Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Osée 3:1-5

LI TI ATËNË NI

  • Osée akiri na wali ti lo na da, wali ti lo so agi mbeni koli nde (1-3)

  • Israël ayeke kiri na Jéhovah (4, 5)

3  Jéhovah atene na mbi: “Kiri mo ye wali ti mo so mbeni koli nde aye lo so, nga so agi ambeni koli nde.+ Mo ye lo tongana ti so Jéhovah aye azo ti Israël,+ atâa so ala gue na mbage ti ambeni nzapa nde+ nga ala ye araisin so a pete ni boule boule.”*  Mbi vo lo lani ndali ti mbi wani na alê ti nginza ti argent 15 nga homer* ti orge oko na ndambo.  Mbi tene na lo: “Mo yeke ngbâ na mbi aninga. Mo sara ndumba* pëpe na mo gi mbeni koli nde pëpe, na mbi yeke sara tongaso na mbage ti mo.”*  A yeke duti ande tongaso aninga* ndali ti so azo ti Israël ayeke duti ande na gbia+ wala mokonzi pëpe, mungo sandaga ayeke duti dä pëpe, pilier ayeke duti dä pëpe, éphod+ nga na astatue ti téraphim*+ ayeke duti dä pëpe.  Na pekoni azo ti Israël ayeke kiri ti gi Jéhovah Nzapa ti ala+ nga na gbia ti ala David.+ Na lâ ti nda ni, na dongo terê, ala yeke ga na mbage ti Jéhovah ti tene lo sara nzoni na ala.+

Kete tënë

So ti tene ati so a sara kua na ni ti voro anzapa ti wataka.
Homer oko ayeke litre 220. Bâ na B14.
Wala “lango-sioni (Mo gi akoli nde nde).”
Wala “mbi yeke bungbi na mo pëpe.”
Na Hébreu: “alango mingi.”
Wala “anzapa ti yâ ti sewa; ayanda.”