Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Apocalypse 16:1-21

LI TI ATËNË NI

  • Adû ti sembe mbasambala ti ngonzo ti Nzapa (1-21)

    • A tuku adû ti sembe ni na ndö ti sese (2), na yâ ti ngu-ingo (3), na yâ ti akota ngu na ali ti ngu (4-7), na ndö ti lâ (8, 9), na ndö ti trône ti nyama ti ngonda ni (10, 11) na ndö ti Euphrate (12-16),, na ndö ti pupu (17-21)

    • Bira ti Nzapa na Harmaguédon (14, 16)

16  Na pekoni, mbi mä mbeni kota go so alondo na yâ ti akubu ti tente ni+ atene na a-ange mbasambala so: “Ala gue ala tuku adû ti sembe mbasambala ti ngonzo ti Nzapa na ndö ti sese.”+  Kozo ange ni ague atuku dû ti sembe ti lo na ndö ti sese.+ Na asioni kä so ayeke tâ ngangu mingi+ atï na terê ti azo so ayeke na marque ti nyama ti ngonda ni+ nga so ayeke voro statue ti lo.+  Use ange ni atuku dû ti sembe ti lo na yâ ti ngu-ingo.+ Ngu-ingo ni aga mênë+ tongana mênë ti mbeni zo so akui awe, na acréature* kue so ayeke na fini akui, so ti tene aye kue so ayeke na yâ ti ngu-ingo ni.+  Ota ange ni atuku dû ti sembe ti lo na yâ ti akota ngu na ali ti ngu,+ na a ga mênë.+  Mbi mä ange so ayeke na ndö ti angu ni atene: “Mo so mo yeke dä fadeso, Mo so mo yeke dä ândö,+ Mo so mo yeke be-ta-zo,+ mo yeke mbilimbili ndali ti so mo fâ angbanga so,+  ndali ti so ala tuku mênë ti azo ti be-vulu na ti aprophète,+ na mo mû na ala mênë ti tene ala nyon.+ Na ala lingbi na ni.”+  Mbi mä gbalaka ni atene: “Biani, Jéhovah* Nzapa, Mo so ngangu ti mo ahon angangu kue,+ angbanga so mo fâ* ayeke tâ tënë na ayeke mbilimbili.”+  Osio ange ni atuku dû ti sembe ti lo na ndö ti lâ,+ na a mû lege na lâ ni ti mboko azo na wâ.  Ngangu ndowa amboko azo, me ala zonga iri ti Nzapa, lo so ayeke na komandema na ndö ti asioni ye so, ala changé bê ti ala pëpe nga ala mû gloire na lo pëpe. 10  Oku ange ni atuku dû ti sembe ti lo na ndö ti trône ti nyama ti ngonda ni. Ndo avuko pitipiti na ndö ti royaume ti lo,+ na ala komanse ti te langue ti ala ndali ti pasi ti ala, 11  me ala zonga Nzapa ti yayu ndali ti apasi ti ala ni nga ndali ti asioni kä so ayeke na terê ti ala, na ala changé bê ti ala pëpe ti zia lege ti akusala ti ala. 12  Omene ange ni atuku dû ti sembe ti lo na ndö ti kota Ngu ti Euphrate,+ na ngu ni ahule,+ ti leke lege ndali ti agbia+ so ayeke londo na mbage so lâ asigi dä* si ala yeke ga. 13  Na pekoni, mbi bâ asioni tënë ota so alondo na yingo,* asioni tënë so akpa adale, asigi na yanga ti sioni nyama so akpa ngbo,+ a sigi na yanga ti nyama ti ngonda ni, a sigi nga na yanga ti prophète ti wataka ni. 14  Biani, atënë ni so ayeke atënë so alondo na asioni yingo na asara afä,+ na a gue na mbage ti agbia ti sese kue so azo ayeke dä, ti bungbi ala oko ndali ti bira+ ti kota lâ ti Nzapa, Lo so ngangu ti lo ahon angangu kue.+ 15  “Bâ, mbi yeke ga tongana zo ti nzi.+ Ngia ayeke na lo so lê ti lo angbâ na zingo ni+ na lo bata abongo ti lo ti ndö ni, si lo tambela terê senge pëpe na azo abâ kamene ti lo pëpe.”+ 16  A bungbi ala na ndo so a iri ni na yanga ti Hébreu, a tene: Harmaguédon.*+ 17  Mbasambala ange ni atuku dû ti sembe ti lo na ndö ti pupu. Mbeni kota go alondo na trône ni na yâ ti akubu ti tente+ ni, atene: “A sara ni awe!” 18  Na pekoni, awâ ti bekpa aza, ago atoto, bekpa asungba nga sese ayengi ngangu mingi, mbeni mara ti yengingo ti sese tongaso ade ti si lâ oko pëpe ngbene ye so azo ayeke na ndö ti sese,+ mara ti yengingo ti sese ni so ayeke use pëpe nga a yeke tâ kota mingi. 19  Yâ ti kota gbata+ ni asuru ota, na agbata ti amara atï; a dabe na Babylone, Ngangu gbata+ na gbele Nzapa ti mû na lo kopo ti vin ti kota ngonzo ti Nzapa.+ 20  Nga, azoa* kue akpe, na a wara ahoto pëpe.+ 21  Na pekoni, akota glason so lê ni oko oko kue ane talent* oko alondo na yayu atï na ndö ti azo,+ na azo azonga Nzapa ndali ti sioni ye ti aglason ni, ngbanga ti so sioni ye ti aglason so,+ mara ni ayeke use pëpe.

Kete tënë

Wala “a-âme.”
Bâ na A5.
Wala “adesizion ti ngbanga ti mo.”
Wala “na mbage ti est.”
Na Grec: “asioni yingo.”
Na Grec: Har Magedon, mbeni tënë na yanga ti Hébreu so ndani aye ti tene “Hoto ti Méguiddo.”
A ye ti sara tënë ti sese so ayeke na milieu ti ngu.
Talent oko ti aGrec ane kilo 20,4. Bâ na B14.