Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Josué 21:1-45

LI TI ATËNË NI

  • Agbata ti azo ti mara ti Lévi (1-42)

    • Ti ahale ti Aaron (9-19)

    • Ti tanga ti azo ti sewa ti Kohath (20-26)

    • Ti sewa ti Guershon (27-33)

    • Ti asewa ti Mérari (34-40)

  • Azendo ti Jéhovah aga tâ tënë (43-45)

21  Amokonzi ti ahale ti Lévi aga na terê ti prêtre Éléazar,+ na terê ti Josué, molenge ti Nun, nga na terê ti amokonzi ti ahale ti amara ti Israël,  na Shilo+ na sese ti Canaan ala tene na ala: “Jéhovah amû yanga lani na e na lege ti Moïse ti mû na e agbata ti tene e sara kodro dä nga na ando ti tengo pere ndali ti anyama ti e.”+  Tongaso, azo ti Israël asoro na yâ ti sese ti ala, agbata ni so nga na ando ti tengo pere ti anyama so angoro agbata ni, ala mû ni na mara ti Lévi alingbi na yanga so Jéhovah amû.+  Tongaso, na lege ti ye so ala bi ti mû lege na ala ti fa sese so a lingbi a mû na azo ni, mbeni sese ni atï na mbage ti asewa ti Kohath.+ Na lege ti ye so ala bi, azo ti mara ti Lévi so ayeke ahale ti prêtre Aaron awara agbata 13 so a soro ni na yâ ti sese ti mara ti Juda,+ ti mara ti Siméon+ nga ti mara ti Benjamin,+ si a mû na ala.  Ti tanga ti ahale ti Kohath, ala wara agbata bale-oko so a mû na sese ti mara ti Éphraïm,+ ti mara ti Dan nga na ti ndambo ti mara ti Manassé,+ si a mû na ala.  Ti amolenge ti Guershon,+ ala wara agbata 13 so a mû na sese ti mara ti Issacar, ti mara ti Aser, ti mara ti Nephtali nga na ti ndambo ti mara ti Manassé so ayeke na Basan,+ si a mû na ala.  Ti ahale ti Mérari,+ na asewa ti ala, ala wara agbata 12 so a yeke na sese ti azo ti mara ti Ruben, ti mara ti Gad nga na ti mara ti Zabulon.+  A yeke tongaso si na lege ti ye so ala bi ti mû lege na ala ti fa sese so a lingbi a mû na azo ni, azo ti Israël amû na azo ti mara ti Lévi agbata so nga na ando ti tengo pere ti anyama so angoro ni; a mû ni na ala gï tongana ti so Jéhovah amû yanga lani na lege ti Moïse.+  Tongaso, na sese ti azo ti mara ti Juda nga na ti Siméon, a mû agbata so a fa iri ni ge so,+ 10  a mû na amolenge ti Aaron ti sewa ti Kohath ti mara ti Lévi, ngbanga ti so na lege ti ye so ala bi ti mû lege na ala ti fa sese so a lingbi a mû na azo ni, ala la sese ni atï na mbage ti ala kozo. 11  A mû na ala Kiriath-Arba+ nga na ando ti tengo pere ti anyama so angoro ni (Arba ayeke babâ ti Anak). Kiriath-Arba ayeke Hébron,+ so ayeke na yâ ti ando so ahoto ayeke dä na sese ti Juda. 12  Me ndo ti fango yaka ti gbata ni nga na akete kodro ni, a mû ni na Caleb, molenge ti Jéphunnéh, ti tene a ga ti lo.+ 13  A mû na amolenge ti prêtre Aaron, gbata ti batango zo ndali ti mbeni zo so afâ zo,+ gbata ti Hébron+ nga na ando ti tengo pere ti anyama so angoro ni, a mû na ala nga Libnah+ na ando ti tengo pere ti anyama so angoro ni, 14  Jattir+ na ando ti tengo pere ti anyama so angoro ni, Eshtémoa+ na ando ti tengo pere ti anyama so angoro ni, 15  Holon+ na ando ti tengo pere ti anyama so angoro ni, Debir+ na ando ti tengo pere ti anyama so angoro ni, 16  Aïn+ na ando ti tengo pere ti anyama so angoro ni, Juttah+ na ando ti tengo pere ti anyama so angoro ni nga na Beth-Shémesh na ando ti tengo pere ti anyama so angoro ni; agbata gumbaya so a mû ni na sese ti amara use so. 17  Na sese ti mara ti Benjamin, a mû na ala Gabaon+ na ando ti tengo pere ti anyama so angoro ni, Guéba na ando ti tengo pere ti anyama so angoro ni,+ 18  Anathoth+ na ando ti tengo pere ti anyama so angoro ni nga na Almon na ando ti tengo pere ti anyama so angoro ni; agbata osio. 19  Agbata kue so a mû na aprêtre so ayeke ahale ti Aaron, ayeke agbata 13 na ando ti tengo pere ti anyama so angoro ni.+ 20  Ti tanga ti azo ti sewa ti Kohath so ayeke na popo ti mara ti Lévi, na lege ti ye so ala bi ti mû lege na ala ti fa sese so a lingbi ti mû na azo ni, ambeni gbata ti sese ti azo ti mara ti Éphraïm atï na mbage ti azo ti sewa ti Kohath. 21  Azo ti mara ti Éphraïm amû na ala gbata ti batango zo ndali ti mbeni zo so afâ zo,+ so ti tene gbata ti Sichem+ nga na ando ti tengo pere ti anyama so angoro ni, so ayeke na ando so ahoto ayeke dä na sese ti Éphraïm, Guézer+ nga na ando ti tengo pere ti anyama so angoro ni, 22  Kibzaïm na ando ti tengo pere ti anyama so angoro ni nga na Beth-Horon+ na ando ti tengo pere ti anyama so angoro ni; agbata osio. 23  Na sese ti mara ti Dan, a mû na ala Elteké na ando ti tengo pere ti anyama so angoro ni, Guibbéthon na ando ti tengo pere ti anyama so angoro ni, 24  Aijalon+ na ando ti tengo pere ti anyama so angoro ni nga na Gath-Rimmon na ando ti tengo pere ti anyama so angoro ni; agbata osio. 25  Na sese ti ndambo ti mara ti Manassé, a mû na ala Taanak+ na ando ti tengo pere ti anyama so angoro ni nga na Gath-Rimmon na ando ti tengo pere ti anyama so angoro ni; agbata use. 26  Agbata ni kue nga na ando ti tengo pere ti anyama so angoro ni, so tanga ti azo ti sewa ti Kohath awara ayeke bale-oko. 27  Ti sewa ti Guershon+ so ayeke na popo ti mara ti Lévi, ala wara na sese ti ndambo ti mara ti Manassé gbata ti batango zo ndali ti mbeni zo so afâ zo, so ti tene gbata ti Golan,+ so ayeke na Basan na ando ti tengo pere ti anyama so angoro ni nga na Béeshtérah na ando ti tengo pere ti anyama so angoro ni; agbata use. 28  Na sese ti azo ti mara ti Issacar,+ a mû na ala Kishion na ando ti tengo pere ti anyama so angoro ni, Dabérath+ na ando ti tengo pere ti anyama so angoro ni, 29  Jarmuth na ando ti tengo pere ti anyama so angoro ni nga na En-Gannim na ando ti tengo pere ti anyama so angoro ni; agbata osio. 30  Na sese ti mara ti Aser,+ a mû na ala Mishal na ando ti tengo pere ti anyama so angoro ni, Abdon na ando ti tengo pere ti anyama so angoro ni, 31  Helcath+ na ando ti tengo pere ti anyama so angoro ni nga na Réhob+ na ando ti tengo pere ti anyama so angoro ni; agbata osio. 32  Na sese ti mara ti Nephtali, a mû na ala gbata ti batango zo+ ndali ti mbeni zo so afâ zo, so ti tene gbata ti Kédesh+ so ayeke na Galilée na ando ti tengo pere ti anyama so angoro ni, Hammoth-Dor na ando ti tengo pere ti anyama so angoro ni nga na Cartan na ando ti tengo pere ti anyama so angoro ni; agbata ota. 33  Agbata kue ti mara ti Guershon na asewa ti ala oko oko kue ayeke agbata 13 nga na ando ti tengo pere ti anyama so angoro ni. 34  Ti asewa ti Mérari,+ tanga ti mara ti Lévi, ala wara na sese ti mara ti Zabulon+ gbata ti Jocnéam+ na ando ti tengo pere ti anyama so angoro ni, Cartah na ando ti tengo pere ti anyama so angoro ni, 35  Dimnah na ando ti tengo pere ti anyama so angoro ni nga na Nahalal+ na ando ti tengo pere ti anyama so angoro ni; agbata osio. 36  Na sese ti mara ti Ruben, a mû na ala Bézer+ na ando ti tengo pere ti anyama so angoro ni, Jahaz na ando ti tengo pere ti anyama so angoro ni,+ 37  Kédémoth na ando ti tengo pere ti anyama so angoro ni nga na Méphaath na ando ti tengo pere ti anyama so angoro ni; agbata osio. 38  Na sese ti mara ti Gad,+ a mû na ala gbata ti batango zo ndali ti mbeni zo so afâ zo, so ti tene gbata ti Ramoth so ayeke na Galaad+ na ando ti tengo pere ti anyama so angoro ni, Mahanaïm+ na ando ti tengo pere ti anyama so angoro ni, 39  Hesbon+ na ando ti tengo pere ti anyama so angoro ni, Jazer+ na ando ti tengo pere ti anyama so angoro ni; kue agbata osio. 40  Agbata kue so a mû na mara ti Mérari na asewa ti ala oko oko kue, tanga ti asewa ti mara ti Lévi, ayeke agbata 12. 41  Agbata kue so mara ti Lévi awara na yâ ti sese ti azo ti Israël ayeke agbata 48 nga na ando ti tengo pere ti anyama so angoro ni.+ 42  Agbata ni oko oko kue ayeke na ando ti tengo pere ti anyama so angoro ni: agbata ni kue ayeke tongaso. 43  Tongaso, Jéhovah amû na azo ti Israël akodro kue so lo deba yanga ti lo lani na akotara ti ala ti mû ni na ala,+ azo ti Israël amû ni na ala sara kodro dä.+ 44  Nga Jéhovah asara si ala duti na siriri na ambage kue, gï tongana ti so lo deba yanga ti lo lani na akotara ti ala,+ na popo ti awato ti ala kue mbeni oko ti gbu lê ni na ala ayeke dä pëpe.+ Jéhovah azia awato ti ala kue na maboko ti ala.+ 45  Apendere zendo kue so Jéhovah amû lani na azo ti Israël, mbeni zendo ni oko atï na ngu pëpe; kue asi alingbi na tënë ti yanga ti lo.+

Kete tënë