Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Michée 6:1-16

LI TI ATËNË NI

  • Nzapa ayeke na ngbanga na Israël (1-5)

  • Nyen la Jéhovah ahunda nyen? (6-8)

    • Ye so ayeke mbilimbili, tâ ndoye nga sarango terê kete (8)

  • Faute ti Israël nga punition ti lo (9-16)

6  Ala mä tënë so Jéhovah ayeke tene so. Ala londo, ala gue agbu koko ti ala wani na gbele ahoto, na zia si akete hoto amä go ti ala.+   Ala ahoto, ala mä tënë ti ngbanga so Jéhovah ayeke na ni na terê ti ala, ala agere ti sese so aluti ngangu,+ ndali ti so Jéhovah ayeke na mbeni ngbanga na azo ti lo; lo yeke sara tënë ande na terê ti azo ti Israël, lo tene:+   “Azo ti mbi, nyen la mbi sara na ala nyen? Nyen la mbi sara si awoko ngangu ti ala nyen?+ Ala fa na mbi sioni so mbi sara.   Mbi sigi na ala lani na kodro ti Égypte,+ mbi zi ala na ndo so lani ala sara ngbâa dä;+ mbi tokua Moïse, Aaron na Miriam ti fa lege na ala.+   Azo ti mbi, ala dabe ti ala na ye ti sioni so Balak, gbia ti Moab,+ aleke lani na bê ti lo ti sara ni, nga na tënë so Balaam molenge ti Béor akiri na ni na lo.+ Ala dabe ti ala na aye so asi lani na ndö ti lege ti Sittim+ juska ti si na Guilgal,+ tongaso si ala lingbi ti hinga aye ti mbilimbili so Jéhovah asara.”   Nyen la mbi yeke mû ande ti gue na ni na gbele Jéhovah nyen? Nyen la mbi yeke gue na ni ti kuku na gbele Nzapa ti nduzu nyen? Mbi yeke gue na gbele lo na sandaga so a zö ni agbi kue? Mbi yeke gue na gbele lo na akete koli-bagara ti ngu oko?+   Bê ti Jéhovah ayeke duti na ngia ndali ti akoli-taba saki na saki? wala ndali ti gbâ ti mafuta so asua tongana kota ngu?+ Mbi yeke mû ande kozo molenge ti mbi ti koli na place ti kpengba-li so mbi sara? Mbi mû molenge ti yâ ti mbi ndali ti siokpari so mbi sara?*+   Mo zo, lo fa na mo ye so ayeke nzoni awe. Nyen la Jéhovah ahunda na mo ti sara?* Ye so lo hunda na mo ayeke gï ti sara ye so ayeke mbilimbili,*+ ti bâ tâ ndoye na nene ni,*+ nga ti tambela na Nzapa ti mo+ na sarango terê ti mo kete!+   Jéhovah adekongo na azo ti gbata ni; ala so ayeke sara ye na ndara ayeke sara ande mbeto ti iri ti mo. 2Ala dengi mê na totongo ti keke so a yeke punir na zo, nga na zo so afa lege na ni.+ 10  Eskê amosoro so azo ti sioni awara na lege ti ye ti likisi angbâ na yâ ti da ti ala? Wala épha* ti hakango na ye so ayeke na lege ni pëpe si azo ake ni angbâ na yâ ti da ti azo ti sioni? 11  Tongana akilo so mbi yeke pesé na aye ayeke na lege ni pëpe, nga tongana mbi yeke na awen ti kilo ti likisi na yâ ti bozo ti mbi, eskê mbi yeke sara ye na lege ni la?*+ 12  Azo ti mosoro ti gbata ni ayeke azo so sarango ye ti ngangu na ambeni zo ahon ndö ti ala, azo so asara kodro na yâ ti gbata ni ayeke tene mvene.+ Tënë ti handango zo asi singo na yanga ti ala.+ 13  “Ni la, mbi yeke pika mo ande si mbi zia kä na terê ti mo;+ ndali ti asiokpari ti mo, mbi yeke sara si ye oko angbâ na mo pëpe. 14  Mo yeke te ye me yâ ti mo ayeke si pëpe. Ye oko ayeke duti na yâ ti mo pëpe.+ Aye so mo yeke zi ti gue ti bata na mbeni ndo, mo yeke wara lege ti hon na ni pëpe; ati so mo wara lege ti hon na ni so, mbi yeke zia si awato ti mo amû ni. 15  Mo yeke lu alê ti kobe, me mo yeke ko alengo ni pëpe. Mo yeke dö ande alê ti olive ti sara na mafuta, me mo yeke sara mbeni ye na mafuta ni pëpe. Mo yeke sara fini vin, me mo yeke nyon vin ande pëpe.+ 16  Ala yeke mû peko ti ayanda ti Omri nga na asarango ye kue ti azo ti da ti Achab,+ na ala sara gï aye so azo so atene na ala. Ndani la mbi yeke sara si mo ga mbeni ye so amû mbeto na azo, azo ti gbata so ayeke ga mbeni ye so azo ayeke hûru yanga ti ala ndali ni.+ Azo ayeke he ala hengo.”+

Kete tënë

Wala “ndali ti siokpari ti âme ti mbi.”
Wala “ahunda na mo ti sara na pekoni.”
Wala “ti sara ye na lege ni.”
Wala “ti duti na nzoni bê nga na tâ ndoye.” Na Hébreu: “ti ye tâ ndoye.”
Bâ na B14.
Wala “tënë ayeke na li ti mbi pëpe.”