Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Osée 6:1-11

LI TI ATËNË NI

  • A hunda na azo ti kiri na Jéhovah (1-3)

  • Tâ ndoye ti azo ni ayeke gï teti kete ngoi (4-6)

    • Tâ ndoye ayeke nzoni ahon sacrifice (6)

  • Aye so azo ni asara na kamene ape (7-11)

6  “Ala ga, e kiri na Jéhovah. Atâa so lo suru yâ ti e kete kete,+ lo yeke sava e. Atâa so lo pika e, lo yeke kanga akä ti e.   Na peko ti lango use, lo yeke kiri na e na fini. Na ota lango ni, lo yeke yô e na nduzu, na e yeke duti na fini na gbele lo.   E yeke hinga Jéhovah, e yeke sara kue ti gi ti hinga lo. Tongana lumière ti lâ so ayeke sigi na ndapre, nyen na nyen lo yeke ga. Lo yeke ga na mbage ti e tongana kota ngu so apika ngangu, tongana tanga ti ngu-nzapa so apika na amouillé sese.”   “Éphraïm, a yeke nzoni mbi sara nyen na mo? Juda, a yeke nzoni mbi sara nyen na mo? Tâ ndoye ti ala ayeke tongana ambinda ti ndapre, nga tongana ngu ti pere so ayeke hule hio.   Ndani la, na lege ti aprophète, mbi yeke fâ yâ ti ala kete kete;+ mbi yeke fâ ala na lege ti tënë ti yanga ti mbi.+ Angbanga so mbi fâ na ndö ti ala ayeke duti ande polele tongana lumière so aza.+   Ye so amû ngia na mbi ayeke tâ ndoye,* me pëpe asandaga, nga mbi yeke na ngia tongana zo ahinga mbi Nzapa, ahon ti yâa asandaga so a zö ni agbi kue.+   Me ala so asara ye tongana asenge zo abuba yâ ti mbele.+ Ala handa mbi.   Galaad ayeke kodro ti azo ti sioni;+ na ndo kue, place ti gere ti azo ni ayeke gï mênë.+   Groupe ti aprêtre ayeke tongana groupe ti azo so ayeke gbu ka aye ti azo na ngangu, so ayeke honde terê ti ala ti ku hongo ti mbeni zo. Ala fâ zo na ndö ti lege so ague na Sichem,+ ndali ti so sarango ye ti ala ayeke ye ti kamene. 10  Mbi bâ mbeni ye so ayeke sioni mingi na yâ ti da ti azo ti Israël. Kâ, Éphraïm asara ndumba;+ Israël lo wani asara si lo ga sioni.+ 11  Me ti mo Juda, mbi yeke bungbi azo ti mo tongana ti so a yeke bungbi alê ti kobe; mbi yeke kiri ti bungbi azo ti mbi so a gue na ala na ngbâa.”+

Kete tënë

Wala “nzoni bê.”