Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Apocalypse 12:1-17

LI TI ATËNË NI

  • Wali ni, molenge ti koli ni nga na nyama so akpa ngbo (1-6)

  • Michel atiri bira na sioni nyama so akpa ngbo so (7-12)

    • A bi sioni nyama so akpa ngbo so na sese (9)

    • Zabolo ahinga so lo yeke na ngoi mingi ape (12)

  • Nyama so akpa ngbo so asara ye ti ngangu na wali ni (13-17)

12  Na pekoni, a bâ mbeni kpengba fä na yayu: Mbeni wali+ so ayü lâ tongana bongo na terê ti lo, nze ayeke na gbe ti gere ti lo, mbeni couronne ti atongoro 12 ayeke na li ti lo,  na lo yeke na ngo. Lo yeke dekongo ndali ti songo yâ ti lo nga ndali ti pasi ti dungo ni.  A bâ nga mbeni fä nde na yayu: bâ, mbeni kota sioni nyama so akpa ngbo so terê ti lo abe tongana wâ,+ lo yeke na ali mbasambala na adidi bale-oko; akpoto ti gbia ayeke na ali ti lo ni oko oko si akpoto ni kue ayeke mbasambala;  tongana a mû atongoro+ kue ti yayu, damba ti sioni nyama so agboto mbage oko ti ala na popo ti ambage ota, na lo bi atongoro so na sese.+ Sioni nyama so akpa ngbo so ayeke luti na gbele wali ni+ so aye ti dü, si tongana lo dü awe, lo te molenge ni.  Wali ni adü mbeni molenge ti koli so,+ tongana berger, ayeke komande amara kue na barre ti wen.+ A mû molenge ni hio a gue na lo na terê ti Nzapa na ti trône ti lo.  Wali ni akpe ague na yâ ti benyama, na mbeni ndo so Nzapa aleke na lo kâ, na so a yeke mû na lo kobe dä na yâ ti alango 1 260.+  Na pekoni, bira alondo na yayu: Michel*+ na a-ange ti lo atiri bira na sioni nyama so akpa ngbo so, na sioni nyama ni na a-ange ti lo nga atiri na ala,  me sioni nyama ni na a-ange ti lo asö benda pëpe,* nga ndo angbâ mbeni pëpe ndali ti ala na yayu.  Tongaso, a bi kota sioni nyama+ so akpa ngbo so, ngbo ti giriri,+ lo so a iri lo Zabolo+ na Satan,+ lo so lo yeke handa azo na ndö ti sese kue;+ a bi lo na sese,+ na a bi nga a-ange ti lo ni legeoko na lo. 10  Na mbi mä mbeni go asara tënë na kota go na yayu, atene: “Fadeso salut,+ na ngangu, na Royaume ti Nzapa ti e+ nga na komandema ti Christ ti lo aga tâ ye awe, ngbanga ti so a bi zo ti bingo tënë na li ti aita ti e na sese awe, lo so ayeke bi tënë na li ti ala bï na lâ na gbele Nzapa ti e!+ 11  Na ala sö benda na ndö ti lo+ ngbanga ti mênë ti Molenge ti taba ni+ nga ngbanga ti ye so ala yeke fa tënë na ndö ni;+ na tënë ti âme*+ ti ala agbu bê ti ala pëpe, même tongana ala tingbi lê na lê na kuâ. 12  Ndani la, ala duti na ngia, ayayu na ala so ayeke kâ! Mawa na sese nga na ngu-ingo,+ ngbanga ti so Zabolo adescend na mbage ti ala, lo yeke na kota ngonzo, ndali ti so lo hinga so lo yeke na ngoi mingi pëpe.”+ 13  Tongana sioni nyama so akpa ngbo so abâ so a bi lo na sese awe,+ lo sara ye ti ngangu na wali+ so adü fade molenge ti koli so. 14  Me a mû akpangbi* use ti kota aigle+ na wali ni si lo lingbi ti huru ti gue na yâ ti benyama, na ndo ti lo; kâ la si a doit ti mû kobe na lo ndali ti ngoi oko, ngoi use na ndambo ti ngoi oko,*+ yongoro na lê ti ngbo ni.+ 15  Na ngbo ni adë ngu na yanga ti lo na peko ti wali ni si aga tongana kota ngu so asua, ti tene kota ngu ni so amene wali ni. 16  Me sese aga amû maboko na wali ni, sese azi yanga ti lo na amene kota ngu so sioni nyama ni adë ni na yanga ti lo so. 17  Tongaso, ngonzo agbu sioni nyama so na terê ti wali ni, si lo gue ti sara bira na tanga ti ala so ayeke ti hale* ti wali ni,+ ala so ayeke bata acommandement ti Nzapa nga so ayeke na kusala ti fango tënë na ndö ti Jésus.+

Kete tënë

Ndani aye ti tene “Zo wa la ayeke tongana Nzapa?”
A lingbi nga ti tene “me a kinda lo [so ti tene kota nyama ni so].”
Wala “fini.” Bâ na kete bakari.
Wala “a-aile.”
So ti tene ngoi ota na ndambo.
Na Grec: “ngongoa.”