Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aProverbe 13:1-25

LI TI ATËNË NI

  • Azo so ayeke gi wango ayeke azo ti ndara (10)

  • Tongana zo aku mbeni ye, me lo wara ni hio pëpe, bê ti lo ayeke nze (12)

  • Zo ti tokua so ayeke be-ta-zo asara si ye aga nzoni (17)

  • Zo so atambela na azo ti ndara aga zo ti ndara (20)

  • Zo so apunir molenge ti lo afa so lo ye molenge ni (24)

13  Molenge ti ndara ayeda ti tene babâ ti lo afa lege+ na lo, me zo ti hengo ndo ake ti tene a suku na lo.*+   Tënë ti yanga ti zo asara si lo te nzoni kobe,+ me ye so agbu bê ti azo so asara ye na handa ayeke ti sara ye ti ngangu na azo.   Zo so abata yanga ti lo,* lo bata fini* ti lo.+ Me zo so azi yanga ti lo kota ayeke wara futingo.+   Zo ti goigoi asara nzara ti ye, me lo yeke* na ye oko pëpe.+ Me zo* so aye kua ayeke wara gbâ ti aye alingbi na lo.*+   Zo ti mbilimbili ake mvene,+ me sarango ye ti azo ti sioni aga na kamene nga abi nengo ti zo na sese.   Sarango ye ti mbilimbili abata zo so tënë ayeke na li ti lo pëpe,+ me sarango sioni asara si wasiokpari atï.   Mbeni zo ayeke dä so atene lo yeke zo ti mosoro, me lo yeke na ye oko pëpe;+ mbeni zo ayeke dä so atene ni yeke wayere, me lo yeke na gbâ ti mosoro.   Amosoro ayeke ye so zo ayeke mû ni na place ti fini* ti lo,+ me ye ti sioni ayeke hara même awayere pëpe.*+   Lumière ti azo ti mbilimbili aza ngangu,*+ me a yeke mingo lampe ti azo ti sioni.+ 10  Sarango ye na fandara asara si gï papa la alondo,+ me ndara ayeke na azo so agi wango.*+ 11  Mosoro so zo awara ni gï hio tongaso* ayeke kiri kete,+ me mosoro so zo abungbi ni kete na kete* ayeke ga mingi. 12  Ye so zo aku ni ngbii,* si lo wara ni hio pëpe, a sara si bê ti lo anze kue,+ me tongana zo awara ye so lo ku ni, a yeke tongana keke ti fini.+ 13  Zo so ake ti tene a fa ye* na lo ayeke wara kpale na pekoni;+ me zo so akpe commandement, a yeke futa lo.+ 14  Ye* so zo ti ndara afa ayeke mû fini na zo;+ a yeke sara si zo aduti yongoro na agbanda ti kuâ. 15  Zo so ayeke na ndara mingi, a yeke bâ lo na nzoni lê, me lege ti azo so asara ye na handa ayeke ngangu mingi. 16  Zo so lê ti lo ahan asara ye alingbi na hingango ye,+ me zo ti buba asigi na buba ti lo wani.+ 17  Sioni zo ti tokua ayeke wara kpale,+ me zo ti tokua so ayeke be-ta-zo asara si ye aga nzoni.+ 18  Zo so a fa lege na lo me lo sara sanka ni atï na yâ ti yere nga kamene asara lo, me zo so ayeda ti tene a kiri na lo na nzoni lege* ayeke wara gloire.+ 19  Tongana zo awara ye so lo ku ni, a nzere na lo;*+ me azo ti buba ake ti zia lege ti ye ti sioni.+ 20  Zo so atambela na azo ti ndara, lo yeke ga zo ti ndara,+ me zo so asara kamarade na azo ti buba, lo yeke wara sioni dä.+ 21  Ye ti ngangu atomba peko ti awasiokpari,+ me futa ti azo ti mbilimbili ayeke maïngo ti aye ti ala.+ 22  Nzoni zo azia héritage na a-âta ti lo, me a yeke bata mosoro ti awasiokpari ndali ti zo ti mbilimbili.+ 23  Yaka so wayere adë alë gbani, me sarango ye ti kirikiri alingbi ti sara si a* hon. 24  Zo so ake ti punir molenge ti lo,* lo ke molenge ni,+ me zo so aye molenge ti lo, lo yeke sara kue* ti fa lege na lo.+ 25  Zo ti mbilimbili ayeke te ye alingbi na nzara ti lo,*+ me yâ ti zo ti sioni ayeke ngbâ senge.+

Kete tënë

Wala “a kiri na lo na nzoni lege.”
Wala “tënë so lo tene.”
Wala “âme.”
Wala “âme ti lo ayeke.”
Wala “âme.”
Na Hébreu: “lo yeke si singo na mafuta.”
Wala “âme.”
Na Hébreu: “awayere ayeke mä pëpe tënë ti sukungo na zo.”
Na Hébreu: “adekongo na ngia.”
Wala “azo so abungbi ti mä terê.”
Wala “Mosoro so zo awara na lege ti fandara.”
Na Hébreu: “lo bungbi ni na maboko.”
Wala “Ye so zo ayeke na beku ti wara ni.”
Wala “afa tënë.”
Wala “Ndia.”
Wala “a suku na lo.”
Wala “âme ti lo.”
Wala “lo.”
Na Hébreu: “Zo so ake ti yôro keke ti lo.”
A lingbi nga ti tene “lo yeke sara hio.”
Wala “nzara ti âme ti lo.”