Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Apocalypse 6:1-17

LI TI ATËNË NI

  • Kete taba ni azi kozo nzoroko ni (1-17)

    • Zo so asö benda ni ayeke na ndö ti vuru mbarata (1, 2)

    • Zo ti kpengo na bengba mbarata ni azi siriri (3, 4)

    • Zo ti kpengo na vuko mbarata ni aga na kota nzara (5, 6)

    • Zo ti kpengo na mbarata so ayeke kobela a iri lo Kuâ (7, 8)

    • Azo so a fâ ala ayeke na gbe ti gbalaka ni (9-11)

    • Sese ayengi ngangu (12-17)

6  Mbi bâ ndo na ngoi so Molenge ti taba ni+ azi mbeni oko ti anzoroko mbasambala ni,+ na mbi mä mbeni oko ti acréature osio+ so ayeke na fini asara tënë na mbeni go so atoto tongana bekpa, lo tene: “Ga!”  Mbi bâ ndo, na bâ, mbeni vuru mbarata!+ Zo so aduti na ndö ti mbarata ni ayeke na kokora; a mû na lo mbeni couronne,+ lo sigi lo sö benda ti gue na ni nga lo sigi ti hunzi songo benda ti lo ni.+  Tongana lo zi use nzoroko ni, mbi mä use créature ni+ so ayeke na fini atene: “Ga!”  Mbeni mbarata ni asigi, terê ti lo abe tongana wâ; a mû lege na zo so aduti na ndö ti lo ti zi siriri na ndö ti sese si ala fâ terê na popo ti ala, na a mû na lo mbeni kota épée.+  Tongana lo zi ota nzoroko ni,+ mbi mä ota créature ni so ayeke na fini+ atene: “Ga!” Mbi bâ ndo, na bâ, mbeni vuko mbarata! Zo so aduti na ndö ti mbarata ni ayeke na kilo na maboko ti lo.  Mbi mä mbeni go so, mo bâ mo tene a londo na popo ti acréature osio so, atene: “Kilo oko ti blé ndali ti denier*+ oko, na kilo ota ti orge ndali ti denier oko; na mo buba mafuta ti olive nga na vin pëpe.”+  Tongana lo zi osio nzoroko ni, mbi mä osio créature ni so ayeke na fini atene:+ “Ga!”  Mbi bâ ndo, na bâ, mbeni mbarata so terê ti lo akpa ti nyama so kobela asara lo! Iri ti zo so aduti na ndö ti mbarata ni ayeke Kuâ. Dû ti kuâ* ayeke mû peko ti lo nduru nduru. Na a mû na ala komandema na ndö ti mbage oko ti sese na popo ti ambage osio, ti fâ azo na yongoro épée, na kota nzara,+ na sioni kobela ti fango zo nga na lege ti anyama ti ngonda.+  Tongana lo zi oku nzoroko ni, mbi bâ na gbe ti gbalaka ni+ a-âme*+ ti ala so a fâ ala ngbanga ti tënë ti Nzapa nga ngbanga ti kusala ti fango tënë so ala sara giriri.+ 10  Ala dekongo na kota go, ala tene: “Seigneur ti dunia kue, mo so mo yeke nzoni-kue si mo yeke tene gï tâ tënë,+ juska lawa la si mo yeke gbanzi terê ti mo ti fâ ngbanga na li ti azo so asara kodro na ndö ti sese nga ti kiri na ala peko ti sioni so ala sara, ndali ti so ala tuku mênë ti e so?”+ 11  A mû yongoro vuru bongo na ala oko oko kue,+ na a tene na ala ti wu terê ti ala kete, juska wungo ti amba ti ala angbâa ni nga na aita ti ala so azo aga nduru ti fâ ala, tongana ti so a fâ nga ala lani so,+ alingbi si. 12  Mbi bâ ndo na ngoi so Molenge ti taba azi omene nzoroko ni, na sese ayengi ngangu mingi; lâ avuko tongana vuko bongo ti vundu,* na lê ti nze kue abe tongana mênë,+ 13  na atongoro ti yayu atï na sese, mo bâ mo tene keke ti figue so kota pupu ayengi ni si akpikpii lê ni atuku. 14  Yayu ahon mo bâ mo tene mbeni rouleau la si zo ayeke roulé ni,+ na a zi ahoto nga na azoa* kue na ndo so ala yeke dä.+ 15  Na pekoni, agbia ti sese, akota zo, amokonzi ti aturugu, azo ti mosoro, angangu zo, angbâa kue nga na azo kue so ayeke angbâa pëpe ahonde terê ti ala na yâ ti adû ti tênë nga na gbe ti akota tênë ti ahoto.+ 16  Ala yeke tene na ahoto nga na akota tênë ni, ala tene: “Ala tï na ndö ti e+ na ala honde e na lê ti Lo so aduti na ndö ti trône ni+ nga na lê ti ngonzo ti Molenge ti taba ni,+ 17  ngbanga ti so kota lango ti ngonzo ti ala asi awe,+ na zo wa la alingbi ti gbu lê ni zo wa?”+

Kete tënë

Lê ti nginza ti aRomain so alingbi na nginza ti kua ti lango oko. Bâ na B14.
Wala “Hadès,” so ti tene dû ti kuâ so azo kue ayeke gue dä. Bâ na kete bakari.
Na bango ni a ye ti sara tënë ti mênë ti ala so atuku na gbe ti gbalaka ni.
Peut-être bongo so a sara ni na kuä ti terê ti angasa.
A ye ti sara tënë ti sese so ayeke na milieu ti ngu.