Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aProverbe 2:1-22

LI TI ATËNË NI

  • Nene ti dutingo na ndara (1-22)

    • Gi ndara tongana ti so zo agi mosoro so ahonde (4)

    • Nzoni gbungo li abata zo (11)

    • Lango-sioni aga na vundu (16-19)

2  Molenge ti mbi, tongana mo mä atënë ti yanga ti mbi nga mo bata acommandement ti mbi nzoni,+   na lege so mo dengi mê ti mo nzoni ti mä ndara+ nga mo zi bê ti mo si mo hinga tongana nyen ti bâ yâ ti aye nzoni;+   nga tongana mo toto ti hinga ndo+ na mo toto ngangu ti hinga ti bâ yâ ti aye nzoni;+   tongana mo ngbâ ti gi ni tongana ti so zo agi argent,+ na mo ngbâ ti gi ni tongana ti so zo agi mosoro so ahonde,+   mo yeke hinga ye so a iri ni kpengo mbeto ti Jéhovah,+ nga mo yeke wara lege ti hinga ye na ndö ti Nzapa,+   ndali ti so Jéhovah la ayeke mû ndara na zo;+ atënë ti yanga ti lo la asara si zo ahinga ye na lo bâ yâ ti aye nzoni.   Lo bata ndara ti sara ye ti nzoni ti mû ni na azo ti mbilimbili; lo yeke vala ti azo so ayeke sara ye lakue mbilimbili.+   Lo yeke bâ ndo na ndö ti lege ti azo so ayeke mbilimbili nga lo yeke bata lege ti azo ti lo so ayeke be-ta-zo.+   Ge la si mo yeke hinga ye so ayeke mbilimbili nga ayeke na lege ni, ye kue so andu sarango ye ti nzoni.+ 10  Tongana ndara alï na yâ ti bê ti mo,+ nga a nzere na âme* ti mo ti hinga ye,+ 11  nzoni gbungo li so mo yeke na ni ayeke bâ ndo na ndö ti mo,+ nga bango yâ ti aye nzoni ayeke bata mo, 12  a yeke zi mo na ndö ti sioni lege, a yeke zi mo na maboko ti zo so ayeke sara atënë ti kirikiri,+ 13  a yeke zi mo na maboko ti azo so azia lege ti mbilimbili ti tambela na ndö ti alege ti bingo;+ 14  a yeke zi mo na maboko ti azo so a nzere na ala ti sara sioni, ala so ayeke na ngia ti sara aye ti kirikiri, 15  ala so sarango ye ti ala aba bango nga so aye kue so ala yeke sara ayeke ti handa zo. 16  A yeke bata mo si mo tï na yâ ti maboko ti wali ti kirikiri* pëpe, a yeke bata mo si anzerengo tënë ti yanga* ti wali so asara lango-sioni* ahanda mo pëpe,+ 17  lo so ake koli* ti lo ti lâ ti maseka+ nga lo girisa na ndö ti mbele so lo te na Nzapa ti lo. 18  Da ti lo adescend ti gue na kuâ, nga alege* ti lo ague juska na azo so akui awe na ayeke na ngangu pëpe.+ 19  Azo kue so alango na* lo ayeke kiri pëpe, ala yeke kiri ti tambela na ndö ti lege ti fini pëpe.+ 20  Tongaso, mû lege ti anzoni zo nga ngbâ na ndö ti lege ti azo ti mbilimbili,+ 21  ndali ti so gï azo ti mbilimbili la ayeke duti na ndö ti sese, nga gï azo so tënë ayeke na li ti ala pëpe* la ayeke ngbâ na ndö ni.+ 22  Âdu ti azo ti sioni, a yeke zi ala na ndö ti sese;+ nga a yeke gboto azo ti handa si ala ngbâ na ndö ti sese pëpe.+

Kete tënë

Na Hébreu: “wande.” Na bango ni, zo so sarango ye ti lo asara si lo gue yongoro na Nzapa.
Wala “atënë ti handango zo.”
Na Hébreu: “wande.” Na bango ni, zo so sarango ye ti lo asara si lo gue yongoro na Nzapa.
Na Hébreu: “kota kamarade.”
Na Hébreu: “aplace ti gere.”
Na Hébreu: “ague na ndo ti.”
Wala “azo so angbâ ti sara ye mbilimbili.”