Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Néhémie 1:1-11

LI TI ATËNË NI

  • Sango so a mû na ndö ti Jérusalem (1-3)

  • Néhémie asambela (4-11)

1  Tënë ti yanga ti Néhémie*+ molenge ti Hacaliah: A yeke lani na nze ti Kislev,* na yâ ti ngu 20* ni na ngoi so mbi yeke na Suse,+ gbata ti gbia.*  Na ngoi ni so, Hanani+ so ayeke mbeni oko ti aita ti mbi, lo na ambeni koli, alondo na Juda aga. Mbi hunda ala na ndö ti tanga ti aJuif so a gue na ala ândö na ngbâa+ si ala kiri na Jérusalem so; mbi hunda ala nga na ndö ti Jérusalem.  Ala tene na mbi: “Tanga ti aJuif so alondo na ngbâa akiri si ayeke kâ na yâ ti kodro-komanda ti Juda so ala yeke na yâ ti pasi nga na yâ ti kamene.+ A kungbi gbagba ti Jérusalem na sese+ na wâ agbi ayanga ti gbagba ni kue.”+  Gï so mbi mä tënë ni so, mbi duti na mbi komanse ti toto; na yâ ti alango mingi mbi ngbâ gï ti sara mawa, ti mû jeûne+ nga ti sambela na gbele Nzapa ti yayu.  Mbi tene: “Jéhovah, Nzapa ti yayu, mo so mo yeke kota Nzapa so amû mbeto mingi na zo, mo Nzapa so mo yeke sara ye alingbi na mbele ti mo nga mo yeke fa tâ ndoye na azo so aye mo na so ayeke bata acommandement ti mo,+  zia mo dengi mê ti mo nga mo bâ ndo na mbage ti wakua ti mo ti mä sambela so mbi yeke sara na gbele mo laso so. Bï na lâ+ mbi yeke sambela ngbanga ti awakua ti mo azo ti Israël, mbi fa na gigi asiokpari kue so azo ti Israël asara na terê ti mo. E sara siokpari awe, mbi na ahale ti akotara ti mbi.+  E sara sioni na terê ti mo+ na lege so e bata pëpe acommandement, andia nga na ambela so mo mû lani na wakua ti mo Moïse.+  “Mbi voro mo, mo dabe ti mo na tënë so mo tene lani na lege ti wakua ti mo Moïse, mo tene: ‘Tongana ala sara ye na lege ni pëpe, fade mbi yeke kangbi ala kirikiri na popo ti amara nde.+  Me tongana ala kiri na mbage ti mbi, ala bata acommandement ti mbi nga ala sara ye alingbi na ni, atâa so ala gue kirikiri na popo ti amara nde juska na nda ti yayu kâ, fade mbi bungbi ala+ kâ mbi ga na ala na ndo so mbi soro ti zia iri ti mbi dä.’+ 10  Ala yeke awakua ti mo nga azo ti mo, ala so mo zi ala na lege ti kota ngangu ti mo nga na lege ti maboko ti mo so ayeke ngangu mingi.+ 11  Jéhovah, mbi voro mo, dengi mê ti mo, mo mä sambela ti wakua ti mo nga na sambela ti awakua ti mo so anzere na bê ti ala ti sara mbeto ti iri ti mo, mo sara si ye aga nzoni na wakua ti mo laso, nga mo sara si gbia abâ mawa ti mbi.”+ Andâ kua ti mbi lani ayeke ti mû sämba na gbia.+

Kete tënë

Ndani aye ti tene “Jah adë bê ti zo.”
Bâ na B15.
So ti tene na yâ ti ngu 20 ti komandema ti Artaxerxès I, gbia ti Perse.
Wala “yangbo ti gbia; gbata so ayeke na yâ ti ngangu gbagba.”