Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aProverbe 19:1-29

LI TI ATËNË NI

  • Zo so ahinga ti bâ yâ ti aye nzoni ayeke sara ngonzo hio ape (11)

  • Wali so aye papa ayeke tongana da so li ni ayuru (13)

  • Wali so asara ye na ndara alondo na Jéhovah (14)

  • So ngoi angbâ, fa lege na molenge ti mo (18)

  • Mango wango ayeke sarango ye na ndara (20)

19  A yeke nzoni ti duti wayere nga ti sara ye lakue mbilimbili+ ahon ti duti zo ti buba nga ti tene mvene.+   Tongana zo* ahinga ye pëpe, a yeke nzoni pëpe;+ nga zo so adö terê ti sara ye* ayeke sara siokpari.   Buba ti zo wani asara si lege ti lo aba bango, na bê ti lo ason ngangu na terê ti Jéhovah.   Mosoro asara si zo awara gbâ ti akamarade, me ti wayere, même tâ kamarade ti lo adö lo azia.+   Témoin so atene mvene ayeke ngbâ senge pëpe,+ nga zo so atënë ti lo kue ayeke gï mvene, lo yeke kpe ande pëpe.+   Azo mingi agi ti nzere na lê ti kota zo ti kodro,* nga zo kue ayeke kamarade ti zo so ayeke mû amatabisi na azo.   So aita ti wayere kue ake lo kengo so,+ si fade akamarade ti lo ayeke kpe lo kpengo ape?+ Lo gi peko ti ala ti hunda ala ti sara mbeni ye na lo, me zo oko akiri tënë na lo pëpe.   Zo so amanda ti gbu li nzoni aye terê* ti lo wani.+ Zo so aye mingi ti bâ yâ ti aye nzoni, ye ti lo ayeke ga nzoni.*+   Témoin ti mvene ayeke ngbâ senge pëpe, nga zo so atënë ti lo kue ayeke gï mvene, lo yeke kui.+ 10  Ti duti na aye ti nginza mingi alingbi na zo ti buba pëpe; tongaso, ti tene zo ti kua akomande na ndö ti amolenge ti gbia akpa oko pëpe.+ 11  Zo so ahinga ti bâ yâ ti aye nzoni ayeke sara ngonzo hio pëpe,+ nga so lo yeke hon na ndö ti ye ti songo bê,* a yeke pendere ye mingi.+ 12  Ngonzo ti gbia ayeke tongana sukungo ti bamara,*+ me nzoni bê ti lo ayeke tongana ngu ti pere na ndö ti apere. 13  Molenge ti buba aga na ngangu kpale na ndö ti babâ ti lo,+ na wali so aye papa mingi* ayeke tongana da so li ni ayeke yuru lakue.+ 14  Da na mosoro ayeke héritage so ababâ ayeke zia, me wali so ayeke sara ye na ndara alondo na Jéhovah.+ 15  Goigoi asara si zo atï na kota lango, nga zo* so ayapu na sarango kua pëpe ayeke ngbâ na nzara na yâ ti lo.+ 16  Zo so abata commandement abata fini* ti lo;+ zo so asara ye na dongo terê ayeke kui.+ 17  Zo so asara nzoni bê na azo ti mawa ayeke sara bon na Jéhovah la,+ na Lo yeke futa zo ni ndali ti ye so lo sara so.+ 18  So ngoi angbâ ti tene mo mû maboko na molenge ti mo so, fa lege na lo biani,+ nga zia si kuâ ti lo aduti faute ti mo pëpe.*+ 19  Zo so bê ti lo ayeke wâ wâ wâ ayeke wara kpale na pekoni; tongana mo gi ti zi lo dä, mo doit ti sara ni lakue lakue.+ 20  Mä wango nga yeda ti tene a fa lege na mo,+ tongaso si kekereke mo ga zo ti ndara.+ 21  Na yâ ti bê ti zo, aye mingi ayeke dä so lo ye ti sara, me ye so Jéhovah aleke ti sara la ayeke si.+ 22  Tâ ndoye ti zo la asara si azo aye lo;+ a yeke nzoni ti duti wayere ahon ti duti zo ti mvene. 23  Kpengo mbeto ti Jéhovah ague na zo ti wara fini;+ zo so ayeke na mbeto so, lo yeke wu terê ti lo nzoni, ye ti sioni ayeke si na lo pëpe.+ 24  Zo ti goigoi ayôro maboko ti lo na yâ ti dû ti sembe ti kobe, me lo gi même pëpe ti kiri na ni na yanga ti lo.+ 25  Pika zo ti hengo ndo+ si zo so ahinga ndo mingi pëpe aga zo so lê ti lo ahan,+ nga suku na zo so ahinga ndo si lo hinga ye ahon ti kozo.+ 26  Zo so asara sioni na babâ ti lo na lo tomba mama ti lo na terê ti lo, lo yeke molenge so abi kamene na lê ti zo nga asara si nengo ti zo atï na sese.+ 27  Molenge ti mbi, tongana mo ye encore ape ti tene a fa lege na mo, mo yeke hon ayo na atënë so asi singo na hingango ye. 28  Sioni témoin ahe fango ngbanga ti mbilimbili,+ nga sarango ye ti sioni anzere na azo ti sioni tongana kobe so ala yeke mene ni menengo.+ 29  Ngbanga la ayeke ku azo ti hengo ndo,+ na pika ayeke ndali ti peko ti azo ti buba.+

Kete tënë

Wala “âme.”
Na Hébreu: “amû loro na gere ti lo.”
Wala “zo so maboko ti lo awoko.”
Wala “âme.”
Na Hébreu: “lo yeke wara nzoni.”
Wala “na ndö ti faute.”
Wala “koli-bamara so akono awe.”
Wala “agi tënë lakue.”
Wala “âme.”
Wala “âme.”
Wala “nga ye pëpe ti tene lo kui.”