Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Apocalypse 9:1-21

LI TI ATËNË NI

  • Oku trompette ni (1-11)

  • Kozo mawa ni ahon awe, use ayeke ga (12)

  • Omene trompette ni (13-21)

9  Oku ange ni ahûru trompette ti lo.+ Mbi bâ mbeni tongoro so alondo na yayu atï na sese, na a mû na lo clé ti yanga ti kota dû so alï mingi.+  Lo zi yanga ti kota dû ni so alï mingi so, na guru alondo na yâ ti dû ni amonté mo bâ mo tene guru ti wâ ti mbeni kota four, na guru ti dû ni avuko lê ti lâ+ nga avuko yâ ti pupu.  Agbadora asigi na yâ ti guru ni ala mû ndö ti sese,+ a mû na ala komandema, mara ti komandema so akpalakongo ti sese ayeke na ni.  A tene na ala ti sara sioni na ngonda pëpe, wala na afini pere wala na mbeni keke oko pëpe, me gï na azo so ayeke na nzoroko ti Nzapa na ndö ti lê ti ala pëpe so.+  A mû lege na agbadora ni ti fâ azo so pëpe, me ti sara pasi na ala nze oku, na pasi ni so ayeke na ndö ti ala ayeke tongana pasi so mbeni zo ayeke bâ na ngoi so kpalakongo+ akpo lo.  Na yâ ti alango ni so, azo ni ayeke gi kuâ, me ala yeke wara ni oko pëpe, na ala yeke duti na nzara ti kui, me kuâ ni ayeke kpe ala.  Agbadora ni akpa ambarata so a leke ala ti sara bira;+ na ndö ti li ti ala, mbeni ye tongana couronne ti lor ayeke dä, na face ti ala akpa ti zo,  me ala yeke na kuä ti li so ayeke tongana kuä ti li ti awali. Pembe ti ala ayeke tongana pembe ti abamara;+  ala yü mbeni ye tongana bongo ti wen na kate ti ala. Toto ti kpangbi* ti ala ayeke tongana toto ti gere ti apuse so gbâ ti ambarata agboto ni na loro ti gue na bira.+ 10  Nga, ala yeke na damba nga na kî so akpa ti akpalakongo, na a mû komandema na damba ti ala ti sara sioni na azo nze oku.+ 11  Mbeni gbia ayeke na ndö ti ala, ange ti kota dû so alï mingi.+ Na yanga ti Hébreu, iri ti lo ayeke Abaddon,* me na yanga ti Grec iri ti lo ayeke Apollyon.* 12  Mbeni mawa+ ni oko ahon awe. Bâ, ambeni use ayeke ga na peko ti aye so. 13  Omene ange+ ni ahûru trompette ti lo.+ Na mbi mä mbeni go so alondo na adidi ti gbalaka ti lor+ so ayeke na gbele Nzapa, 14  go ni atene na omene ange ni, so ayeke fade na trompette so, lo tene: “Zi a-ange osio so a kanga ala na terê ti kota Ngu ti Euphrate so.”+ 15  Na a zi a-ange osio so, so a leke ala ndali ti ngbonga ni na lango ni, nze ni nga na ngu ni, ti fâ zo oko na popo ti azo ota. 16  Mbi mä wungo ti aturugu so ayeke kpe na ambarata so: a yeke kutu ngbangbo use. 17  Ambarata ni na azo so ayeke kpe na ala so mbi bâ na yâ ti ye so ayeke tongana vision so ayeke tongaso: Terê ti bongo ti wen so ala yü na kate ti ala abe tongana lê ti wâ, a yeke tongana lê ti nduzu nga a yeke jaune tongana soufre; li ti ambarata ni ayeke tongana li ti abamara,+ wâ na guru nga na soufre ayeke sigi na yanga ti ala. 18  A fâ zo oko na popo ti azo ota na lege ti asioni ye ota so: wâ, guru nga na soufre ni so asigi na yanga ti ala. 19  Ngangu ti ambarata ni ayeke na yâ ti yanga ti ala nga na yâ ti adamba ti ala, ndali ti so adamba ti ala ni ayeke tongana angbo na ali ni ayeke dä, ala yeke sara sioni na azo na ni. 20  Me ti tanga ti azo ni so asioni ye so afâ ala pëpe, ala changé bê ti ala pëpe ti zia lege ti akusala ti maboko ti ala, tongaso si ala voro pëpe asioni yingo, ayanda so a sara ni na lor, na argent na cuivre na tênë nga na keke, so alingbi ti bâ ndo pëpe, ti mä ndo pëpe nga ti tambela pëpe so.+ 21  Ala changé bê ti ala pëpe ti zia lege ti fango zo so ala yeke fâ, sarango yorö so ala yeke sara, lango-sioni* so ala yeke sara nga na nzi so ala yeke nzi.

Kete tënë

Wala “aile.”
Ndani aye ti tene “Futingo ye.”
Ndani aye ti tene “Zo ti futingo ye.”
Na Grec: pornéïa. Bâ na kete bakari.