Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Lévitique 16:1-34

LI TI ATËNË NI

  • Lango ti pardonengo siokpari (1-34)

16  Na peko ti so amolenge ti Aaron use ti koli akui na ngoi so ala ga na gbele Jéhovah, Jéhovah asara tënë na Moïse.+  Jéhovah atene na Moïse: “Tene na ita ti mo Aaron ti lï kirikiri pëpe na Ndo so ayeke nzoni kue kue kue+ so ayeke na peko ti rideau,+ nga ti luti pëpe na devant ti ye ti kangango na yanga ti Sanduku ti mbele so ayeke na yanga ti Sanduku ni, si lo kui pëpe,+ ndali ti so mbi yeke sigi na yâ ti mbinda+ na ndö ti ye ti kangango na yanga ti Sanduku ni.+  “Aye so Aaron ayeke ga na ni na ngoi so lo lï na Ndo so ayeke nzoni kue kue kue ayeke so: kete koli-bagara ti mungo na sandaga ndali ti siokpari+ nga koli-taba ti mungo na sandaga so a zö ni agbi kue.+  Lo yeke yü yongoro bongo ti lin so ayeke ti sarango na kua ti Nzapa,+ nga lo yü culotte ti lin*+ na terê ti lo,* lo yeke kanga ceinture ti lin+ nga lo kanga turban ti lin na li ti lo.+ A yeke bongo so a zia ni nde ndali ti kua ti Nzapa la.+ Lo yeke sukula ngu+ si lo yü ni.  “Lo yeke mû akete koli-ngasa use na maboko ti azo ti Israël+ ti mû na sandaga ndali ti siokpari, nga na koli-taba oko ti mû na sandaga so a zö ni agbi kue.  “Aaron ayeke ga na koli-bagara ti mungo na sandaga ndali ti siokpari ti lo wani, na lo yeke sara si a zi siokpari ti lo+ nga na ti azo ti da ti lo.  “Lo yeke mû ande angasa use so, lo zia ala na gbele Jéhovah na yanga ti tente ti bungbi.  Aaron ayeke sara mbeni ye na iri ti angasa use so ti hinga ngasa wa la ayeke ndali ti Jéhovah, na ngasa wa la ayeke ndali ti Azazel.*  Aaron ayeke mû ande ngasa so+ ayeke ndali ti Jéhovah, lo mû lo na sandaga ndali ti siokpari. 10  Me ngasa so ayeke ndali ti Azazel, lo yeke zia lo na fini lê ti lo na gbele Jéhovah ti sara si na lege ti lo a lingbi ti zi asiokpari, na a tokua lo na yâ ti benyama ndali ti Azazel.+ 11  “Aaron ayeke ga na koli-bagara ti mungo na sandaga ndali ti asiokpari ti lo wani, na lo yeke sara si a zi siokpari ti lo nga na ti afami ti lo; na pekoni lo yeke fâ bagara ni ti mû na sandaga ndali ti asiokpari ti lo ni.+ 12  “Lo yeke mû ande ye ti ziango lê ti wâ dä,+ lo fû lê ti wâ na yâ ni asi, lê ti wâ ti gbalaka+ so ayeke na gbe ti Jéhovah; lo fû dukane so afun pendere asi yâ ti maboko ti lo use,+ na lo lï na aye so kue na peko ti rideau.+ 13  Lo yeke zia ande dukane so na lê ti wâ ni na gbe ti Jéhovah,+ na guru ti dukane ni ayeke mû ndö ti ye ti kangango na yanga ti Sanduku ti mbele+ so ayeke na yanga ti Témoin ni,+ si lo kui pëpe. 14  “Lo yeke yôro li ti maboko ti lo na yâ ti mênë ti koli-bagara ni,+ lo fi ni na devant ti ye ti kangango na yanga ti Sanduku ti mbele ni na mbage ti est, nga lo yeke fi mbeni mênë ni fani mbasambala na devant ti ye ti kangango na yanga ti Sanduku ni.+ 15  “Lo yeke fâ ande ngasa ti mungo na sandaga ndali ti siokpari ti azo ni,+ lo gue na mênë ni na peko ti rideau,+ na lo yeke fi mênë ti ngasa ni+ gï tongana ti so lo fi na mênë ti koli-bagara ni; lo yeke fi ni na devant ti ye ti kangango na yanga ti sanduku ni. 16  “Lo yeke sara si a zi sioni ye na terê ti Ndo so ayeke nzoni kue kue kue ndali ti aye so azo ti Israël asara so asara si ala ga sioni, akengo ndia ti ala nga na siokpari ti ala;+ lo yeke sara nga tongaso ndali ti tente ti bungbi so ayeke na popo ti azo ti Israël so ayeke sara aye so asara si ala ga sioni. 17  “Mbeni zo nde ayeke duti ande na yâ ti tente ti bungbi ni pëpe na ngoi kue so lo yeke na yâ ni ti sara si a zi siokpari. Lo yeke sara si a zi siokpari ti lo wani, ti afami ti lo+ nga na ti congrégation ti azo ti Israël kue.+ 18  “Lo yeke sigi, lo gue na terê ti gbalaka+ so ayeke na gbele Jéhovah na lo sara si a zi sioni ye na terê ti gbalaka ni; lo yeke mû ande mbeni mênë ti koli-bagara ni nga na ti ngasa ni, lo zia ni na terê ti adidi ti gbalaka ni kue. 19  Lo yeke yôro nga li ti maboko ti lo na yâ ti mênë ni, lo fi ni fani mbasambala na ndö ti gbalaka ni ti sara si a ngbâ lakue nzoni atâa aye so azo ti Israël asara so asara si ala ga sioni. 20  “Tongana lo hunzi ti sara si a zi sioni ye na terê ti+ Ndo so ayeke nzoni kue kue kue, tente ti bungbi nga na gbalaka ni,+ lo yeke mû nga ngasa so angbâ na fini, lo ga na lo.+ 21  Aaron ayeke zia ande maboko ti lo use kue na ndö ti li ti ngasa ni, lo fa na gigi afaute kue ti azo ti Israël, akengo ndia kue nga na siokpari kue so ala sara; lo zia aye so kue na li ti ngasa ni+ na lo zia lo na maboko ti mbeni koli so a soro lo ti gue na lo* na yâ ti benyama. 22  Koli ni ayeke gue na ngasa ni na yâ ti désert,+ na lo zi maboko na terê ti lo kâ, na ngasa ni ayô afaute ti ala ni kue+ ahon na ni.+ 23  “Na pekoni, Aaron ayeke lï na yâ ti tente ti bungbi, lo zi bongo ti lin so lo yü si lo lï na Ndo so ayeke nzoni kue kue kue so, lo zia ni kâ. 24  Lo yeke sukula ngu+ na mbeni place so ayeke nzoni-kue, na lo yü bongo ti lo;+ na pekoni lo gue lo mû sandaga so a zö ni agbi kue ndali ti lo wani+ nga ndali ti azo ni,+ lo sara si a zi siokpari ti lo wani nga na ti azo ni.+ 25  Lo yeke zö mafuta ti nyama ti sandaga ndali ti siokpari na ndö ti gbalaka. 26  “Koli so ague na ngasa ndali ti Azazel+ ayeke sukula bongo ti lo, lo sukula ngu, na pekoni lo kiri na yâ ti camp. 27  “Âdu ti koli-bagara ti sandaga ndali ti siokpari nga na ngasa ti sandaga ndali ti siokpari, so a gue fade na mênë ti ala na Ndo so ayeke nzoni kue kue kue ti sara si a zi siokpari so, a yeke gue na ala na gigi ti camp, na a gbi poro ti terê ti ala, nyama ti ala nga na puru ti ala kue.+ 28  Zo so agbi anyama so, lo yeke sukula bongo ti lo, lo sukula ngu, na pekoni lo lingbi ti kiri na yâ ti camp. 29  “Mbela so ala yeke sara ye alingbi na ni na yâ ti angoi mingi so ayeke ga ayeke so: Na nze mbasambala ni, na lango bale-oko ti nze ni, ala yeke sara pasi na terê ti ala wani,* ala yeke sara kua oko pëpe,+ atâa a yeke zo ti Israël wala wande so asara kodro na popo ti ala. 30  Na lango ni so, a yeke sara si a zi siokpari ti ala,+ tongaso si ala ga nzoni. A yeke zi siokpari ti ala kue na lê ti Jéhovah.+ 31  Lango ni so ayeke mbeni sabbat, lango ti tene ala wu terê ti ala; ala yeke sara pasi na terê* ti ala wani.+ A yeke mbeni mbela so ayeke ngbâ aninga. 32  “Prêtre ni, lo so a yeke tuku mafuta na li ti lo ti soro lo+ nga so a yeke zia lo na kua ti prêtre+ na peko ti babâ ti lo,+ lo la lo yeke sara si a zi siokpari ni; lo la lo yeke yü bongo ti lin ni,+ bongo so a zia ni nde ndali ti kua ti Nzapa.+ 33  Lo yeke sara ande si a zi sioni ye na terê ti Ndo so ayeke nzoni kue kue kue,+ tente ti bungbi+ nga na gbalaka;+ nga lo yeke sara ande si a zi siokpari ti aprêtre nga na ti congrégation ti azo ni kue.+ 34  Mbela so la ala yeke sara ye alingbi na ni na yâ ti angoi mingi so ayeke ga,+ ti sara si a zi siokpari kue ti azo ti Israël fani oko na yâ ti ngu oko.”+ Ni la lo sara tâ gï tongana ti so Jéhovah amû yanga na Moïse ti sara.

Kete tënë

Wala “kete bongo so lo yü na gbe ti bongo.”
Wala “terê ti lo so ayeke senge.”
Peut-être a ye ti tene “Ngasa so agirisa.”
Wala “mbeni koli so ayeke nduru ti gue na lo.”
Wala “na âme ti ala.” Ti “sara pasi na terê ti zo wani” aye ti sara tënë ti alege nde nde so zo wani ayeke ke ambeni ye; mungo jeûne ayeke nga na yâ ni.
Wala “âme.”