Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Lévitique 24:1-23

LI TI ATËNË NI

  • Mafuta ndali ti alampe ti tabernacle (1-4)

  • Amapa ti ziango na gbele Nzapa (5-9)

  • A bo na tênë zo so azonga iri ti Nzapa (10-23)

24  Jéhovah atene na Moïse, atene:  “Mû yanga na azo ti Israël si ala ga na mo mafuta so a mélangé ni pëpe, mafuta ti lê ti olive so a pika ni si asigi, ti tuku na yâ ti alampe ni, si alampe ni aza lakue.+  Aaron ayeke leke si alampe ni aza na gbele Jéhovah na yâ ti tente ti bungbi, na gigi ti rideau so ayeke nduru na sanduku ti Témoin, na lakui juska na ndapre. Mbela so ayeke ngbâ aninga teti ala nga na ahale ti ala na yâ ti angoi nde nde so ayeke ga.  Lo yeke leke alampe ni nzoni na gbele Jéhovah lakue; lo yeke leke ni na ndö ti ye ti yongo lampe+ so a sara ni na lor ti nzoni ni.  “Mo mû pendere farine, mo sara mapa 12 so ayeke ronde ronde. Mo yeke mû farine so alingbi dixième use ti épha* si mo sara na mapa oko oko.  Mo yeke dö amapa ni na ndö ti terê na gbele Jéhovah na ndö ti table so a sara lor ti nzoni ni+ na terê ni; mapa omene na mbage, omene na mbage.+  Mo yeke tuku pendere vuru dukane na ndö ti amapa ni so a dö ni na ndö ti terê so; a yeke bâ dukane ni tongana sandaga ni kue,*+ sandaga so a zö ni na Jéhovah.  Na lango ti Sabbat oko oko, a yeke leke ni nzoni na gbele Jéhovah lakue.+ A yeke mbeni mbele so ayeke ngbâ aninga na popo ti mbi na azo ti Israël.  Mapa ni ayeke ga ti Aaron na amolenge ti lo ti koli,+ na ala yeke te ni na mbeni place so ayeke nzoni-kue,+ ndali ti so a yeke mbeni ye so ayeke nzoni kue kue kue so a zi na yâ ti asandaga so a zö na Jéhovah si a mû na prêtre. So ayeke mbeni ndia so ayeke ngbâ aninga.” 10  Na popo ti azo ti Israël, mbeni molenge-koli ayeke dä so mama ti lo ayeke zo ti Israël, me babâ ti lo ayeke zo ti Égypte.+ Lo na mbeni koli so ayeke zo ti Israël atiri na yâ ti camp ni. 11  Molenge ti wali ti Israël so azonga iri ti Nzapa,* nga lo deba* ni.+ Tongaso, ala ga na lo na devant ti Moïse.+ Iri ti mama ti lo ayeke Shélomith, molenge ti Dibri so lo yeke mbeni hale ti Dan. 12  Ala bata lo juska ala mä tënë ti Jéhovah na ndö ni si.+ 13  Jéhovah atene na Moïse, atene: 14  “Zo so azonga iri ti mbi so, mo sigi na lo na gigi ti camp ni; azo kue so amä zonga ni ayeke zia maboko ti ala na li ti lo, na azo ni kue ayeke bo lo.+ 15  Mo tene na azo ti Israël, mo tene: ‘Tongana mbeni zo azonga Nzapa ti lo, lo yeke kiri tënë ndali ti siokpari ti lo. 16  Tongaso, zo so azonga iri ti Jéhovah, ala fâ lo.+ Azo ni kue ayeke bo lo. Atâa a yeke wande so asara kodro na ala wala molenge ti Israël si azonga iri ti Nzapa, ala fâ lo. 17  “‘Tongana mbeni zo afâ zo,* ala fâ lo.+ 18  Zo so apika mbeni nyama ti mba ti lo na lo fâ lo, lo yeke mû mbeni ye na place ni, fini na place ti fini.* 19  Tongana mbeni zo asara mbeni ye ti kpale na terê ti mba ti lo, gï oko ye so lo sara na mba ti lo ni la a yeke sara na lo.+ 20  Bio na place ti bio, lê na place ti lê, pembe na place ti pembe; oko kpale so zo ni asara si mba ti lo awara, gï oko kpale so la a yeke sara na lo.+ 21  Zo so apika mbeni nyama so mba ti lo abata si lo fâ lo, lo yeke futa ye na place ti nyama ni,+ me zo so afâ zo, ala fâ lo.+ 22  “‘Ndia ayeke oko ndali ti ala kue, atâa wande wala zo ti Israël,+ ndali ti so mbi yeke Jéhovah Nzapa ti ala.’” 23  Na pekoni, Moïse asara tënë na amolenge ti Israël, na ala sigi na zo so azonga iri ti Nzapa ni so na gigi ti camp ni, ala bo lo.+ Azo ti Israël asara gï tongana ti so Jéhovah atene na Moïse.

Kete tënë

Dixième use ti épha ayeke litre 4,4. Bâ na B14.
Wala “tongana ye ti dango bê na sandaga ni kue.”
So ti tene iri Jéhovah, tongana ti so a fa ni na versê 15 na 16.
Wala “iri sioni na ndö.”
Wala “apika mbeni âme si âme ni akui.”
Wala “âme na place ti âme.”