Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Josué 19:1-51

LI TI ATËNË NI

  • Héritage ti Siméon (1-9)

  • Héritage ti Zabulon (10-16)

  • Héritage ti Issacar (17-23)

  • Héritage ti Aser (24-31)

  • Héritage ti Nephtali (32-39)

  • Héritage ti Dan (40-48)

  • Héritage ti Josué (49-51)

19  Ti use ni, na lege ti ye so ala bi ti mû lege na ala ti fa sese so a lingbi a mû na azo ni,+ mbeni sese ni atï na mbage ti mara ti Siméon+ alingbi na asewa ti lo oko oko kue. Héritage ti ala ayeke na popo ti héritage ti mara ti Juda.+  Héritage ti ala ayeke Béer-Shéba+ legeoko na Shéba, Moladah,+  Hazar-Shual,+ Balah, Ézem,+  Eltolad,+ Béthul, Hormah,  Ziclag,+ Beth-Marcaboth, Hazar-Susah,  Beth-Lébaoth+ na Sharuhèn; agbata 13 na akete kodro ni.  Aïn, Rimmon, Éther na Ashan;+ agbata osio na akete kodro ni;  na akete kodro kue so angoro agbata so juska na Baalath-Béer nga na Ramah na mbage ti sud. So héritage ti mara ti Siméon alingbi na asewa ti lo oko oko kue la.  A mû héritage ti ahale ti Siméon na popo ti mbage ti sese so atï na mbage ti azo ti Juda, ngbanga ti so sese ti azo ti Juda akono ahon ndö ni. Tongaso, ahale ti Siméon awara sese ti ala na popo ti héritage ti ahale ti Juda.+ 10  Ti ota ni, na lege ti ye so ala bi ti mû lege na ala ti fa sese so a lingbi a mû na azo ni,+ mbeni sese ni atï na mbage ti ahale ti Zabulon+ alingbi na sewa ti ala oko oko kue, na yanga ti sese ti ala ague juska na Sarid. 11  Yanga ti sese ti ala amonté na mbage ti ouest juska na Maréal, a si na Dabbésheth na pekoni a gue a si na popo-hoto* so abâ ndo na mbage ti Jocnéam. 12  Na pekoni, a komanse na Sarid na mbage ti est ti si na yanga ti sese ti Kisloth-Tabor, a hon na Dabérath+ juska a monté na Japhia. 13  A londo kâ a ngbâ ti gue juska na mbage ti est ti si na Gath-Hépher,+ a hon na Eth-Cazin a si na Rimmon na a gue na Néah. 14  Yanga ti sese ni angoro na terê ni na mbage ti nord asi na Hannathon na ahunzi na Popo-hoto ti Iphtahel, 15  na Catthath, Nahalal, Shimron,+ Idalah nga na Bethléhem;+ agbata 12 nga na akete kodro ni. 16  So ayeke héritage ti ahale ti Zabulon alingbi na asewa ti ala oko oko kue la.+ So ayeke agbata ni nga na akete kodro ni la. 17  Ti osio ni, na lege ti ye so ala bi ti mû lege na ala ti fa sese so a lingbi a mû na azo ni,+ mbeni sese ni atï na mbage ti Issacar,+ ahale ti lo nga na asewa ti ala oko oko kue. 18  Yanga ti sese ti ala ague juska na Jizréel,+ Késulloth, Sunem,+ 19  Hapharaïm, Shion, Anaharath, 20  Rabbith, Kishion, Ébez, 21  Rémeth, En-Gannim,+ En-Haddah nga na Beth-Pazzez. 22  Yanga ti sese ti ala asi na Tabor,+ na Shahazoumah, na Beth-Shémesh nga a hunzi na yanga ti Ngu ti Jourdain; agbata 16 na akete kodro ni. 23  So ayeke sese ti azo ti mara ti Issacar alingbi na asewa ti ala oko oko kue la,+ agbata ni nga na akete kodro ni. 24  Ti oku ni, na lege ti ye so ala bi ti mû lege na ala ti fa sese so a lingbi a mû na azo ni,+ mbeni sese ni atï na mbage ti azo ti mara ti Aser+ alingbi na asewa ti ala oko oko kue. 25  Yanga ti sese ti ala ayeke Helcath,+ Hali, Béten, Acshaph, 26  Allammélek, Amad, na Mishal na a gue na mbage ti ouest ti Carmel+ nga a si na Shihor-Libnath, 27  na a kiri a hon na mbage ti est juska na Beth-Dagon na a si na Zabulon nga na Popo-hoto ti Iphtahel ti gue na mbage ti nord, juska a si na Beth-Émec, na Néïel, na a gue juska na Cabul na mbage ti wali, 28  na a si na Ébron, Réhob, Hammon nga na Canah juska na Sidon so gbâ ti azo ayeke dä.+ 29  Na pekoni, yanga ti sese ni akiri ague asi na Ramah juska na gbata ti Tyr+ so ngangu gbagba ayeke na terê ni. A kiri a hon na Hosah na a hunzi na ngu-ingo so ayeke na sese ti Aczib, 30  Ummah, Aphec,+ Réhob;+ agbata 22 na akete kodro ni. 31  So ayeke héritage ti azo ti mara ti Aser alingbi na asewa ti ala oko oko kue la.+ So ayeke agbata ni nga na akete kodro ni la. 32  Ti omene ni, na lege ti ye so ala bi ti mû lege na ala ti fa sese so a lingbi a mû na azo ni,+ mbeni sese ni atï na mbage ti ahale ti Nephtali alingbi na asewa ti ala oko oko kue. 33  Yanga ti sese ti ala alondo na Héleph, na kota keke so ayeke na Zaanannim,+ ague na Adami-Nékeb, Jabnéel juska na Laccum, na a hunzi na yanga ti Ngu ti Jourdain. 34  Yanga ti sese ni akiri ahon na mbage ti ouest asi na Aznoth-Tabor, a londo kâ a gue na Huccoc, a si na Zabulon na mbage ti sud, a si na Aser na mbage ti ouest, a gue juska na Juda, so ayeke na Ngu ti Jourdain na mbage ti est. 35  Agbata so angangu gbagba ayeke na terê ni ayeke agbata tongana: Ziddim, Zer, Hammath,+ Raccath, Kinnéreth, 36  Adamah, Ramah, Hazor,+ 37  Kédesh,+  Édréi, En-Hazor, 38  Yiron, Migdal-El, Horem, Beth-Anath, Beth-Shémesh;+ agbata 19 nga na akete kodro ni. 39  So ayeke héritage ti azo ti mara ti Nephtali alingbi na asewa ti ala oko oko kue la,+ agbata ni nga na akete kodro ni. 40  Ti mbasambala ni, na lege ti ye so ala bi ti mû lege na ala ti fa sese so a lingbi a mû na azo ni,+ mbeni sese ni atï na mbage ti mara ti Dan+ alingbi na asewa ti lo oko oko kue. 41  Yanga ti sese ti héritage ti ala ayeke Zorah,+ Eshtaol, Ir-Shémesh, 42  Shaalabbin,+ Aijalon,+ Ithlah, 43  Élon, Timnah,+  Écron,+ 44  Eltekéh, Guibbéthon,+ Baalath, 45  Jéhud, Béné-Berac, Gath-Rimmon,+ 46  Mé-Jarcon nga na Raccon, yanga ti sese ni abâ ndo na mbage ti Joppé.+ 47  Me sese ti ahale ti Dan ayeke kete mingi, a lingbi na ala pëpe.+ Tongaso, ala monté ala sara bira na azo ti Léshem+ na ala sö benda na ndö ti gbata ni nga ala fâ azo ti gbata ni na épée. Na pekoni, ala mû ndo ni na ala sara kodro dä, ala changé iri ti Léshem aga Dan alingbi na iri ti Dan so ayeke kotara ti ala.+ 48  So ayeke héritage ti azo ti mara ti Dan alingbi na asewa ti ala oko oko kue la. So ayeke agbata ni nga na akete kodro ni la. 49  Tongana ala hunzi ti kangbi yâ ti sese ni tongana héritage ti ala alingbi na akodro ni oko oko kue awe, azo ti Israël amû mbeni héritage na Josué, molenge ti Nun, na popo ti ala. 50  Na peko ti yanga so Jéhovah amû, ala mû na Josué gbata so Josué ahunda, gbata ti Timnath-Sérah,+ so ayeke na ando so ahoto ayeke dä na sese ti Éphraïm. Lo leke gbata ni na lo sara kodro kâ. 51  So ayeke ahéritage so prêtre Éléazar, Josué, molenge ti Nun, nga na amokonzi ti ahale ti akotara ti azo ti Israël akangbi la.+ Ala bi mbeni ye so amû lege na ala ti fa sese so a lingbi a mû na azo ni na gbele Jéhovah na Shilo+ na yanga ti tente ti bungbi.+ Tongaso, ala hunzi ti kangbi yâ ti sese ni.

Kete tënë