Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Osée 5:1-15

LI TI ATËNË NI

  • Tënë ti ngbanga na ndö ti Éphraïm na Juda (1-15)

5  “Ala aprêtre, ala mä tënë so,+ azo ti Israël, ala dengi mê, nga ala azo ti da ti gbia, ala mä tënë so, ndali ti so tënë ti ngbanga so abâ ala. Ala ga mbeni kûkû ti gbungo Mizpah nga gbanda so a bi na ndö ti Tabor.+   Azo so ahon yongoro* atuku mênë ahon ndö ni,* na mbi gboto mê ti* ala kue.   Mbi hinga Éphraïm, nga Israël ahonde terê ti lo na lê ti mbi pëpe. Fadeso, Éphraïm, mo gi akoli nde nde;* Israël asara si lo wani lo ga sioni.+   Sarango ye ti ala amû lege na ala pëpe ti kiri na Nzapa ti ala, ndali ti so kota nzara ti sarango ndumba* ayeke na popo ti ala;+ ala bâ Jéhovah na nene ni pëpe.   Pikango kate ti Israël afa sioni ti lo na gigi;*+ Israël na Éphraïm use kue apika gere ti ala na faute so ala sara. Juda nga kue apika gere ti lo legeoko na ala.+   Ala mû ataba nga na abagara ti ala, ala gue ti gi Jéhovah, me ala wara lo pëpe. Lo hon yongoro na ala awe.+   Ala handa Jéhovah,+ ndali ti so ala dü amolenge na awali so ayeke awande. Fadeso, na yâ ti nze oko, a yeke futi ala na aye* ti ala kue.   Azo, ala hûru didi+ na Guibéah, ala hûru trompette na Ramah!+ Ala dekongo ti bira na Beth-Aven!+ Benjamin, e yeke mû peko ti mo!   Éphraïm, mo yeke ga ande mbeni ye so amû mbeto na zo mingi na ngoi so a yeke punir azo.+ Mbi sara si a hinga ye so ayeke si ande biani na popo ti amara ti Israël. 10  Amokonzi ti Juda ayeke tongana azo so ayeke pusu katikati ti kodro na peko.+ Mbi yeke tuku ngonzo ti mbi na ndö ti ala tongana ngu. 11  A sara pasi na Éphraïm, nga ngbanga atï na ndö ti lo na aneka lo, ndali ti so lo ye gï ti mû peko ti wato ti lo.+ 12  Ni la mbi yeke lani tongana mbeni makongo ti tengo bongo na terê ti Éphraïm, nga mbi yeke tongana mbeni fungo ye na terê ti ahale ti Juda. 13  Na ngoi so Éphraïm abâ kobela ti lo, na Juda abâ kota kä ti lo, Éphraïm ague na Assyrie,+ na lo tokua ndo na kota gbia. Me gbia ni alingbi ti sava ala pëpe, nga lo lingbi ti soigné kä ti ala pëpe. 14  Mbi yeke ga tongana mbeni bamara so akono awe na terê ti Éphraïm, nga tongana ngangu bamara* na terê ti ahale ti Juda. Mbi yeke suru yâ ti ala ande kete kete, na pekoni mbi yeke hon.+ Na hongo ti mbi, mbi yeke hon na ala, na mbeni zo ti zi ala ayeke dä pëpe.+ 15  Mbi yeke hon ande ti kiri na ndo ti mbi juska ala wara ye ti peko ti sioni so ala sara. Ala yeke gi ti tene mbi sara nzoni bê na ala.*+ Na ngoi so ala yeke na yâ ti vundu, ala yeke gi mbi.”+

Kete tënë

Wala “asara kpengba-li.”
Wala “ala bi terê ti ala mingi na yâ ti tukungo mênë.”
Wala “mbi yeke punir.”
Wala “mo sara lango-sioni; mo sara ndumba.”
Wala “lango-sioni; gingo akoli wala awali nde nde.”
Na Hébreu: “na lê ti lo.”
Wala “ayaka.”
Wala “koli-bamara so akono awe.”
Na Hébreu: “gi lê ti mbi.”