Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Lévitique 19:1-37

LI TI ATËNË NI

  • Andia nde nde na ndö ti dutingo nzoni-kue (1-37)

    • Kongo lê ti kobe na lege ni (9, 10)

    • Nengo azo ti kangango mê nga na awaziba (14)

    • Pango zo (16)

    • Bata ngonzo na terê ti zo ape (18)

    • A ke sarango magie nga sarango yorö (26, 31)

    • A ke kpongo nzoroko na terê ti zo (28)

    • Nengo ambakoro (32)

    • Sarango ye na mbage ti awande (33, 34)

19  Jéhovah akiri asara tënë na Moïse, atene:  “Tene na azo ti Israël kue, mo tene: ‘Ala ga nzoni-kue, ngbanga ti so mbi Jéhovah Nzapa ti ala, mbi yeke nzoni-kue.+  “‘A yeke nzoni ala oko oko ane* babâ na mama ti ala,+ nga ala bata asabbat ti mbi.+ Mbi yeke Jéhovah Nzapa ti ala.  Ala gi pëpe ti tene anzapa so ayeke ye oko pëpe amû maboko na ala;+ ala mû wen ala leke na anzapa pëpe.+ Mbi yeke Jéhovah Nzapa ti ala.  “‘Tongana ala ye ti mû na Jéhovah sandaga ti beoko,+ a yeke nzoni ala mû ni na mbeni lege so asara si ala nzere na lê ti lo.+  Ala te ni na lango so ala mû sandaga ni nga na ndade ni; me tanga ti ye so angbâ juska na ota lango ni, a gbi ni.+  Me tongana a te ni na ota lango ni, andâ a te mbeni ye so ayeke ye ti sioni mingi. Sandaga ni so ayeke nzere na lê ti Nzapa pëpe.  Zo so ate ni ayeke kiri ande tënë ndali ti faute ti lo, ndali ti so lo buba nengo ti ye so a zia ni nde ndali ti Jéhovah; ala fâ zo* ni so.  “‘Tongana ala yeke ko alê ti kobe ti yaka ti ala, mo ko ati so ayeke na yanga ti yaka ni kue pëpe; tanga ti alê ti kobe so angbâ* na lê ti yaka ni, mo kiri mo ro ni pëpe.+ 10  Mo ko pëpe tanga ti alê ti vigne ti mo so angbâ na lê ti yaka ni; nga alê ti vigne ti mo so atuku na sese, mo ro ni pëpe. Mo zia ni na awayere+ nga na awande so asara kodro na mo. Mbi yeke Jéhovah Nzapa ti ala. 11  “‘Ala nzi ye pëpe,+ ala handa zo pëpe+ nga ala sara ye ti likisi na mba ti ala pëpe. 12  Ala deba ti mvene na iri ti mbi pëpe,+ tongaso si iri ti mbi Nzapa ti ala abuba pëpe. Mbi yeke Jéhovah Nzapa ti ala. 13  Mo mû ye ti mba ti mo na likisi pëpe,+ nga mo nzi ye pëpe.+ Zo so mo mû lo na kua, mo zia futa ti lo angbâ na mo juska na ndapre pëpe.+ 14  “‘Mo deba* zo ti kangango mê pëpe, nga zo so lê ti lo abuba, mo zia mbeni ye ti pikango gere na devant ti lo pëpe;+ mo kpe mbeto ti Nzapa ti mo.+ Mbi yeke Jéhovah Nzapa ti mo. 15  “‘Ala fâ ngbanga ti kirikiri pëpe. Mo mû mbage ti wayere pëpe gï ndali ti so lo yeke wayere, nga mo mû mbage ti zo ti mosoro pëpe.+ Mo fâ ngbanga ti mba ti mo na lege ni. 16  “‘Mo fono na popo ti azo na tënë ti pango zo pëpe.+ Mo zia fini* ti mba ti mo na lê ti kuâ pëpe.*+ Mbi yeke Jéhovah Nzapa ti mo. 17  “‘Mo ke ita ti mo na yâ ti bê ti mo pëpe.+ A lingbi mo gboto mê ti mba ti mo,+ si mo na lo ayô siokpari ti lo pëpe. 18  “‘Tongana zo asara sioni na mo, mo kiri na ni na lo pëpe,+ nga mo bata ngonzo na terê ti zo pëpe; mo ndoye mba ti mo tongana mo wani.+ Mbi yeke Jéhovah Nzapa ti mo. 19  “‘Ala bata andia ti mbi: Mo sara si nyama ti mo so mara ti lo ayeke nde adü pëpe na mbeni nyama ti mo so mara ti lo ayeke nde. Mo lu mara ti lê ti kobe use na yâ ti oko yaka pëpe,+ nga bongo so a bungbi aye use so ayeke nde nde si a sara na ni, mo yü ni pëpe.+ 20  “‘Tongana mbeni wali ayeke ngbâa, na mbeni koli aye ti mû lo me ade a futa ye ti zi lo pëpe wala ade a zi lo pëpe, si mbeni koli nde abungbi na lo, a lingbi a punir ala, me a fâ ala pëpe, ndali ti so ade ti zi wali ni na ngbâa pëpe. 21  Koli so abungbi na lo ayeke ga ande na koli-taba ti mû na sandaga ti zingo tënë na li ti lo; lo ga na ni na Jéhovah na yanga ti tente ti bungbi.+ 22  Prêtre ayeke mû koli-taba ni so lo ga na ni na gbele Jéhovah, lo sara si a zi siokpari ti koli ni; na a yeke pardonné lo ndali ti siokpari so lo sara. 23  “‘Tongana ala lï na sese ni awe, na ala lu akeke so a yeke te lê ni, ala bâ akozo lengo ni tongana mbeni ye so ayeke sioni, so a ke na azo ti te.* Na yâ ti akozo ngu ota ni, a ke na ala ti te ni.* Ala te ni pëpe. 24  Me na osio ngu ni, alê ti keke ni kue ayeke ga aye so a zia ni nde ndali ti Jéhovah na yâ ti kota matanga.+ 25  Na oku ngu ni, ala te alê ti keke ni senge, na sese ni ayeke lë ande gbani na ala. Mbi yeke Jéhovah Nzapa ti ala. 26  “‘Ye so mênë ayeke dä, ala te ni pëpe.+ “‘Ala bi zeke pëpe, nga ala sara magie pëpe.+ 27  “‘Ala fâ* kuä ti terê ti li ti ala pëpe, nga kuä ti yanga ti ala, ala fâ yanga ni kirikiri pëpe.+ 28  “‘Ala suru terê ti ala na kä pëpe ndali ti mbeni zo* so akui,+ nga ala kpo anzoroko na terê ti ala pëpe. Mbi yeke Jéhovah Nzapa ti ala. 29  “‘Mo bi nengo ti molenge ti mo ti wali na sese pëpe na sarango si lo ga wali-ndumba,+ si azo ti sese ni asara lango-sioni pëpe nga sese ni asi singo na asioni sarango ye pëpe.+ 30  “‘Ala bata asabbat ti mbi,+ nga ala ne* place ti mbi so ayeke nzoni-kue. Mbi yeke Jéhovah Nzapa ti ala. 31  “‘Ala gue pëpe na azo ti sarango tënë na yingo ti akuâ,+ nga azo ti fango aye so ayeke si ande na zo, ala gue abâ ala pëpe,+ si ala ga sioni pëpe. Mbi yeke Jéhovah Nzapa ti ala. 32  “‘Tongana mo yeke na devant ti mbeni zo so li ti lo avuru, londo na nduzu;+ kpe ambakoro,+ nga mo kpe mbeto ti Nzapa ti mo.+ Mbi yeke Jéhovah Nzapa ti mo. 33  “‘Tongana mbeni wande asara kodro na ala, ala sara pasi na lo pëpe.+ 34  Ala bâ wande so asara kodro na ala tongana molenge ti kodro;+ nga mo ye lo tongana ti so mo ye na terê ti mo wani, ndali ti so ala yeke ândö awande na kodro ti Égypte.+ Mbi yeke Jéhovah Nzapa ti ala. 35  “‘Atâa a yeke yongo ti ye wala nengo ti ye wala ye so ayeke ngu, ala haka ni na lege ni.+ 36  A lingbi kilo, wala wen* ti ndö ti kilo wala ye ti hakango na ye so ayeke ngu* wala ayeke ngu pëpe* aduti ambilimbili ni.+ Mbi yeke Jéhovah Nzapa ti ala, lo so asigi na ala na Égypte. 37  Tongaso, ala bata andia ti mbi kue nga na ambela ti mbi kue, na ala sara ye alingbi na ni.+ Mbi yeke Jéhovah Nzapa ti ala.’”

Kete tënë

Na Hébreu: “akpe mbeto ti.”
Wala “âme.”
Wala “ye so angbâ.”
Wala “iri sioni na ndö ti.”
Na Hébreu: “mênë.”
A lingbi nga ti tene “Tongana fini ti mba ti mo ayeke na yâ ti kpale, mo bâ lo gï na lê pëpe.”
Na Hébreu: “ala bâ ni tongana pito so a fâ ni pëpe.”
Na Hébreu: “ade a fâ ni na ganza pëpe.”
Wala “leke.”
Wala “ndali ti mbeni âme.” Ge tënë ti Hébreu nèphèsh aye ti sara tënë ti zo so akui.
Wala “zia bê ti ala adö ndali ti.” Na Hébreu: “ala kpe mbeto ti.”
Wala “tênë.”
Na Hébreu: “hîn ti hakango na ye so ayeke na lege ni.” Bâ na B14.
Na Hébreu: “épha ti hakango ye so ayeke na lege ni.” Bâ na B14.