Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Lévitique 9:1-24

LI TI ATËNË NI

  • Aaron amû asandaga ndali ti kua ti prêtre (1-24)

9  Na lango miombe ni,+ Moïse airi Aaron na amolenge ti lo ti koli nga na a-ancien ti Israël.  Lo tene na Aaron: “Mû kete koli-bagara ti sandaga ndali ti siokpari ti mo wani+ nga na koli-taba ti mungo na sandaga so a zö ni agbi kue, so sioni ye ayeke na terê ti ala pëpe, mo ga na ala na gbe ti Jéhovah.  Me mo tene na azo ti Israël, mo tene: ‘Ala ga na koli-ngasa ti mû na sandaga ndali ti siokpari; ala ga nga na kete koli-bagara na kete koli-taba ti tene a mû na sandaga so a zö ni agbi kue, anyama so ayeke na ngu oko nga so sioni ye ayeke na terê ti ala pëpe.  Ala ga nga na koli-bagara na koli-taba ti sandaga ti beoko+ ti mû na sandaga na gbe ti Jéhovah, nga na sandaga ti lê ti kobe+ so a mélangé ni na mafuta, ndali ti so laso Jéhovah ayeke fa terê ti lo na ala.’”+  Tongaso, ala ga na aye so Moïse ahunda na devant ti tente ti bungbi. Na pekoni, azo ni kue apusu nduru, ala luti na devant ti Jéhovah.  Moïse atene: “So ayeke ye so Jéhovah amû yanga ti tene ala sara, si Jéhovah afa gloire ti lo na ala.”+  Moïse atene na Aaron: “Gue nduru na gbalaka ni, mo mû na sandaga nyama so mo ga na ni ti mû na sandaga ndali ti siokpari+ nga na nyama so mo ga na ni ti mû na sandaga so a zö ni agbi kue, na mo sara si a zi siokpari ti mo+ na ti afami ti mo kue; na pekoni mo mû sandaga ndali ti azo ni+ si a zi siokpari ti ala,+ a lingbi na yanga so Jéhovah amû.”  Aaron ague hio na terê ti gbalaka ni, lo fâ kete koli-bagara ti mungo na sandaga ndali ti siokpari ti lo.+  Na pekoni, amolenge ti Aaron aga na mênë ni+ na lo, lo yôro li ti maboko ti lo na yâ ni, lo zia ni na terê ti adidi ti gbalaka ni; tanga ti mênë ni, lo tuku na gere ti gbalaka ni.+ 10  Lo mû mafuta ti nyama ti sandaga ndali ti siokpari, arognon ni nga na aye so ayeke na terê ti foie, lo zö ni na ndö ti gbalaka, a lingbi na yanga so Jéhovah amû na Moïse.+ 11  Lo gbi kasa ti nyama ni nga na poro ti terê ti lo na gigi ti camp.+ 12  Na pekoni, Aaron afâ nyama ti mungo na sandaga so a zö ni agbi kue, na amolenge ti lo amû na lo mênë ni, lo fi ni na terê ti gbalaka ni kue.+ 13  Ala mû na lo nyama ni so a fâ yâ ni so nga na li ni, na lo zö ni na ndö ti gbalaka. 14  Nga, lo sukula akamba ti yâ ni na angbongo ni, lo zia ni na ndö ti gbalaka na ndö ti nyama ti sandaga so a zö ni agbi kue. 15  Na pekoni, lo ga na nyama ti sandaga ti azo ni: lo mû ngasa ti sandaga ndali ti siokpari, lo fâ lo, lo mû ni na sandaga ndali ti siokpari ti ala; lo sara ni gï tongana ti so lo sara na kozo nyama ni. 16  Lo ga na nyama ti mungo na sandaga so a zö ni agbi kue, lo sara na lo tongana ti so a yeke sara ka.+ 17  Lo ga fadeso na sandaga ti lê ti kobe,+ lo fu ni a si yâ ti maboko ti lo oko, lo zö ni nga na ndö ti gbalaka na terê ti sandaga so a zö ni agbi kue, so lo zö ni na ndapre ni.+ 18  Na pekoni, Aaron afâ koli-bagara nga na koli-taba ti sandaga ti beoko so azo ni aga na ni. Amolenge ti lo amû na lo mênë ni, lo fi ni na terê ti gbalaka ni kue.+ 19  Âdu ti mafuta ti koli-bagara ni,+ damba ti koli-taba ni so ayeke gï mafuta mafuta, mafuta so ayeke na ndö ti aye ti yâ ti ala, arognon nga na aye so ayeke na terê ti foie,+ 20  amolenge ti Aaron azia ni kue na ndö ti akate ti anyama ni, na pekoni lo zö mafuta ni na ndö ti gbalaka.+ 21  Me akate ni nga na agere ni ti mbage ti koli, Aaron ayengi ni mbage na mbage na sandaga na gbele Jéhovah, a lingbi na yanga so Moïse amû.+ 22  Na peko ti so Aaron amû asandaga ni awe, sandaga ndali ti siokpari, sandaga so a zö ni agbi kue nga na sandaga ti beoko, lo yô maboko ti lo na nduzu na mbage ti azo ni, lo iri tënë nzoni na ndö ti ala,+ lo londo na terê ti gbalaka ni lo descend na sese. 23  Ti hunzi na ni, Moïse na Aaron alï na yâ ti tente ti bungbi, ala sigi, na ala iri tënë nzoni na ndö ti azo ni.+ Fadeso Jéhovah afa gloire ti lo na lê ti azo ni kue,+ 24  na wâ alondo na Jéhovah+ aga agbi nyama ni nga na mafuta so a zö ni na ndö ti gbalaka. Na ngoi so azo ni kue abâ ye ni so, ala dekongo na ngia, ala kuku, ala kpo li ti ala na sese.+

Kete tënë