Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Josué 15:1-63

LI TI ATËNË NI

  • Héritage ti Juda (1-12)

  • A mû mbeni mbage ti sese ni na molenge ti Caleb ti wali (13-19)

  • Agbata ti Juda (20-63)

15  Sese so a mû*+ na azo ti mara ti Juda na asewa ti ala ague juska na yanga ti sese ti Édom,+ na désert ti Zîn, juska ti si na Négueb na mbage ti sud na yanga ti sese ni.  Yanga ti sese ti ala na mbage ti sud akomanse na yanga ti Kota ngu ti gbâ ti ingo,*+ ti londo na yanga ti ngu ni so abâ ndo na mbage ti sud.  A londo na mbage ti sud ti monté na Acrabbim,+ ahon juska na Zîn, na pekoni a monté na mbage ti sud ti gue na Cadès-Barnéa,+ a si na Hesron nga a monté na Addar si a ngoro ti gue na mbage ti Carca.  Na pekoni, a hon na Azmon+ ti gue juska na Popo-hoto* ti Égypte,+ na yanga ti sese ni angbâ na yanga ti Kota Ngu-ingo ti Méditerranée. So ayeke yanga ti sese ti ala na mbage ti sud la.  Yanga ti sese ti ala na mbage ti est, a londo na Kota ngu ti gbâ ti ingo* a monté juska na yanga ti ndo so Ngu ti Jourdain ahunzi dä. Ti yanga ti sese ni so ayeke na coin ni na mbage ti nord alondo na yanga ti ngu-ingo ni na ndo so Ngu ti Jourdain ni ahunzi dä.+  Yanga ti sese ni alondo na Beth-Hoglah+ amonté ahon na nord ti Beth-Arabah,+ na a monté juska na tênë ti Bohan,+ molenge ti Ruben.  Yanga ti sese ni amonté asi na Popo-hoto* ti Akor+ amonté na Debir, a ngoro na mbage ti nord a si na Guilgal,+ so abâ ndo lê na lê na ndo so amonté ti gue na Adummim na sud ti popo-hoto ni, a hon angu ti En-Shémesh+ a gue a hunzi na En-Roguel.+  Yanga ti sese ni amonté asi na Popo-hoto ti Molenge ti Hinnom+ ti si na sese so ayeke na terê ti hoto ti azo ti mara ti Jébus+ na mbage ti sud, so ti tene Jérusalem;+ na yanga ti sese ni amonté na li ti hoto so abâ ndo lê na lê na Popo-hoto ti Hinnom na mbage ti ouest, so ayeke na yanga ti Popo-hoto* ti Réphaïm na mbage ti nord.  Na pekoni, yanga ti sese ni alondo na li ti hoto ni ti si na Ngu ti Nephtoah+ na ague juska na agbata so ayeke na ndö ti Hoto ti Éphron, yanga ti sese ni aluti na Baalah, so ti tene Kiriath-Jéarim.+ 10  Yanga ti sese ni alondo na Baalah angoro na mbage ti ouest ti si na Hoto ti Séir na ague juska na terê ti Hoto ti Jéarim na mbage ti nord, so ti tene Késalon, na pekoni a descend a gue na Beth-Shémesh+ si a hon na Timnah.+ 11  Nga, yanga ti sese ni ague juska na terê ti kete Hoto ti Écron+ na mbage ti nord, asi na Shikkéron na ague na Hoto ti Baalah juska na Jabnéel na yanga ti sese ni ahunzi na ngu-ingo. 12  Yanga ti sese ni na mbage ti ouest alondo na yanga ti Kota Ngu-ingo*+ ni. So ayeke yanga ti sese ti ahale ti Juda na asewa ti ala na ambage kue la. 13  Ti Caleb,+ molenge ti Jéphunnéh, a mû na lo mbeni sese na popo ti ahale ti Juda alingbi na yanga so Jéhovah amû lani na Josué, a iri sese ni so Kiriath-Arba, so ayeke Hébron;+ Arba ayeke babâ ti Anak. 14  Na pekoni, Caleb atomba amolenge ti Anak+ ota na ndo ni so: Shéshaï, Ahiman na Talmaï,+ ala yeke ahale ti Anak. 15  Na pekoni, lo londo na ndo so lo gue lo sara bira na azo ti kodro ti Debir.+ (Ândö iri ti Debir ayeke Kiriath-Sépher.) 16  Tongaso, Caleb atene: “Zo so asö benda na ndö ti Kiriath-Sépher na lo mû ni, mbi yeke mû molenge ti mbi Acsah na lo ti ga wali ti lo.” 17  Othniel,+ molenge ti Kénaz,+ ita ti Caleb la amû gbata ni. Tongaso, Caleb amû na Othniel molenge ti lo Acsah+ ti ga wali ti lo. 18  Na ngoi so Acsah ayeke gue na yanga-da, lo tene na koli ti lo ti hunda mbeni sese na Caleb, babâ ti lo. Na pekoni, Acsah adescend na ndö ti kororo* ti lo. Caleb ahunda Acsah, atene: “Mo ye mbeni ye?”+ 19  Acsah atene na lo: “Pardon, mû na mbi mbeni matabisi ti fa so mo iri tufa na ndö ti mbi, ndali ti so sese so mo mû na mbi ayeke na mbage ti sud,* mû na mbi nga Gulloth-Maïm.”* Tongaso, Caleb amû na lo Gulloth ti mbage ti nduzu nga na Gulloth ti mbage ti gbe ni. 20  So ayeke héritage ti azo ti mara ti Juda alingbi na asewa ti ala la. 21  Agbata so ayeke na yanga ti sese ti azo ti Juda si ague juska na yanga ti sese ti Édom+ na mbage ti sud, ayeke agbata tongana: Cabzéel, Éder, Jagur, 22  Kinah, Dimonah, Adadah, 23  Kédesh, Hazor, Ithnan, 24  Ziph, Télem, Béaloth, 25  Hazor-Hadattah, Kérioth-Hesron so ayeke Hazor, 26  Amam, Shéma, Moladah,+ 27  Hazar-Gaddah, Heshmon, Beth-Pélet,+ 28  Hazar-Shual, Béer-Shéba,+ Biziothiah, 29  Baalah, Iim, Ézem, 30  Eltolad, Kézil, Hormah,+ 31  Ziclag,+ Madmannah, Sansannah, 32  Lébaoth, Shilhim, Aïn na Rimmon;+ kue agbata 29 legeoko na akete kodro ni. 33  Agbata so ayeke na Séphélah+ ayeke agbata tongana: Eshtaol, Zorah,+ Ashnah, 34  Zanoah, En-Gannim, Tappuah, Énam, 35  Jarmuth, Adullam,+ Socoh, Azécah,+ 36  Shaaraïm,+ Adithaïm, Guédérah na Guédérothaïm;* agbata 14 nga na akete kodro ni. 37  Zénan, Hadashah, Migdal-Gad, 38  Diléan, Mizpéh, Jocthéel, 39  Lakish,+ Bozcath, Églon, 40  Cabbon, Lahmam, Kitlish, 41  Guédéroth, Beth-Dagon, Naamah na Makkédah;+ agbata 16 nga na akete kodro ni. 42  Libnah,+  Éther, Ashan,+ 43  Iphtah, Ashnah, Nézib, 44  Kéïlah, Aczib, na Maréshah; agbata gumbaya nga na akete kodro ni. 45  Écron na agbata so ayeke na gbe ti Écron* nga na akete kodro so ayeke na terê ni. 46  A londo na Écron na mbage ti ouest, legeoko na ando kue so ayeke na terê ti Ashdod nga na akete kodro ni. 47  Ashdod+ na agbata so ayeke na gbe ti Ashdod* nga na akete kodro so ayeke na terê ni. Gaza+ na akete gbata so ayeke na terê ni nga na akete kodro so ayeke na terê ni, ti descend na Popo-hoto ti Égypte, na Kota Ngu-ingo ti Méditerranée ni nga na ando so ayeke na terê ni.+ 48  Ti ando so ahoto ayeke dä, agbata ni ayeke agbata tongana: Shamir, Jattir,+ Socoh, 49  Dannah, Kiriath-Sannah so ayeke Debir, 50  Anab, Eshtémoh,+ Anim, 51  Goshen,+ Holon na Guiloh;+ agbata 11 nga na akete kodro ni. 52  Arab, Dumah, Éshan, 53  Janim, Beth-Tappuah, Aphécah, 54  Humtah, Kiriath-Arba so ayeke Hébron,+ nga na Zior; agbata gumbaya nga na akete kodro ni. 55  Maon,+ Carmel, Ziph,+ Juttah, 56  Jizréel, Jocdéam, Zanoah, 57  Kaïn, Guibéah na Timnah;+ akodro bale-oko nga na akete kodro ni. 58  Halhul, Beth-Zur, Guédor, 59  Maarath, Beth-Anoth na Eltecon; agbata omene nga na akete kodro ni. 60  Kiriath-Baal so ayeke Kiriath-Jéarim,+ nga na Rabbah; agbata use nga na akete kodro ni. 61  Agbata ti benyama ayeke agbata tongana: Beth-Arabah,+ Middin, Sécacah, 62  Nibshan, Gbata ti Ingo na En-Guédi;+ agbata omene nga na akete kodro ni. 63  Ti azo ti mara ti Jébus+ so asara kodro na Jérusalem,+ azo ti Juda alingbi ti tomba ala pëpe,+ tongaso azo ti mara ti Jébus angbâ ti sara kodro na popo ti azo ti Juda na Jérusalem juska laso.

Kete tënë

Wala “so a bi mbeni ye si a fa sese so a mû na azo.”
So ti tene Mer Morte.
So ti tene Mer Morte.
Wala “Kpangbala ndo.”
Wala “Kpangbala ndo.”
So ti tene Méditerranée.
A lingbi nga ti tene “lo pika maboko ti lo na ngoi so lo yeke na ndö ti kororo ni.”
Wala “Négueb.”
Ndani aye ti tene “Abassin so ngu ayeke dä.”
A lingbi nga ti tene “Guedérah na ando ti batango anyama ni.”
Wala “so angoro Écron.”
Wala “so angoro Ashdod.”