Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aJuge 14:1-20

LI TI ATËNË NI

  • Juge Samson aye ti mû mbeni wali-Philistin (1-4)

  • Yingo ti Jéhovah asara si Samson afâ mbeni bamara (5-9)

  • Parabole ti Samson na ngoi ti mariage ni (10-19)

  • A mû wali ti Samson na mbeni koli nde (20)

14  Samson adescend na Timnah; kâ lo bâ mbeni wali-Philistin.*  Tongaso, lo monté lo tene na babâ na mama ti lo: “Mbi bâ mbeni wali-Philistin na Timnah so lo gbu bê ti mbi, na mbi ye ala mû lo na mbi ti ga wali ti mbi.”  Me babâ na mama ti lo atene na lo: “Mo peut ti wara mbeni wali na popo ti afami ti mo nga na popo ti azo ti e ge ape?+ Mo doit gï ti gue ti mû wali na popo ti aPhilistin so afâ ganza ape so?” Me Samson atene na babâ ti lo: “Mû wali so na mbi, ndali ti so lo la lo lingbi na mbi.”*  Babâ na mama ti lo ahinga pëpe so ye ni so alondo na Jéhovah, ndali ti so Lo yeke gi mbeni lege ti sara bira na aPhilistin ngbanga ti so aPhilistin la ayeke komande azo ti Israël na ngoi ni so.+  Samson nga na babâ na mama ti lo adescend na Timnah. Tongana lo si na ayaka ti vigne so ayeke na Timnah, mo ye ti bâ, mbeni bamara aga na terê ti lo na ayeke toto.  Yingo ti Jéhovah amû ngangu na Samson+ na lo suru yâ ti bamara ni, tongana ti so zo ayeke mû kete ngasa asuru yâ ti lo use na maboko senge. Me lo tene tënë ti ye so lo sara so na babâ na mama ti lo pëpe.  Na pekoni, Samson adescend asara lisoro na wali ni; lo ngbâ ti bâ so wali so la alingbi na lo.+  Mbeni lâ, na ngoi so lo yeke kiri ti mû wali ni ti ga na ni na ndo ti lo,+ lo ngoro ti bâ kuâ ti bamara ni; lo wara gbâ ti a-otoro na yâ ti kuâ ti bamara ni nga na mafuta ti otoro.  Tongaso, lo mû mafuta ti otoro ni na yâ ti maboko ti lo, na lo yeke su ni na ngoi so lo yeke tambela ti gue. Tongana lo si na terê ti babâ na mama ti lo, lo mû mbeni na ala ti tene ala su. Me lo tene na ala pëpe so lo mû mafuta ti otoro ni na yâ ti kuâ ti mbeni bamara. 10  Babâ ti Samson asi na ndo ti wali ni, na Samson asara mbeni matanga kâ, ndali ti so a yeke ye so amaseka-koli ayeke sara ka. 11  Tongana azo ni abâ lo, ala mû akoli 30 ti duti na terê ti lo na ngoi ti matanga ni. 12  Samson atene na ala: “Pardon, mbi ye ti tene mbeni parabole na ala. Na yâ ti lango mbasambala so e yeke sara matanga ni, tongana ala fa ndani, mbi yeke mû na ala bongo ti lin 30 nga na ambeni bongo 30. 13  Me tongana ala fa ndani na mbi pëpe, ala la ayeke mû na mbi bongo ti lin 30 nga na ambeni bongo 30.” Ala tene na lo, atene: “Tene na e parabole ni; e ye ti mä ni.” 14  Lo tene na ala: “Ye ti tengo ni asigi na yâ ti ye so ayeke te ye,nzerengo ye asigi na yâ ti ye so ayeke ngangu.”+ Lango ota ahon, ala wara lege ti fa ndani pëpe. 15  Na lango osio ni, ala tene na wali ti Samson: “Handa koli ti mo+ si lo fa nda ti parabole ni na e. Tongaso pëpe, e yeke gbi mo na da ti babâ ti mo kue. Ala tisa e ge ti mû aye ti e?” 16  Tongaso, wali ti Samson atoto na terê ti lo, nga lo tene: “Mo ke mbi, mo ye mbi pëpe.+ Mo tene parabole na azo ti mbi, me mo ke ti fa ndani na mbi.” Samson atene na lo: “Mbi fa ni même na babâ na mama ti mbi pëpe! Mbi doit ti fa ni na mo?” 17  Me lo ngbâ gï ti toto na terê ti Samson na yâ ti tanga ti alango ti matanga ni. Lo fa ndani na lo na lango mbasambala ni, ndali ti so lo zia lo kpô pëpe. Na pekoni, wali ni afa nda ti parabole ni na azo ti lo.+ 18  Tongaso, na lango mbasambala ni, kozo si lâ akui,* akoli ti gbata ni atene na lo: “Nyen la anzere ahon mafuta ti otoro? Nyama wa la ayeke ngangu ahon bamara?”+ Lo kiri tënë na ala: “Tongana fade ala mû kete wali-bagara ti mbi ala dë na yaka pëpe,+ka ala peut ti fa nda ti parabole ni pëpe.” 19  Yingo ti Jéhovah amû ngangu na Samson,+ na lo gue na Askélon,+ lo fâ akoli 30, lo mû abongo ti ala lo mû na azo so afa nda ti parabole ni.+ Ngonzo agbu lo ngangu na ngoi so lo yeke kiri na da ti babâ ti lo. 20  Na pekoni, a mû wali ti Samson+ a mû na mbeni oko ti akoli so aduti na terê ti lo na ngoi ti matanga ni.+

Kete tënë

Na Hébreu: “mbeni wali ti amolenge-wali ti aPhilistin.”
Na Hébreu: “lo yeke nzoni na lê ti mbi.”
A lingbi nga ti tene “kozo si lo lï na yâ ti chambre so ayeke na yâ ti da ni kâ.”