Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Apocalypse 7:1-17

LI TI ATËNË NI

  • A-ange osio so agbu apupu ti futingo ye (1-3)

  • A kpo nzoroko na lê ti azo 144 000 (4-8)

  • Azo mingi mingi so ayü ayongoro vuru bongo (9-17)

7  Na peko ti ye so, mbi bâ a-ange osio so aluti na ndö ti acoin osio ti sese, ala gbu apupu osio ti sese ngangu, si mbeni pupu alingbi ti ya na ndö ti sese pëpe, na ndö ti ngu-ingo pëpe wala na ndö ti mbeni keke pëpe.  Na pekoni, mbi bâ mbeni ange so alondo na ndo so lâ alondo dä* si lo yeke gue na nduzu, lo gbu mbeni nzoroko ti Nzapa so ayeke na fini; na lo dekongo na kota go na a-ange osio so a mû lege na ala ti sara sioni na sese nga na ngu-ingo,  lo tene: “Ala sara sioni na sese pëpe, wala na ngu-ingo pëpe wala na akeke pëpe, juska e kpo nzoroko+ na ndö ti lê ti angbâa ti Nzapa awe si.”+  Na mbi mä wungo ti ala so a kpo nzoroko na ndö ti ala: ala yeke 144 000.+ Azo so a kpo nzoroko na ndö ti ala ayeke na popo ti amara ti Israël kue:+  Na popo ti azo ti mara ti Juda, a kpo nzoroko na ndö ti azo 12 000; na popo ti azo ti mara ti Ruben, azo 12 000;na popo ti azo ti mara ti Gad, azo 12 000;  na popo ti azo ti mara ti Aser, azo 12 000;na popo ti azo ti mara ti Nephtali, azo 12 000;na popo ti azo ti mara ti Manassé,+ azo 12 000;  na popo ti azo ti mara ti Siméon, azo 12 000;na popo ti azo ti mara ti Lévi, azo 12 000;na popo ti azo ti mara ti Issacar, azo 12 000;  na popo ti azo ti mara ti Zabulon, azo 12 000;na popo ti azo ti mara ti Joseph, azo 12 000;na popo ti azo ti mara ti Benjamin, a kpo nzoroko na ndö ti azo 12 000.  Na peko ti ye so, mbi bâ ndo, na bâ, azo mingi mingi, so mbeni zo alingbi ti diko wungo ti ala pëpe, ala londo na popo ti amara kue, akete mara kue, azo ti kodro kue, ayanga ti kodro kue,+ ala yeke luti na devant ti trône ni nga na devant ti Molenge ti taba ni. Ala yü yongoro vuru bongo,+ na amaboko ti keke ti mbûrü ayeke na tïtî ala.+ 10  Ala yeke dekongo na kota go, ala tene: “E wara salut ndali ti Nzapa ti e so aduti na ndö ti trône,+ nga ndali ti Molenge ti taba ni.”+ 11  A-ange kue aluti angoro trône ni, a-ancien ni+ nga na acréature osio so ayeke na fini; ala tï, ala kuku lê ti ala na sese na devant ti trône ni na ala voro Nzapa, 12  ala tene: “Amen! Zia sepela, gloire, ndara, singila, nengo, komandema nga na ngangu ague na Nzapa ti e lakue lakue nga kpu na kpu.+ Amen.” 13  Na mbeni ancien ni oko ahunda mbi, atene: “Azo so ayü yongoro vuru bongo+ so ayeke azo wa? na ala londo na ndo wa?” 14  Mbi ngbâ mbi kiri tënë na lo, mbi tene: “Seigneur ti mbi, mo la mo hinga ni.” Lo tene na mbi: “Azo so ayeke ala so asigi na yâ ti kota ye ti vundu+ si aga so, ala sukula yongoro bongo ti ala na ala sara si avuru na yâ ti mênë ti Molenge ti taba ni.+ 15  Ndani la ala yeke na devant ti trône ti Nzapa na ala yeke sara na lo kusala so ayeke nzoni-kue bï na lâ na yâ ti temple ti lo. Lo so aduti na ndö ti trône ni+ ayeke gbara ande tente ti lo na ndö ti ala.+ 16  Nzara ti kobe na nzara ti ngu ayeke sara ala ande mbeni pëpe, nga lâ ayeke su ala ngangu pëpe si ngangu ndowa ayeke sara ala pëpe,+ 17  ngbanga ti so Molenge ti taba,+ so ayeke na milieu ti trône ni, ayeke bata ala ande tongana berger+ nga lo yeke fa lege na ala ti gue na ala na ali ti ngu so ayeke mû fini na zo.+ Nzapa ayeke mbô ande ngu ti lê kue na lê ti ala.”+

Kete tënë

Wala “na est.”