Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

aJuge 10:1-18

LI TI ATËNË NI

  • Juge Thola na juge Jaïr (1-5)

  • Israël ake yanga me lo kiri na Jéhovah (6-16)

  • Azo ti Ammon aga ti tiri na Israël (17, 18)

10  Na peko ti Abimélek, Tola zo ti mara ti Issacar alondo ti sö azo ti Israël.+ Lo sara kodro na Samir na ando so ahoto ayeke dä na Éphraïm. Lo yeke molenge ti Puah so ayeke molenge ti Dodo.  Lo duti juge na Israël ngu 23. Na pekoni lo kui, na a lu lo na Shamir.  Na peko ti lo, Jaïr, zo ti gbata ti Galaad, alondo, lo duti juge na Israël ngu 22.  Lo yeke na amolenge-koli 30 so ayeke tambela na ndö ti akororo 30; ala yeke na agbata 30 so juska laso a ngbâ ti iri ni Havvoth-Jaïr.+ Agbata so ayeke na sese ti Galaad.  Ambeni ngoi na pekoni, Jaïr akui, na a lu lo na Camon.  Azo ti Israël akiri asara ye so ayeke sioni na lê ti Jéhovah,+ ala komanse ti voro aBaal,+ ayanda ti Ashtoreth, anzapa ti azo ti Aram,* ti Sidon, ti Moab,+ ti Ammon+ nga na ti aPhilistin.+ Ala zia Jéhovah, ala voro lo pëpe.  Ngonzo agbu Jéhovah ngangu na terê ti azo ti Israël, si lo zia ala na maboko ti aPhilistin nga na azo ti Ammon.+  Tongaso, ala sara pasi na azo ti Israël nga ala sara ye ti ngangu mingi na ala na yâ ti ngu ni so; na yâ ti ngu 18, ala sara ye ti ngangu na azo ti Israël kue so ayeke na mbage ti Ngu ti Jourdain so ayeke na sese ti Galaad na so ayeke ândö kodro ti azo ti mara ti Amori.  Azo ti Ammon ayeke fâ nga Ngu ti Jourdain ti tiri na azo ti Juda, ti Benjamin nga na ti Éphraïm; azo ti Israël ayeke na yâ ti kota vundu. 10  Tongaso, azo ti Israël airi Jéhovah ti mû maboko na ala,+ ala tene: “E sara siokpari na terê ti mo Nzapa ti e, ndali ti so e zia mo na e voro aBaal.”+ 11  Me Jéhovah atene na azo ti Israël: “Mbi sö ala lani na maboko ti azo ti Égypte,+ azo ti mara ti Amori,+ azo ti Ammon, aPhilistin,+ 12  azo ti Sidon, azo ti mara ti Amalec nga na azo ti Madian na ngoi so ala sara pasi na ala. Ala toto na mbi, na mbi sö ala na maboko ti azo so. 13  Me ala zia mbi, ala voro ambeni nzapa nde.+ Ndani la mbi yeke kiri ti sö ala encore ape.+ 14  Ala gue na anzapa ni so ala soro ala, na ala iri ala ti mû maboko na ala.+ Zia anzapa ni so azi ala na yâ ti ngoi ti vundu ti ala.”+ 15  Me azo ti Israël atene na Jéhovah: “E sara siokpari awe. Sara na e ye so ayeke nzoni na lê ti mo. Me ti laso, pardon, sö e.” 16  Nga ala zi anzapa ti awande so na popo ti ala, na ala voro Jéhovah;+ ye so asara si lo peut encore ape ti ngbâ gï ti bâ na lê* pasi ti azo ti Israël.+ 17  Mbeni lâ, azo ti Ammon+ abungbi terê ti ala, ala sara camp ti ala na Galaad. Tongaso, azo ti Israël nga abungbi terê ti ala, ala sara camp ti ala na Mizpah. 18  Azo ti Galaad nga na amokonzi ni ahunda terê na popo ti ala, atene: “Zo wa la ayeke tï na devant ti e ti gue ti tiri na azo ti Ammon zo wa?+ Zia lo ga mokonzi ti azo ti Galaad kue.”

Kete tënë

Wala “Syrie.”
Wala “âme ti lo aduti kpô pëpe ndali ti.”