Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aProverbe 12:1-28

LI TI ATËNË NI

  • Zo so ake ti tene a suku na lo ayeke zo so ahinga ndo ape (1)

  • “Tënë so zo atene sân ti gbu li ayeke kpo zo tongana épée” (18)

  • Sarango si siriri amaï aga na zo ngia (20)

  • Yanga so ayeke tene mvene ayeke sioni mingi na lê ti Jéhovah (22)

  • Gingo bê asara si bê ti zo anze (25)

12  Zo so aye si a fa lege na lo aye ti hinga ye,+ me zo so ake ti tene a suku na lo ayeke zo so agbu li ti lo nzoni pëpe.*+   Zo ti nzoni anzere na lê ti Jéhovah, me Lo dë ngbanga na li ti zo so aleke ti sara sioni.+   Sarango sioni alingbi pëpe ti sara si zo aduti nzoni,+ me a yeke gboto azo ti mbilimbili lâ oko pëpe na ndo so ala yeke dä.   Nzoni wali ayeke couronne ti koli ti lo,+ me wali so asara ye ti kamene ayeke tongana mbeni ye so asara si abio ti koli ti lo awoko.+   Apensé ti azo ti mbilimbili ayeke na lege ni, me lege so azo ti sioni afa na azo ti mû ayeke handa zo.   Atënë ti azo ti sioni ayeke tongana azo so ahonde terê ti ala ti gbu zo ti fâ lo,*+ me tënë ti yanga ti azo ti mbilimbili asö ala.+   Tongana a kinda azo ti sioni awe, ala yeke dä encore ape, me da ti azo ti mbilimbili ayeke ngbâ ti luti.+   A yeke gonda mbeni zo ndali ti atënë ti ndara so asigi na yanga ti lo,+ me zo so bê ti lo asi singo na ye ti kirikiri, a yeke sara ye na lo tongana mbumbuse zo.+   A yeke nzoni mo duti senge zo na mo yeke na zo ti kua ahon ti pika kate me mo yeke na kobe* ti tengo ni pëpe.+ 10  Zo ti mbilimbili abâ lege ti anyama ti lo nzoni,+ me même nzoni bê ti zo ti sioni ayeke gï sioni. 11  Zo so asara kua ti yaka ti lo ayeke wara kobe alingbi na lo,+ me zo so agi peko ti asenge senge ye, li ti lo ayeke dä pëpe. 12  Zo ti sioni asara bê ti aye so azo ti sioni agbu na ngangu, me azo ti mbilimbili ayeke tongana nzoni keke so lê ni alë. 13  Sioni tënë so asigi na yanga ti zo ti sioni agbu lo tongana kûkû,+ me zo ti mbilimbili asigi yamba na yâ ti ye ti ngangu. 14  Tënë ti yanga ti zo asara si lo wara anzoni ye alingbi na lo,+ na lo yeke wara futa ti peko ti kua so lo sara na maboko ti lo. 15  Lege so zo ti buba amû ayeke nzoni na lê ti lo wani,+ me zo ti ndara ayeda na wango.+ 16  Zo ti buba ayeke fa ngonzo ti lo na gigi hio mingi,*+ me zo so lê ti lo ahan asara sanka ti* tënë ti songo bê. 17  Témoin so ayeke be-ta-zo ayeke tene tâ tënë,* me témoin ti mvene atene tënë so ahanda zo. 18  Tënë so zo atene sân ti gbu li ayeke kpo zo tongana épée, me tënë ti yanga ti zo ti ndara asara si ye so ason zo adë.+ 19  Yanga so atene tâ tënë ayeke ngbâ lakue lakue,+ me yanga so atene mvene ayeke ngbâ gï teti kete ngoi.+ 20  Tënë ti handa ayeke na bê ti azo so aleke ti sara ye ti sioni, me azo so ayeke sara si siriri amaï* ayeke na ngia.+ 21  Ye ti sioni ayeke wara zo ti mbilimbili pëpe,+ me azo ti sioni ayeke wara gbâ ti aye ti ngangu.+ 22  Yanga so ayeke tene mvene ayeke sioni mingi na lê ti Jéhovah,+ me azo so ayeke be-ta-zo azia ngia na bê ti lo. 23  Zo so lê ti lo ahan ahonde ndö ti ye so lo hinga, me zo ti buba asigi na gbâ ti tënë ti buba so ayeke na bê ti lo hio hio.+ 24  Maboko ti azo so asara kua ngangu la ayeke komande,+ me a yeke zia maboko ti azo ti goigoi na terê ti ngangu kua.+ 25  Gingo bê asara si bê ti zo anze,*+ me nzoni tënë asara si bê ti lo akiri awara ngia.+ 26  Zo ti mbilimbili atambela na ndo ti lo ti gi ando ti tengo pere, me lege ti azo ti sioni ague na ala yongoro. 27  Zo ti goigoi aye ti gbu mbeni nyama, me lo tomba peko ti lo pëpe,+ me tongana zo aye kua, so ayeke tâ mosoro. 28  Lege ti mbilimbili ague na fini;+ kuâ ayeke na lege ni so pëpe.

Kete tënë

Wala “li ti lo ayeke dä pëpe.”
Na Hébreu: “ala ku ti tuku mênë.”
Na Hébreu: “mapa.”
Wala “na oko lango ni.”
Na Hébreu: “akanga ndö ti.”
Na Hébreu: “tënë so ayeke na lege ni.”
Na Hébreu: “azo so ayeke awamungo wango ti siriri.”
Wala “asara si vundu ahon ndö ti zo.”