Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Josué 8:1-35

LI TI ATËNË NI

  • Josué azia ambeni zo ahonde terê (1-13)

  • Israël akinda kodro ti Aï (14-29)

  • A diko Ndia ni na Hoto ti Ébal (30-35)

8  Na pekoni, Jéhovah atene na Josué: “Sara mbeto pëpe nga zia si mbeto ahon ndö ti mo pëpe.+ Mû na terê ti mo akoli kue so ayeke tiri bira, mo na ala ague na Aï. Bâ, mbi zia gbia ti Aï, azo ti lo nga na gbata ti lo na maboko ti mo awe.+  A lingbi mo sara na Aï nga na gbia ti lo oko ye so mo sara lani na Jéricho nga na gbia ti lo.+ Me ala lingbi ti mû akungba ti azo ti kodro ni nga na anyama ti ala senge. Mo tokua ambeni zo kozo ti honde terê ti ala na peko ti gbata ni.”  Tongaso, Josué na akoli kue so ayeke tiri bira alondo ala gue na Aï. Josué asoro angangu zo ti bira 30 000 na lo tokua ala na bï.  Lo mû yanga so na ala, lo tene: “Ala gue ti ala kozo ala honde terê ti ala na mbage ti peko ti gbata ni. Ala hon yongoro mingi na gbata ni pëpe, na ala kue aduti nduru ti tiri bira.  Mbi na tanga ti azo ni e yeke gue nduru na gbata ni, me na ngoi so azo ti gbata ni ayeke sigi ti tiri na e,+ e yeke tourné ande ti kpe na devant ti ala.  Tongana ala sigi ti tomba peko ti e, e yeke sara si ala hon yongoro na gbata ni, teti so azo ti Aï ni ayeke tene ande, atene: ‘Azo ti Israël atourné ti kpe na devant ti e tongana ti lani so.’+ Na e yeke tourné ande ti kpe na devant ti ala.  Tongaso, ti ala, ala yeke sigi na ndo so ala honde terê ti ala dä so ti mû gbata ni. Biani, Jéhovah Nzapa ti ala ayeke zia ande gbata ni na maboko ti ala.  Gï so ala mû gbata ni awe, ala bi wâ dä.+ A lingbi ala sara ye alingbi na tënë so Jéhovah atene. Bâ, mbi mû yanga na ala awe.”  Na pekoni, Josué atokua azo ni na ala gue kozo ala honde terê ti ala na ndo ni so. Ala yeke na popo ti Béthel na Aï, so ayeke na mbage ti ouest ti Aï, na Josué angbâ ti lo na terê ti tanga ti azo ni na bï ni so. 10  Na pekoni, Josué alondo hio na ndapre, lo bungbi aturugu ni ndo oko, lo na a-ancien ti Israël ague na ala na Aï. 11  Akoli kue so ayeke tiri bira+ si ayeke na terê ti lo atambela ti gue lê na lê na gbata ni. Ala sara camp ti ala na nord ti Aï, gï popo-hoto la akangbi ala na Aï. 12  Na oko ngoi ni, lo mû akoli 5 000 tongaso lo zia ala ti honde terê ti ala+ na popo ti Béthel+ na Aï, na mbage ti ouest ti gbata ni. 13  Tanga ti azo ni asara kota camp ti ala na nord ti gbata ni,+ me mbage ti aturugu ni so ayeke na peko ti ala ayeke na mbage ti ouest ti gbata ni.+ Na bï ni so Josué ague na yâ ti popo-hoto* ni. 14  Gï so gbia ti Aï abâ ye so, lo na azo ti lo ti yâ ti gbata ni alondo hio na ndade ni na ndapre ti gue ti tingbi na azo ti Israël ti sara bira na ala na mbeni ndo so ayeke nduru na kpangbala ndo ti désert. Me lo hinga pëpe so ambeni zo ahonde terê ti ala na peko ti gbata ni. 15  Na ngoi so ala tingbi na ala, Josué na azo ti Israël kue akpe amû lege so ayeke gue na benyama ni.+ 16  Tongaso, ala iri azo kue ti yâ ti gbata ni ti tomba peko ti ala. Ala tomba peko ti Josué na a sara si ala hon yongoro na gbata ni. 17  Zo oko angbâ na yâ ti gbata ti Aï nga na Béthel pëpe, ala kue asigi ti tomba peko ti azo ti Israël. Ala zia gbata ni senge tongaso na ala tomba peko ti azo ti Israël. 18  Jéhovah angbâ atene na Josué: “Yôro likongo so ayeke na maboko ti mo so na mbage ti Aï,+ teti mbi yeke zia gbata ni na maboko ti mo.”+ Tongaso, Josué ayôro likongo so ayeke na maboko ti lo so na mbage ti gbata ni. 19  Na ngoi so lo yô maboko ti lo na nduzu, azo so ahonde fade terê ti ala so asigi, ala lï hio na yâ ti gbata ni, ala mû ni na ala bi wâ dä.+ 20  Tongana azo ti Aï atourné na peko, ala bâ guru so ayeke londo na lê ti nduzu na ndö ti gbata ni, ala yeke na ngangu ti kpe ti gue na mbeni ndo nde pëpe. Tongaso, azo ti Israël so ayeke kpe fade na mbage ti benyama so atourné na ndö ti azo ti Aï so ayeke tomba ala so. 21  Na ngoi so Josué nga na azo ti Israël ni kue abâ so azo so ahonde fade terê ti ala so amû gbata ni awe nga ala bâ guru so ayeke londo na ndö ti gbata ni, ala tourné na ala sara bira na azo ti Aï. 22  Ala so ayeke na yâ ti gbata ni so asigi ti tingbi na ala, tongaso azo ti Aï atï na yâ ti gbara, azo ti Israël ayeke mbage na mbage, ala fâ azo ti Aï kue, zo oko asö kuâ pëpe wala akpe pëpe.+ 23  Me ala gbu gbia ti Aï+ na fini lê ti lo, ala gue na lo na Josué. 24  Na peko ti so azo ti Israël afâ azo ti gbata ti Aï kue na yâ ti benyama, ndo so ala tomba fade peko ti ala dä, atanga ni so angbâ ala fâ ala na épée, na pekoni azo ti Israël kue akiri na gbata ti Aï ala fâ azo ti gbata ni na épée. 25  Azo kue so akui na lango ni so, a londo na akoli ti si na awali, wungo ti ala ayeke 12 000, ala kue ayeke azo ti Aï. 26  Maboko ti Josué so lo yôro fade na likongo na nduzu so+ angbâ tongaso lo kiri na ni na sese pëpe juska a fâ azo ti Aï kue.+ 27  Azo ti Israël amû anyama nga na akungba ti gbata ni, na a ga ti ala, legeoko na yanga so Jéhovah amû na Josué.+ 28  Na pekoni, Josué agbi Aï, na lo sara si aga mbeni ndo so lakue gï gbâ ti aye so abuba awe la ayeke dä,+ na a ngbâ tongaso juska laso. 29  Lo fâ gbia ti Aï na lo kanga lo na nduzu na ndö ti keke juska lakui, na ngoi so lâ aga nduru ti lï awe Josué amû yanga ti tene a zi kuâ ti lo na ndö ti keke ni.+ Na pekoni, ala bi kuâ ti lo na yanga ti gbagba ti gbata ni na ala dö gbâ ti atênë na ndö ti lo, atênë so angbâ na ndo ni so juska laso. 30  Josué aleke mbeni gbalaka na Jéhovah Nzapa ti Israël na ndö ti Hoto ti Ébal,+ 31  gï tongana ti so Moïse, wakua ti Jéhovah, afa lani na azo ti Israël nga tongana ti so a sû ni na yâ ti mbeti ti Ndia+ ti Moïse, a tene: “Gbalaka so a sara ni kue gï na tênë, na so mbeni gbakuru ti wen andu terê ni pëpe.”+ Ala yâa na ndö ti gbalaka ni asandaga so a zö ni agbi kue na Jéhovah, ala sara tongaso nga na asandaga ti beoko.+ 32  Na ndo so, lo kiri lo sû na ndö ti atênë copie ti mbeti ti Ndia+ so Moïse asû lani na devant ti azo ti Israël.+ 33  Azo ti Israël kue, a-ancien ti ala, amokonzi ni nga ajuge ti ala kue ayeke luti na terê ti Sanduku ni, ambeni aluti na mbage ge ambeni aluti na mbage kâ. Ala yeke na devant ti aprêtre ti mara ti Lévi so ayeke yô sanduku ti mbele ti Jéhovah. Awande nga na amolenge ti kodro ni ayeke dä.+ Ndambo ti wungo ti ala aluti na devant ti Hoto ti Guérizim na mbeni ndambo ti wungo ni aluti ti lo na devant ti Hoto ti Ébal+ (legeoko tongana ti so Moïse, wakua ti Jéhovah, ahunda lani na ala).+ Ala luti ti iri tufa na ndö ti azo ti Israël. 34  Na pekoni, lo diko atënë ti yâ ti mbeti ti Ndia ni kue na kota go,+ atënë ti tufa+ nga na atënë ti deba+ gï tongana ti so a sû na yâ ti mbeti ti Ndia ni. 35  Josué azia mbeni tënë oko angbâ pëpe, lo diko ni kue na kota go na devant ti congrégation ti azo ti Israël kue,+ so abungbi awali, amolenge nga na awande+ so ayeke sara kodro na popo ti ala.+

Kete tënë

Wala “kpangbala ndo.”