Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Michée 5:1-15

LI TI ATËNË NI

  • Mbeni mokonzi so ayeke duti kota na ndö ti sese kue (1-6)

    • Mokonzi ni ayeke sigi ande na Bethléhem (2)

  • Mbeni tanga ti azo ayeke duti tongana ngu ti pere nga tongana bamara (7-9)

  • A yeke zi sioni ye na yâ ti kodro ni (10-15)

5  “Mo gbata so a ga ti sara bira na mo, mo wani mo yeke suru terê ti mo na kä; ala monté sese aga koto angoro mo kue.+ Ala mû keke ala pika na ngbangba ti juge ti Israël.+   Ti mo, Bethléhem Éphrathah,+ mo so mo yeke kete mingi ti tene a diko mo na popo ti azo saki na saki* ti Juda, mbeni zo ayeke sigi ande na yâ ti mo ti ga mokonzi na Israël ndali ti mbi,+ zo ni so abâ gigi ândö giriri, yongoro kâ.   Ndani la, Nzapa ayeke dö ande ala ti zia juska na ngoi so wali so ayeke na ngo adü. Na pekoni, tanga ti aita ti mokonzi ni so ayeke kiri ande na mbage ti azo ti Israël.   Mokonzi ni ayeke londo ti luti, na lo yeke fa lege na ataba ni na ngangu ti Jéhovah,+ nga na lege ti iri so ayeke kota mingi, iri ti Jéhovah Nzapa ti lo. Ala yeke duti ande na yâ ti siriri,+ ndali ti so kota ti lo ayeke si juska na nda ti sese kue.+   Lo yeke ga ande ti zia siriri.+ Tongana zo ti Assyrie aga alï na ngangu na kodro ti e si lo tambela na ndö ti angangu tour ti e,+ e yeke tokua na terê ti lo aberger mbasambala, même amokonzi* miombe, so alondo na popo ti azo.   Ala yeke komande ande kodro ti Assyrie na épée,+ nga na ayanga ti gbagba ti lingo na yâ ti kodro ti Nimrod.+ Mokonzi ni so ayeke zi e ande na maboko ti zo ti Assyrie,+ na ngoi so zo ti Assyrie ayeke ga ti mû kodro ti e si lo tambela na ndö ti sese ni.   Tanga ti azo ti Jacob so angbâ ayeke duti ande na popo ti amara mingi, tongana ngu ti pere so alondo na Jéhovah, tongana ngu-nzapa so apika na ndö ti apere, so azia bê ti ala na ndö ti zo pëpe wala so aku amolenge ti azo pëpe ti mû maboko na ala.   Tanga ti azo ti Jacob so angbâ ayeke duti ande na popo ti amara, ala yeke duti na popo ti azo ti amara mingi, tongana bamara na popo ti anyama ti ngonda, tongana bamara so akono awe* na popo ti gbâ ti ataba, lo yeke hon na popo ti ala, lo yeke dö ala na gere si lo yeke suru yâ ti ala kete kete; mbeni zo oko ti zi ala na maboko ti lo ayeke dä pëpe.   Maboko ti mo ayeke londo na nduzu ti fa so mo sö benda awe na ndö ti awato ti mo, na a yeke futi ande awato ti mo kue.” 10  Jéhovah atene: “Na lango ni so, mbi yeke fâ ande ambarata ti mo so ayeke na yâ ti kodro ti mo, na mbi yeke futi apuse ti mbarata ti mo. 11  Mbi yeke futi ande agbata ti kodro ti mo, nga mbi yeke kungbi na sese ando ti mo kue so ayeke na yâ ti angangu gbagba. 12  Mbi yeke sara si sarango yorö so mo yeke sara* so ahunzi. Zo so ayeke sara magie, a yeke wara lo na yâ ti mo pëpe.+ 13  Mbi yeke futi ande ayanda ti mo so a leke ni na kode nga na ayanda ti tênë so ayeke na yâ ti mo; mo yeke kuku encore ape na devant ti aye so mo wani mo sara na maboko ti mo so.+ 14  Mbi yeke gboto ande ayongoro yanda*+ ti mo so ayeke na yâ ti agbata ti mo so na mbi yeke futi agbata ti mo ni biani biani. 15  Na ngonzo nga na kota ngonzo, mbi yeke kiri na amara peko ti ye so ala sara, amara so ake ti mä yanga so.”

Kete tënë

Wala “agroupe ti mara.”
Wala “azo so ayeke mû li ni.”
Wala “koli-bamara so akono awe.”
Na Hébreu: “sarango yorö so ayeke na maboko ti mo.”