Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Josué 20:1-9

LI TI ATËNË NI

  • Agbata ti batango zo (1-9)

20  Na pekoni, Jéhovah atene na Josué:  “Mo tene na azo ti Israël, mo tene: ‘Ala soro agbata ti batango zo+ so mbi sara tënë ni lani na ala na lege ti Moïse,  tongaso si mbeni zo so afâ zo na mbana pëpe wala lo bi bê ti lo kozo pëpe* ti fâ zo* ni alingbi ti kpe ti gue dä. Agbata ni so ayeke ga ande ndo ti batango terê ndali ti wafango zo ni so, si lo tï pëpe na maboko ti zo so ayeke na droit ti fâ mbeni zo so afâ zo.+  Wafango zo ni adoit ti kpe na yâ ti mbeni oko ti agbata so,+ na lo luti na yanga ti gbagba ti gbata ni+ ti fa tënë ti ye so asi na lo na a-ancien ti gbata ni so. Na pekoni, ala yeke yeda ti tene lo lï na yâ ti gbata ni, ala mû na lo mbeni ndo na lo sara kodro na popo ti ala.  Na tongana zo so ayeke na droit ti fâ mbeni zo so afâ zo atomba peko ti lo, a lingbi ala zia wafango zo ni na maboko ti lo pëpe ngbanga ti so lo bi bê ti lo kozo pëpe* ti fâ mba ti lo ni wala lo ke mba ti lo ni na bê ti lo kozo pëpe.+  Lo yeke sara kodro na yâ ti gbata ni so juska lo gue na gbele ngbanga na devant ti bungbi ti azo ni,+ lo yeke ngbâ na yâ ti gbata ni so juska kota prêtre so ayeke sara kua na ngoi ni so akui awe si.+ Na pekoni, wafango zo ni alingbi ti kiri na yâ ti gbata so lo londo dä lani si lo kpe so, lo lingbi ti lï na yâ ti gbata ni nga ti kiri na yâ ti da ti lo.’”+  Tongaso, ala mû ambeni gbata ala zia ni nde, agbata tongana Kédesh+ so ayeke na Galilée na yâ ti ando so ahoto ayeke dä, na sese ti Nephtali; Sichem+ so ayeke na yâ ti ando so ahoto ayeke dä, na sese ti Éphraïm; Kiriath-Arba,+ so ti tene Hébron, so ayeke na yâ ti ando so ahoto ayeke dä, na sese ti Juda.  Na mbage ti Ngu ti Jourdain, na est ti Jéricho, ala soro Bézer+ na yâ ti désert so ayeke na kpangbala ndo, na yâ ti sese ti mara ti Ruben, Ramoth+ so ayeke na Galaad, na yâ ti sese ti mara ti Gad nga na Golan+ so ayeke na Basan, na yâ ti sese ti mara ti Manassé.+  So ayeke agbata so a soro ni ndali ti azo ti Israël nga ndali ti awande so asara kodro na popo ti ala. Tongana mbeni zo afâ zo* na mbana pëpe, lo lingbi ti kpe kâ+ ti tene zo so ayeke na droit ti fâ mbeni zo so afâ zo afâ lo pëpe kozoni si lo gue na gbele ngbanga na devant ti bungbi ti azo ni.+

Kete tënë

Wala “lo hinga pëpe.”
Wala “ti fâ mbeni âme.”
Wala “lo hinga pëpe.”
Wala “mbeni âme.”