Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Lévitique 15:1-33

LI TI ATËNË NI

  • Ye so ayuru na terê ti zo ti koli na ti wali (1-33)

15  Jéhovah angbâ ti sara tënë na Moïse na Aaron, atene:  “Ala tene na azo ti Israël, ala tene: ‘Tongana mbeni koli ayeke na kobela so asara si ye ayuru na terê ti lo ti koli,* ye ni so ayuru so asara si lo ga sioni awe.+  Lo ga sioni ndali ti kobela ti lo ni; atâa kobela ni asara si ye ayeke yuru na terê ti lo ti koli wala asara si lo lingbi ti sara inon pëpe, lo yeke sioni.  “‘Gbogbo kue so koli so alango na ndö ni ayeke ga sioni; ye kue so lo duti na ndö ni ayeke ga sioni.  Zo so andu gbogbo ti koli so ayeke sukula ande bongo ti lo; lo yeke sukula ngu me lo yeke ga sioni juska na lakui.+  Zo so aduti na ndö ti ye so koli so aduti na ndö ni ayeke sukula ande bongo ti lo; lo yeke sukula ngu me lo yeke ga sioni juska na lakui.  Zo so andu koli so ayeke sukula ande bongo ti lo, lo yeke sukula ngu me lo yeke ga sioni juska na lakui.  Tongana koli so ayeke na kobela so atuku ngu ti yanga na terê ti zo so ayeke nzoni, zo ni ayeke sukula ande bongo ti lo, lo yeke sukula ngu me lo yeke ga sioni juska na lakui.  Ye ti dutingo na ndö ti anyama so koli so aduti na ndö ni ayeke ga sioni. 10  Zo so andu mbeni ye so lo duti na ndö ni ayeke ga sioni juska na lakui; zo so ayô ye ni ayeke sukula ande bongo ti lo, lo yeke sukula ngu me lo yeke ga sioni juska na lakui. 11  Tongana koli so ayeke na kobela so+ asukula maboko ti lo pëpe si lo ndu mbeni zo, zo ni so ayeke sukula ande bongo ti lo, lo yeke sukula ngu me lo yeke ga sioni juska na lakui. 12  Kungba so a sara ni na sese si koli so andu ni, a yeke fâ yâ ni; tongana a yeke kungba so a sara ni na keke, a yeke sukula ni.+ 13  “‘Tongana ye so ayuru na terê ti lo akaï awe, lango mbasambala na pekoni lo yeke sukula ande bongo ti lo, lo yeke sukula terê ti lo na nzoni ngu, na lo ga nzoni.+ 14  Na lango miombe ni, lo yeke mû akolokoto use wala akete pigeon use,+ lo ga na ni na gbele Jéhovah na yanga ti tente ti bungbi, lo mû ala na prêtre. 15  Prêtre ni ayeke mû oko na sandaga ndali ti siokpari, na tanga ni na sandaga so a zö ni agbi kue; prêtre ni ayeke sara si a zi siokpari ti zo ni na gbele Jéhovah ndali ti ye so ayuru na terê ti lo. 16  “‘Tongana ngu ti terê ti mbeni koli ayuru, lo yeke sukula terê ti lo kue na ngu me lo yeke ga sioni juska na lakui.+ 17  Bongo kue wala poro ti nyama kue so ngu ti terê ti lo ayuru dä, lo yeke sukula ande ni me a yeke ga sioni juska na lakui. 18  “‘Tongana mbeni koli alango na mbeni wali si ngu ti terê ti lo aga, ala yeke sukula terê ti ala, na ala yeke ga sioni juska na lakui.+ 19  “‘Tongana mênë aga na terê ti mbeni wali, lo yeke ga sioni lango mbasambala ndali ti so lo yeke bâ yâ ti lo.+ Zo so andu lo ayeke ga sioni juska na lakui.+ 20  Ye kue so wali so alango na ndö ni ayeke ga sioni, na ye kue so lo duti na ndö ni ayeke ga sioni.+ 21  Zo so andu gbogbo ti lo ayeke sukula ande bongo ti lo nga lo yeke sukula ngu me lo yeke ga sioni juska na lakui. 22  Zo so andu ye so wali so aduti na ndö ni ayeke sukula ande bongo ti lo nga lo yeke sukula ngu me lo yeke ga sioni juska na lakui. 23  Tongana mbeni zo andu gbogbo ni wala ye ni so wali so aduti na ndö ni, zo ni so ayeke ga sioni juska na lakui.+ 24  Tongana mbeni koli alango na lo na wali ni ato nda ti bâ yâ ti lo na ngoi so ala ngbâ ti bungbi,+ koli ni ayeke ga sioni lango mbasambala; gbogbo kue so koli ni alango na ndö ni ayeke ga sioni. 25  “‘Tongana mênë aga na mbeni wali lango mingi+ me a yeke ngoi ti bango yâ ti lo pëpe,+ wala tongana lo bâ yâ ti lo ahon ti so lo yeke bâ ka na ni, alango kue so mênë ni ayeke ga na lo, lo yeke duti ande gï tongana ti ngoi so lo bâ na yâ ti lo. Lo ga sioni awe. 26  Gbogbo kue so lo lango na ndö ni na ngoi ni so ayeke ga sioni, tongana ti so a ga sioni na ngoi ti bango yâ ti lo;+ ye kue so lo duti na ndö ni ayeke ga sioni, tongana ti so a ga sioni na ngoi ti bango yâ ti lo. 27  Zo so andu aye ni so ayeke ga sioni; lo yeke sukula bongo ti lo nga lo yeke sukula ngu me lo yeke ga sioni juska na lakui.+ 28  “‘Me tongana mênë so aga na lo akaï awe, lango mbasambala na pekoni lo ga nzoni.+ 29  Na lango miombe ni, lo yeke mû akolokoto use wala akete pigeon use,+ lo ga na ala na prêtre na yanga ti tente ti bungbi.+ 30  Prêtre ni ayeke mû oko na sandaga ndali ti siokpari, na tanga ni na sandaga so a zö ni agbi kue; prêtre ni ayeke sara si a zi siokpari ti lo na gbele Jéhovah ndali ti mênë so aga na lo, so asara si lo ga sioni.+ 31  “‘Ala sara si azo ti Israël akpe ye kue so alingbi ti sara si ala ga sioni, si ala kui na yâ ti sioni ti ala pëpe; tongana ala yeke sioni, ala yeke sara si tabernacle ti mbi, so ayeke na popo ti ala, abuba.+ 32  “‘Ndia ni la na ndö ti koli so kobela asara si ye ayuru na terê ti lo ti koli nga na koli so ngu ti terê ti lo aga si lo ga sioni ndali ni;+ 33  nga ti wali so ayeke bâ yâ ti lo si lo ga sioni,+ na zo kue so kobela asara si ye ayuru na terê ti lo, atâa koli wala wali,+ wala koli so alango na wali so aga sioni awe.’”

Kete tënë

Na Hébreu: “nyama ti terê ti lo.”