Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Apocalypse 20:1-15

LI TI ATËNË NI

  • A kanga Satan ngu 1 000 (1-3)

  • Agbia so akomande na Christ ngu 1 000 (4-6)

  • A zi Satan na kanga, na pekoni a futi lo (7-10)

  • A fâ ngbanga ti akuâ na devant ti vuru trône (11-15)

20  Na pekoni, mbi bâ mbeni ange so alondo na yayu adescend; clé ti kota dû so alï mingi+ nga na kota chaîne ayeke na maboko ti lo.  Lo gbu sioni nyama so akpa ngbo so,+ ngbo ti giriri,+ so ayeke Zabolo+ na Satan,+ na lo kanga lo ngu 1 000.  Lo bi lo na yâ ti kota dû so alï mingi,+ lo kanga yanga ni na ndö ti lo nga lo kpo nzoroko dä, si lo handa amara mbeni pëpe juska ngu 1 000 ni ahunzi si. Na peko ti ye so, a yeke zi lo ndali ti mbeni kete ngoi.+  Nga, mbi bâ atrône na azo so aduti na ndö ni, a mû na ala ngangu ti fâ ngbanga. Biani, mbi bâ a-âme* ti ala so a fâ ala* ndali ti tënë so ala fa na ndö ti Jésus nga ndali ti so ala fa tënë na ndö ti Nzapa. Mbi bâ nga ala so avoro nyama ti ngonda ni pëpe wala statue ti lo pëpe si ala wara nga marque ti nyama ni na ndö ti lê ti ala pëpe nga na ndö ti maboko ti ala pëpe so.+ Ala kiri na fini, na ala komande tongana agbia legeoko na Christ+ ngu 1 000.  (Tanga ti akuâ ni+ akiri na fini pëpe juska ngu 1000 ni ahunzi si.) So ayeke kozo zingongo ti akuâ la.+  Ngia ayeke na zo kue so azingo na kozo zingongo ti akuâ ni,+ nga lo yeke nzoni-kue; kuâ ti use ni+ ayeke na komandema na ndö ti azo so pëpe,+ me ala yeke duti ande aprêtre+ ti Nzapa na ti Christ, na ala yeke komande tongana agbia legeoko na Christ na yâ ti ngu 1 000.+  Gï so ngu 1 000 ni ayeke hunzi, a yeke zi Satan na kanga so lo yeke dä,  na lo yeke sigi ti gue ti handa amara so ayeke na acoin osio ti sese, Gog na Magog, ti bungbi ala ti sara bira. Wungo ti ala ayeke tongana mbutu ti ngu-ingo.  Ala yeke mû lê ti sese ni kue ti ga na ni na ala ngoro camp ti azo ti be-vulu nga na gbata so Nzapa andoye ni mingi. Me wâ alondo na yayu adescend agbi ala kue.+ 10  Nga, a mû Zabolo so ayeke handa ala, a bi lo na yâ ti lac ti wâ na soufre, ndo so nyama ti ngonda ni+ nga na prophète ti wataka ni ayeke ti ala dä kozo awe,+ na a yeke sara ande pasi na ala* bï na lâ lakue lakue nga kpu na kpu. 11  Na pekoni, mbi bâ mbeni kota vuru trône na lo so aduti na ndö ni.+ Sese na yayu akpe na gbele lo,+ na a wara ndo ndali ti ala pëpe. 12  Mbi bâ nga akuâ, akota zo na akete zo, ala yeke luti na gbele trône ni, na a zi yâ ti ambeni rouleau. Me a zi nga yâ ti mbeni rouleau ni nde: a yeke rouleau ti fini.+ A fâ ngbanga ti akuâ ni alingbi na aye so a sû ni na yâ ti arouleau ni so, a lingbi na aye so ala sara.+ 13  Ngu-ingo akiri na azo so ayeke na yâ ti lo, kuâ na Dû ti kuâ* akiri na azo so akui si ayeke na yâ ti ala, nga a fâ ngbanga ti azo ni oko oko alingbi na aye so ala sara.+ 14  Na pekoni, a bi kuâ nga na Dû ti kuâ* na yâ ti lac ti wâ.+ So aye ti tene kuâ ti use ni,+ lac ti wâ ni.+ 15  Nga, zo kue so a wara iri ti lo na yâ ti mbeti ti fini pëpe,+ a bi lo na yâ ti lac ti wâ ni.+

Kete tënë

Bâ na kete bakari nga nakete tënë ti Apc 6:9.
Na Grec: “a fâ ala na dö.”
Wala “a yeke kanga ande ala.”
Wala “Hadès,” so ti tene dû ti kuâ so azo kue ayeke gue dä. Bâ na kete bakari.
Wala “Hadès,” so ti tene dû ti kuâ so azo kue ayeke gue dä. Bâ na kete bakari..