Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Osée 2:1-23

LI TI ATËNË NI

  • A punir Israël so angbâ be-ta-zo ape (1-13)

  • Jéhovah ayeke kiri ti ga koli ti lo encore (14-23)

    • “Mo yeke iri ande mbi Koli ti mo” (16)

2  “Tene na aita ti mo ti koli, mo tene: ‘Ala yeke azo ti mbi!’*+ Tene na aita ti mo ti wali, mo tene: ‘Mo yeke wali so a sara nzoni bê na mo!’*+   Ala bi tënë na li ti mama ti ala; ala bi tënë na li ti lo, ndali ti so lo yeke wali ti mbi pëpe+ nga mbi yeke koli ti lo pëpe. A yeke nzoni lo zia lege ti sarango ye ti ndumba* ti lo nga lo zia lege ti gingo akoli so lo yeke gi so.   Tongaso pëpe, mbi yeke zi bongo na terê ti lo, na terê ti lo ayeke ngbâ senge tongana ti so a dü na lo. Mbi yeke sara si lo ga tongana benyama nga tongana kodro so ngu ayeke dä pëpe, na mbi yeke sara si nzara ti ngu afâ lo.   Mbi yeke sara nzoni bê na amolenge ti lo pëpe, ndali ti so ala yeke amolenge ti ndumba.*   Mama ti ala asara ndumba.*+ Lo so amû ngo ti ala asara ye ti kamene,+ ndali ti so lo tene: ‘Mbi yeke gue na peko ti andeko ti mbi,+ ala so ayeke mû na mbi mapa, ngu, bongo so a sara na kuä ti terê ti taba, lin, mafuta nga na sämba.’   Mbi yeke kanga lege ti lo na gbagba ti asisi; mbi yeke leke gbagba ti tênë na terê ti lo, tongaso si lo lingbi ti wara lege pëpe.   Lo yeke kpe na peko ti andeko ti lo, me lo yeke wara ala pëpe.+ Lo yeke gi ala, me lo yeke wara ala pëpe. Lo yeke tene ande, lo tene: ‘Mbi yeke kiri na kozo koli ti mbi,+ ndali ti so mbi duti lani nzoni mingi ahon ti fadeso.’+   Lo girisa so mbi la lani mbi mû na lo lê ti kobe,+ fini vin nga na mafuta, na mbi la mbi mû na lo gbâ ti argent na lor, so ala mû ni ala mû na Baal.+   ‘Ndani la, mbi yeke ga ande ti mû lê ti kobe ti mbi na ngoi ti kongo lê ti kobe, nga na fini vin ti mbi na ngoi ti sarango vin.+ Mbi yeke gboto na terê ti lo bongo ti kuä ti terê ti taba nga na lin so lo yü ni ti honde na terê ti lo so. 10  Ti fadeso, mbi yeke fa terê ti lo senge na gigi na lê ti andeko ti lo ni, na mbeni zo ayeke zi lo na maboko ti mbi pëpe.+ 11  Mbi yeke sara si ngia ti lo kue, so ti tene amatanga ti lo,+ afini nze ti lo, asabbat ti lo nga na angoi ti matanga ti lo kue, ahunzi. 12  Mbi yeke buba akeke ti vigne na akeke ti figue ti lo, so lo sara tënë ni, lo tene: “So ayeke futa so andeko ti mbi amû na mbi la.” Mbi yeke sara si aye so aga gbako, na anyama ti ngonda ayeke te ni. 13  Mbi yeke hunda lo na ndö ti ye so lo sara na ngoi so lo mû asandaga na ayanda ti Baal,+ na ngoi so lo yü abague nga na aye ti baba, na lo yeke kpe na peko ti andeko ti lo. Zo so lo girisa lo lani ayeke mbi,’+ tënë ti yanga ti Jéhovah la. 14  ‘Mbi yeke woko ande bê ti lo, mbi yeke gue na lo na yâ ti benyama nga mbi yeke gi ti ndu bê ti lo. 15  Ti londo na ngoi ni so, mbi yeke kiri na lo ayaka ti vigne ti lo,+ nga lo yeke hon na yâ ti Popo-hoto* ti Akor+ ti si na ndo so lo zia bê ti lo dä. Kâ, lo yeke kiri tënë na mbi, tongana ti so lo sara na lâ ti maseka ti lo, nga tongana ti so lo sara na ngoi so lo sigi lani na Égypte.+ 16  Jéhovah atene: ‘Na ngoi ni so, mo yeke iri ande mbi Koli ti mo, me mo yeke iri mbi pëpe Maître ti mo.’* 17  ‘Mbi yeke zi iri ti astatue ti Baal na yanga ti lo,+ na azo ayeke dabe ti ala na iri ti astatue ni encore ape.+ 18  Na ngoi ni so, mbi yeke te mbele na anyama ti ngonda ndali ti ala.+ Mbi yeke te nga mbele na andeke ti nduzu nga na anyama so ayeke hara na sese.+ Mbi yeke zi kokora, épée nga na bira na yâ ti kodro ni,+ nga mbi yeke sara si ala lango* na siriri.+ 19  Mbi yeke mû mo si mo ga wali ti mbi biani biani; mbi yeke mû mo na lege ti mbilimbili, ti tâ ndoye nga na nzoni bê.+ 20  Mbi yeke mû mo ti ga wali ti mbi, na mbi yeke ngbâ be-ta-zo na mo. Mbi, Jéhovah, mo yeke hinga mbi ande nzoni.’+ 21  Jéhovah atene: ‘Na lango ni so, mbi yeke kiri tënë na mo. Mbi yeke mû na yayu ye so lo ye, nga yayu ayeke mû na sese ye so lo ye.+ 22  Sese ayeke mû na alê ti kobe, fini vin nga na mafuta ye so ala ye, nga aye ni so ayeke mû na Jizréel*+ ye so lo ye. 23  Mbi yeke lu lo na sese tongana lê ti kobe ti mbi.+ Mbi yeke sara nzoni bê na lo so a sara nzoni bê na lo pëpe so.* Mbi yeke tene na azo so ayeke azo ti mbi pëpe,* mbi tene: “Ala yeke azo ti mbi.”+ Nga ala yeke tene na mbi: “Mo yeke Nzapa ti e.”’”+

Kete tënë

Bâ kete tënë ti Os 1:9.
Bâ kete tënë ti Os 1:9.
Wala “lango-sioni; gingo akoli nde nde.”
Wala “lango-sioni; mama ti ala agi akoli nde nde.”
Wala “lango-sioni (lo gi akoli nde nde).”
Wala “Kpangbala ndo.”
Wala “Baal ti mbi.”
Wala “zia si ala duti.”
Ndani aye ti tene “Nzapa ayeke lu ngongoa.”
Bâ kete tënë ti Os 1:6.
Bâ kete tënë ti Os 1:9.