? Zo wa la ayeke papa na azo? Zo wa la ayeke dema terê ti lo? Zo wa la awara kä senge senge? Zo wa la lê ti lo ane nengo?* 30  A yeke azo so amû ngoi mingi ti nyon vin;+ a yeke azo so ayeke gi* vin so a mélangé yâ ni. 31  Zia lê ti mo pëpe na terê ti bengba vin, na ngoi so lê ni ayeke za na yâ ti kopo nga nyongo ni anzere, 32  ndali ti so na nda ni, a yeke dë zo tongana ngbo, nga a yeke sara sioni na zo tongana poison ti sioni ngbo. 33  Lê ti mo ayeke bâ aye so mo hinga li ti mo na ni pëpe, nga bê ti mo ayeke pusu mo ti sara atënë ti kirikiri.+ 34  Mo yeke ga tongana zo so alango na milieu ti ngu-ingo, tongana zo so alango kâ na li ti keke ti voile ti bateau. 35  Mo yeke tene ande: “A pika mbi, me mbi mä songo ni pëpe. A pika mbi, me mbi hinga ye oko dä ape. Mbi yeke zingo ande lawa?+ Mbi yeke na bezoin ti nyon ye encore.”*

Kete tënë

Wala “kanga nzara ti bê ti mo.”
Wala “tongana âme ti mo asi singo na nzara.”
A lingbi nga ti tene “Zia lege ti hingango ndo ti mo.”
Wala “zo so lê ti lo ayeke sioni.”
Wala “ayeke sara calcul na yâ ti âme ti lo.”
Na Hébreu: “bê ti lo ayeke na mo pëpe.”
Na Hébreu: “Zo ti zingo ala.”
Wala “molenge; maseka.”
Wala “âme ti lo.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Na Hébreu: “na yâ ti arein ti mbi.”
Wala “Wara.”
Na Hébreu: “wande.” Bâ aPr 2:16.
Wala “ayeke bâ ndo nzoni ape?”
Wala “ayeke bungbi ti tara.”
Wala “Mbi yeke gi ni encore.”