Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Amos 9:1-15

LI TI ATËNË NI

  • Zo ayeke kpe ande angbanga ti Nzapa ape (1-10)

  • A yeke yâa na nduzu kpangba ti David (11-15)

9  Mbi bâ Jéhovah+ so aluti na ndö ti gbalaka, na lo tene: “Pika li ti pilier ni, na gere ti da ni ayeke yengi. Fâ li ti apilier ni, na tanga ti azo so angbâ, mbi yeke fâ ala na épée. Zo oko ayeke wara lege ti kpe ti hon pëpe.+   Tongana ala zi Dû ti kuâ* na ala descend na yâ ni kâ, mbi yeke yôro maboko ti mbi kâ ti mû ala; tongana ala monté na yayu, mbi yeke mû ala ti descend na ala.   Tongana ala honde terê ti ala na li ti Hoto ti Carmel, mbi yeke gi ala kâ ti mû ala.+ Tongana ala honde terê ti ala kâ na gbe ti ngu-ingo si mbi bâ ala pëpe, mbi yeke mû yanga ti tene ngbo adë ala.   Tongana awato ti ala amû ala na ngbâa ahon na ala na kodro-wande, kâ, mbi yeke mû yanga na épée ti fâ ala.+ Mbi yeke zia lê ti mbi na ndö ti ala ti sara sioni na ala, me pëpe ti sara nzoni na ala.+   A yeke Seigneur ti dunia kue, Jéhovah ti aturugu, la andu kodro* ni, tongaso si a ga ngu,+ na azo ti kodro ni kue ayeke sara vundu.+ Kodro ni kue ayeke londo na nduzu tongana Ngu ti Nil, nga a yeke kiri na gbe ni tongana Ngu ti Nil ti Égypte.+   ‘Lo so aleke escalier ti lo na yayu, lo so asara plafond ti da* na nduzu na ndö ti sese nga lo so airi angu ti yâ ti angu-ingo ti ga na terê ti lo, si lo tuku ni na ndö ti sese,+ iri ti lo ayeke Jéhovah.’+   Jéhovah atene: ‘Ala azo ti Israël, na lê ti mbi ala yeke tongana azo ti mara ti Cush. Mbi la mbi sigi lani na azo ti Israël na Égypte ape?+ Mbi la mbi sigi na aPhilistin na Crète ape?+ Mbi la mbi sigi na azo ti Syrie na Kir ape?’+   ‘Mbi, Jéhovah, Seigneur ti dunia kue, lê ti mbi ayeke na ndö ti royaume ti awasiokpari, na mbi yeke futi ni na ndö ti sese.+ Me mbi yeke futi ahale ti Jacob kue kue kue pëpe,’+ tënë ti yanga ti Jéhovah la.   ‘Mbi mû yanga, na mbi yeke yengere ahale ti Israël na popo ti amara kue,+ tongana ti so zo ayeke yengere alê ti kobe na yengere, na mbeni kete tênë ayeke tï na sese pëpe. 10  Épée ayeke fâ awasiokpari kue so ayeke na popo ti azo ti mbi, ala so atene: “Ye ti ngangu ayeke wara e pëpe nga ayeke si nduru na e pëpe.”’ 11  ‘Na ngoi ni so, mbi yeke kiri ti yâa na nduzu kpangba* ti David+ so atï na sese. Mbi yeke kiri ti kanga adû so ayeke na terê* ni nga mbi yeke leke ando so abuba dä. Mbi yeke kiri ti leke ni si aga tongana ti ândö,+ 12  tongaso si ala mû mbage ti Édom+ so angbâ nga na ti amara kue so iri ti mbi ayeke na ndö ti ala,’ tënë ti yanga ti Jéhovah la, lo so ayeke sara ye so. 13  Jéhovah atene: ‘Ngoi ayeke ga so zo ti dengo yaka ayeke ga ti wara zo so ayeke fâ alê ti kobe, zo ti dongo yâ ti alê ti vigne ayeke ga ti wara zo so ayeke lu ngongoa ti kobe.+ Vin so anzere ayeke yuru na terê ti ahoto,+ nga a yeke sua na ndö ti akete hoto kue.*+ 14  Mbi yeke kiri ti bungbi azo ti mbi, azo ti Israël, so a gue na ala na ngbâa,+ ala yeke kiri ti leke agbata so abuba, na ala yeke sara kodro dä.+ Ala yeke fâ yaka ti vigne, na ala yeke nyon vin ni,+ ala yeke fâ yaka, na ala yeke te akobe ni.’+ 15  ‘Mbi yeke sara si ala duti biani biani na ndö ti sese ti ala. A yeke kiri pëpe ti zi ala na ndö ti sese ti ala so mbi mû na ala,’+ tënë ti yanga ti Jéhovah Nzapa ti ala la.”

Kete tënë

Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Wala “sese.”
Wala “lo so da so lo leke ayeke.”
Wala “tente.”
Wala “na terê ti akpangba.”
Na Hébreu: “akete hoto kue ayeke mû wâ aga ngu.”