Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aJuge 4:1-24

LI TI ATËNË NI

  • Jabin, gbia ti Canaan, asara pasi na azo ti Israël (1-3)

  • Prophète-wali Déborah na Juge Barak (4-16)

  • Jaël afâ Siséra, mokonzi ti aturugu ti Canaan (17-24)

4  Me na peko ti kuâ ti Éhud, azo ti Israël akiri asara ye so ayeke sioni na lê ti Jéhovah.+  Tongaso, Jéhovah azia ala na maboko ti Jabin, gbia ti Canaan+ so akomande na Hazor. Mokonzi ti aturugu ti lo ayeke Siséra; lo sara kodro na Harosheth+ ti amara.*  Azo ti Israël atoto na Jéhovah,+ ndali ti so Jabin* ayeke na apuse ti bira 900 so azembe ayeke na terê ti aroue ni;*+ nga lo sara aye ti ngangu mingi na azo ti Israël+ ngu 20.  Na ngoi ni so, prophète-wali Déborah,+ wali ti Lappidoth, la ayeke fâ ngbanga na Israël.  Lo yeke duti ka na gbe ti keke ti mbûrü ti Déborah na popo ti Ramah+ na Béthel,+ na ndo so ahoto ayeke dä na Éphraïm; azo ti Israël ayeke gue na lo kâ ti leke atënë ti ala.  Lo tokua ndo na Kédesh-Nephtali+ ti iri Barak+ molenge ti Abinoam ti ga, na lo tene na lo: “Jéhovah Nzapa ti Israël amû yanga awe ape? Lo tene: ‘Gue na* Hoto ti Tabor, mû akoli 10 000 na popo ti azo ti Nephtali na ti Zabulon si mo na ala ague.  Mbi yeke sara si Siséra, mokonzi ti aturugu ti Jabin, aga atingbi na mo na terê ti ngu* ti Kishon,+ lo na apuse ti bira ti lo nga na aturugu ti lo, na mbi yeke zia lo na maboko ti mo.’”+  Barak atene na lo: “Tongana mbi na mo la e gue, mbi yeke gue; me tongana mo gue pëpe, mbi kue mbi yeke gue pëpe.”  Déborah atene: “Mbi na mo la e yeke gue. Ye oko, bira so mo yeke gue ti sara so ayeke ga na mo gloire pëpe, ndali ti so Jéhovah ayeke zia ande Siséra na maboko ti mbeni wali.”+ Ge, Déborah alondo, na lo na Barak ague na Kédesh.+ 10  Barak airi azo ti Zabulon na ti Nephtali+ ti ga na Kédesh, na akoli 10 000 amû peko ti lo. Déborah nga kue ague na lo. 11  Andâ na ngoi ni so Héber, so ayeke zo ti mara ti Kéni, alango ti lo nde na tanga ti azo ti mara ti Kéni+ so ayeke ahale ti Hobab, kogara ti Moïse.+ Lo leke tente ti lo nduru na kota keke so ayeke na Zaanannim na sese ti Kédesh. 12  A tene na Siséra so Barak, molenge ti Abinoam, amonté na Hoto ti Tabor.+ 13  Hio, Siséra abungbi apuse ti bira ti lo kue so wungo ni ayeke 900, so azembe ayeke na terê ti aroue ni,* nga na aturugu ti lo kue so ayeke na terê ti lo na Harosheth ti amara si ala gue na terê ti ngu* ti Kishon.+ 14  Déborah atene na Barak: “Londo, ndali ti so a yeke na lango ti laso la Jéhovah ayeke zia Siséra na maboko ti mo. Jéhovah la ayeke hon kozo ti mo ape?” Barak adescend Hoto ti Tabor, lo na akoli 10 000 so amû peko ti lo. 15  Jéhovah abi wusuwusu na popo ti Siséra, apuse ti bira ti lo kue nga na aturugu ti lo kue+ na ngoi so Barak ayeke sara bira na ala. Siséra adescend na yâ ti puse ti lo, lo kpe na gere. 16  Barak atomba peko ti apuse ti bira ni nga na aturugu ni juska na Harosheth ti amara. A fâ aturugu ti Siséra kue na épée, même zo oko angbâ pëpe.+ 17  Me Siséra akpe na gere ti gue na yâ ti tente ti Jaël,+ wali ti Héber+ so ayeke zo ti mara ti Kéni, ndali ti so siriri ayeke na popo ti Jabin,+ gbia ti Hazor, na azo ti da ti Héber, zo ti mara ti Kéni. 18  Jaël asigi ti yamba Siséra, na lo tene na lo: “Seigneur ti mbi, mo lï. Sara mbeto pëpe.” Tongaso, lo lï na yâ ti tente ti Jaël, na Jaël abi couverture na ndö ti lo. 19  Siséra atene na lo: “Pardon, nzara ti ngu asara mbi, mû na mbi ngu kete mbi nyon.” Lo zi yanga ti bozo so a sara ni na poro ti nyama so lait ayeke dä, lo mû na lo si lo nyon;+ na pekoni lo kiri lo bi couverture ni na ndö ti lo. 20  Siséra atene na lo: “Luti na yanga ti tente ni; tongana mbeni zo aga ahunda mo, atene: ‘Mbeni koli ayeke ge?’ mo tene: ‘Ên-ën!’” 21  Me Jaël, wali ti Héber, amû mbeni piquet ti tente nga na marteau. Na ngoi so lango ahon na Siséra awe ndali ti so lo woko kue, Jaël ague yeke na terê ti lo, lo mû marteau ni lo pika na piquet ni na yâ ti li ti lo, lo pika ni a sigi na mbage a lï sese, na lo kui.+ 22  Barak atomba peko ti Siséra juska na ndo ti Jaël; Jaël asigi ti yamba lo, na lo tene: “Ga, mbi yeke fa na mo koli so mo yeke gi lo so.” Lo lï na peko ti lo, na lo bâ kuâ ti Siséra so alango na sese, na piquet ni so alï na li ti lo. 23  Na lango ni so, Nzapa asara si azo ti Israël asö benda na ndö ti Jabin, gbia ti Canaan.+ 24  Maboko ti azo ti Israël angbâ gï ti ne na ndö ti Jabin, gbia ti Canaan,+ juska ala futi Jabin, gbia ti Canaan.+

Kete tënë

Wala “Harosheth-Goïm.”
Na Hébreu: “lo.”
Na Hébreu: “apuse ti mbarata so a sara ni na wen.”
Wala “Zia aturugu ti mo na.”
Wala “popo-hoto.” Bâ na kete bakari.
Na Hébreu: “apuse ti mbarata so a sara ni na wen.”
Wala “popo-hoto.” Bâ na kete bakari.