Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aJuge 2:1-23

LI TI ATËNË NI

  • Tënë ti gbotongo mê ti mbeni ange ti Jéhovah (1-5)

  • Tënë ti kuâ ti Josué (6-10)

  • Nzapa azia aJuge na ndö ti Israël ti sö lo (11-23)

2  Na pekoni, ange ti Jéhovah+ alondo na Guilgal+ lo gue na Bokim, na lo tene: “Mbi sigi na ala na Égypte mbi gue na ala na sese so mbi deba yanga ti mbi ndali ni na akotara ti ala.+ Nga, mbi tene lani, mbi tene: ‘Mbi yeke fâ yâ ti mbele so mbi te na ala so lâ oko pëpe.+  Ti ala, ala doit ti te mbele na azo ti kodro so pëpe,+ nga ala doit ti fâ na sese agbalaka ti ala.’+ Me ala mä yanga ti mbi pëpe.+ Nyen la apusu ala ti sara tongaso?  Ndani la mbi tene nga, mbi tene: ‘Mbi yeke tomba azo ni na devant ti ala pëpe,+ nga ala yeke ga mbeni kûkû ti gbungo ala,+ na anzapa ti azo ni ayeke gboto ala yongoro.’”+  Tongana ange ti Jéhovah atene atënë so na azo ti Israël kue awe, azo ni atoto ngangu.  Ni la a zia iri ti ndo ni so Bokim,* na azo ni amû mbeni sandaga na Jéhovah kâ.  Tongana Josué atene na azo ni ti kiri, zo oko oko ti Israël ague na sese so a mû na lo ti ga héritage ti lo.+  Azo ni angbâ ti sara na Jéhovah na ngoi ti Josué kue nga na ngoi ti a-ancien so angbâ na fini na peko ti Josué, a-ancien so abâ lani akota kusala kue so Jéhovah asara ndali ti Israël.+  Josué, molenge ti Nun, wakua ti Jéhovah, akui na ngu 110.+  Tongaso, ala lu lo na sese so a mû na lo ti ga héritage ti lo na Timnath-Hérés+ na ndo so ahoto ayeke dä na sese ti Éphraïm, na mbage ti nord ti Hoto ti Gaash.+ 10  Azo ti ngoi ni so kue akui, na ala wu terê ti ala tongana ti akotara ti ala;* azo so abâ gigi na peko ti ala ahinga Jéhovah pëpe, nga ala hinga pëpe aye so lo sara ndali ti Israël. 11  Tongaso, azo ti Israël asara ye so ayeke sioni na lê ti Jéhovah nga ala sara na* aBaal.+ 12  A yeke tongaso si ala ke Jéhovah Nzapa ti akotara ti ala, lo so asigi na ala na kodro ti Égypte.+ Ala mû peko ti ambeni nzapa nde, anzapa ti azo ti amara so angoro ala;+ ala kuku na gbe ti anzapa so, ala son bê ti Jéhovah.+ 13  Ala ke Jéhovah, na ala voro Baal nga na astatue ti Ashtoreth.+ 14  Na bango ye so, ngonzo ti Jéhovah alondo tongana wâ na terê ti azo ti Israël, na lo zia ala na maboko ti azo so ayeke gbu ka ye ti zo na ngangu si azo ni agbu aye ti ala.+ Lo zia* ala na maboko ti awato ti ala so angoro ala,+ na ala lingbi encore ape ti luti na gbele awato ti ala.+ 15  Ndo kue so ala gue dä, maboko ti Jéhovah ayeke gï na terê ti ala ti sara si ye ti ngangu awara ala,+ gï tongana ti so Jéhovah atene, nga gï tongana ti so Jéhovah adeba na ala ti sara ni;+ na vundu ahon ndö ti ala.+ 16  Tongaso, Jéhovah amû na ala ajuge ti sö ala na maboko ti azo so agbu ye ti ala na ngangu.+ 17  Me ala ke même ti mä ajuge ni, na ala sara ndumba na ambeni nzapa nde, ala kuku na gbe ti ala. Gï hio tongaso, ala sara ye tongana ti akotara ti ala pëpe, akotara ti ala so asara ye alingbi na acommandement ti Jéhovah.+ Ala yeke tongana akotara ti ala pëpe. 18  Tongana Jéhovah amû na ala mbeni juge,+ Jéhovah ayeke mû maboko na juge ni, na lo sö ala na maboko ti awato ti ala na ngoi kue so juge ni ayeke na fini; tongana azo ayeke sara aye ti ngangu na ala+ nga ala yeke sara aye ti sioni na ala si ala yeke dema, mawa ti ala asara Jéhovah.*+ 19  Me tongana juge ni akui, ala kiri asara ye ti sioni mingi ahon ti akotara ti ala na lege so ala mû peko ti ambeni nzapa nde, ala voro anzapa ni nga ala kuku na gbe ti ala.+ Ala zia pëpe asioni sarango ye ti ala, nga ala ngbâ ti sara kpengba-li. 20  Na nda ni, ngonzo ti Jéhovah alondo tongana wâ na terê ti azo ti Israël,+ na lo tene: “So mara so afâ yâ ti mbele+ so mbi te na akotara ti ala, nga ala ke yanga ti mbi,+ 21  ti mbi, mbi yeke tomba pëpe même mbeni oko ti amara so angbâ na yâ ti kodro ni na peko ti kuâ ti Josué,+ 22  si mbi tara bê ti azo ti Israël ti bâ wala ala yeke mû lege so mbi Jéhovah mbi fa,+ tongana ti so akotara ti ala asara.” 23  Ni la Jéhovah azia si amara so angbâ. Lo tomba ala hio pëpe, nga lo zia ala na maboko ti Josué pëpe.

Kete tënë

Ndani aye ti tene “Azo ti toto.”
So ayeke mbeni fason ti tene so zo ni akui.
Wala “ala voro.”
Na Hébreu: “kä.”
Wala “Jéhovah aregretté.”