Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Josué 16:1-10

LI TI ATËNË NI

  • Héritage ti amolenge ti Joseph (1-4)

  • Héritage ti Éphraïm (5-10)

16  Ala bi mbeni ye so amû lege na ala ti fa sese+ so a lingbi a mû na ahale ti Joseph;+ sese ti ala alondo na Ngu ti Jourdain ti si na Jéricho juska na angu ti Jéricho na mbage ti est, a fâ yâ ti désert na a londo na Jéricho amonté na yâ ti ando so ahoto ayeke dä na Béthel.+  A londo na Béthel ti Luz ague juska na yanga ti sese ti kodro ti azo ti mara ti Arki so ayeke na Ataroth.  Na pekoni, a descend na mbage ti ouest ti si na yanga ti sese ti kodro ti azo ti mara ti Japhlet, si a gue juska na yanga ti sese ti Beth-Horon+ ti gbe ni nga na Guézer+ na a hunzi na ngu-ingo.  Tongaso, Manassé na Éphraïm, so ayeke ahale ti Joseph,+ awara nga sese ti ala.+  Yanga ti sese ti ahale ti Éphraïm na asewa ti ala ayeke tongaso: Yanga ti sese ti ala na mbage ti est ayeke Ataroth-Addar+ na ague juska na Beth-Horon+ ti nduzu  na asi na ngu-ingo. Micméthath+ ayeke na mbage ti nord, na yanga ti sese ni angoro na est ti si na Taanath-Shilo nga ahon na mbage ti est ti si na Janoah.  Na pekoni, a londo na Janoah a descend na Ataroth nga a si na Naarah a gue juska na Jéricho+ na a si na Ngu ti Jourdain.  Yanga ti sese ni alondo na Tappuah+ ague juska na mbage ti ouest ti Popo-hoto ti Canah si ahunzi na ngu-ingo.+ So héritage ti mara ti Éphraïm alingbi na asewa ti ala la;  na yâ ni nga, a yeke wara agbata kue na akete kodro ni so azo ti mara ti Éphraïm awara na yâ ti héritage ti ahale ti Manassé.+ 10  Ye oko, ala tomba pëpe azo ti Canaan so ayeke sara kodro na Guézer,+ azo ti Canaan ni angbâ ti sara kodro na popo ti azo ti mara ti Éphraïm juska laso,+ me azo ti Éphraïm agbu ala ti sara akua ti ngangu.+

Kete tënë