Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Amos 4:1-13

LI TI ATËNË NI

  • Tënë na terê ti amama ti bagara ti Basan (1-3)

  • Jéhovah ahe vorongo nzapa ti wataka ti Israël (4, 5)

  • Israël ake ti yeda na punition (6-13)

    • “Ala leke terê ti ala ti tingbi na Nzapa ti ala” (12)

    • ‘Nzapa afa apensé ti lo na zo’ (13)

4  “Ala amama ti bagara ti Basan, ala mä tënë so, ala so ayeke fono na ndö ti hoto ti Samarie,+ ala awali so ayeke mû ye ti azo ti mawa na likisi+ nga ala yeke neka awayere, ala so ala tene na akoli* ti ala, atene: ‘Ala ga na e ye ti nyongo ni ma!’   Jéhovah, Seigneur ti dunia kue, so ayeke nzoni-kue, adeba na iri ti lo wani, atene: ‘“Ngoi ayeke ga so lo yeke gbu ala na acrochet ti azo ti kango nyama si lo yô ala na nduzu nga lo yeke gbu tanga ti ala na alê ti yango si lo yô ala na nduzu.   Zo oko oko na popo ti ala ayeke sigi na lê ti adû so a kôro na terê ti gbagba ti gue gï droit droit. A yeke tuku ala ande na ngonda na yâ ti Harmon,” tënë ti yanga ti Jéhovah la.’   ‘Ala ga na Béthel, ala sara aye so ake ndia* ma!+ Ala ga na Guilgal, ala sara aye so ake ndia même ahon ti so ala sara kozo so ma!+ Ala ga na asandaga ti ala+ na ndapre, nga ala ga na adîme* ti ala+ na ota lango ni.   Mapa so levure ayeke dä, so ala zö ni tongana sandaga ti mungo singila,+ ala gbi ni na sandaga ma! Ala dekongo na ndö ti asandaga so ala mû na bê ti ala wani, ndali ti so a yeke ye so anzere na ala ti sara la, ala azo ti Israël,’ tënë ti yanga ti Jéhovah, Seigneur ti dunia kue, la.   ‘Ti mbi, mbi mû na ala kobe ti tengo ni pëpe* na yâ ti agbata ti ala kue, nga mbi sara si mapa ayeke dä pëpe na yâ ti ada ti ala kue.+ Atâa aye so kue, ala kiri na mbage ti mbi pëpe,’+ tënë ti yanga ti Jéhovah la.   ‘Mbi ke ti tene ngu apika ndali ti ala na yâ ti nze ota kozo na ngoi ti kongo alê ti kobe.+ Mbi sara si ngu apika na yâ ti mbeni gbata, me mbi gbanzi ni na mbeni gbata nde. Ngu apika na ndö ti mbeni sese, me mbeni sese ni so ngu apika dä pëpe so ahule ngangu.   Azo ti yâ ti gbata use wala ota atambela tongana zo so asoulé ti gue na mbeni gbata ti nyon ngu,+ me ngu ni alingbi ala pëpe. Atâa aye so kue, ala kiri na mbage ti mbi pëpe,’+ tënë ti yanga ti Jéhovah la.   ‘Mbi tokua ngangu ndowa na yâ ti kodro ni, nga mbi sara si buruma agbu akobe ti ala.+ Ala fâ gbâ ti ayaka nga na ayaka ti vigne, me agbadora ate akeke ti figue nga na akeke ti olive ti ala kue.+ Atâa aye so kue, ala kiri na mbage ti mbi pëpe,’+ tënë ti yanga ti Jéhovah la. 10  ‘Mbi tokua na popo ti ala mbeni ye ti ngangu tongana ti so a si lani na Égypte.+ Mbi fâ amaseka ti ala ti koli na épée,+ nga mbi gbu ambarata ti ala mbi hon na ni.+ Mbi sara si, na yâ ti acamp ti ala, ala mä fion ti akuâ so afun sioni.+ Atâa aye so kue, ala kiri na mbage ti mbi pëpe,’ tënë ti yanga ti Jéhovah la. 11  ‘Mbi sara si azo afuti aye ti ala kue, tongana ti so mbi futi lani Sodome na Gomorrhe.+ Ala yeke lani tongana keke so ayeke gbi si a zi ni na yâ ti wâ. Atâa aye so kue, ala kiri na mbage ti mbi pëpe,’+ tënë ti yanga ti Jéhovah la. 12  Tongaso ala azo ti Israël, mbi yeke kiri ti punir ala. So mbi mû desizion awe ti punir ala, ala leke terê ti ala ti tingbi na Nzapa ti ala. 13  Mbi la mbi sara ahoto+ nga na pupu,+ mbi la mbi fa apensé ti mbi na zo nga mbi la mbi sara si lumière ti lâ so asigi na ndapre aga vukongo ndo.+ Mbi tambela na ndö ti ando so ayeke na nduzu.+ Iri ti mbi ayeke Jéhovah Nzapa ti aturugu.”

Kete tënë

Wala “awa.”
Wala “ala sara kpengba-li.”
Wala “adixième ti aye.”
Na Hébreu: “mbi sara si apembe ti ala avuru ndali ti so ala te ye pëpe.”